Gɨye-lɔɔ 16:13 - Gabri Maja

¹³ Dan̰ wɔlɛ gɨ ni dɔrɛ gɨlale gɨ da Jubɨ na, ni andaŋ ɗe cay ƴaa-di-gumu coŋ bɨ, or cɨndɨni jɨn̰ kɨbɨ kuray gɨ pɨna wo̰ gɨŋ, na kɨɗɨn̰ ga ni ɨrɨm gɨ ni na kɨya wɔɔ kɨɗɨn̰ ga ni ɔlɛ Kumu ga da Jubɨ nee. Ni say som dugo bɨ, yen̰ kandɨ ga ɨrgage dayaŋge a kɨɗɨn̰ ga nee gaŋ le kɔl.

Gɨye-lɔɔ 16:13 ပူးပေါင်းရင်းမြစ်များ

Matɨyo 13:2

Ɨni na, dɨmdɨrdi kalaŋ ɨrgage dayge gusɨge gusi. Na toy di hɨn̰ wo̰ ma, ban nayi boy koburo gɨ gumu gɨŋ somɨn̰ nee. Bɨ ɗe dɨmdɨrdi kalaŋ le, ɨrege daa kɨbɨ kaŋ gaŋ.

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Kɔl-gɨ-Ɗari gɨ Lug wal 13:10

Jesu gɨlɨn̰ kalaŋ kɔl dan̰ wɔlɛ gɨ ni dorɨn̰ gɨlale a duroy ƴaa-daye-di-da-Jubɨn̰əŋ di pɨna wo̰ dɨŋ.

Kɔl-gɨ-Ɗari gɨ Ja̰ wal 8:2

Ɗaŋdo dan̰ te jogɨɗu cururu na, ban jogɨ duroy ƴaa-di-da-Kumu dɨŋ. Bɨ kalaŋ nɔm ɨrgage gusi ɨni na, ban som dugo bɨ ay te gɨlge hɨnga.

Gɨye-lɔɔ 13:14

Ama kan orge tɨrga toge cɨndɨge tumɔ, ayɨn̰ toy a Pɛrjɨ orɨn̰ bugoŋ cay ƴaa-di-gumu di Antɨyɔs, di woy a cay gɨsəŋ ga Pisidi gaŋ. Wɔlɛ dɔrɛ gɨlale gɨ da Jubɨn̰əŋ gɨŋ na, kan andaŋge duroy ƴaa-daye-di-da-Jubɨn̰əŋ dɨŋ orge sɔmɛ dugo.

Gɨye-lɔɔ 13:42

Kɨɗɨn̰ ga Pol dan̰ Barnabas andaŋge doŋ ɨni na, kan olge, ma jɨgage olge nee, ɗe gɨ kan na jɨge yage kɔl gɨ nee le, dan̰ wɔlɛ dɔrɛ gɨlale gɨ da Jubɨn̰əŋ gɨ ɗaŋ coŋ.

Gɨye-lɔɔ 16:16

Wɔlɛ gɨ pɨna wo̰ gɨ ni or jɨn̰ kɨɗɨn̰ ɔlɛ Kumu gɨŋ ɨni na, turmɔ ɗe-gɨye di pɨna wo̰ yal cɨndɨni. Hɨndi na tama di orɨn̰ dan̰ turnɔ di ɨsɨni di lee gɨ hɨndi bee garme. Bɨ ka-gulondo wan̰ge hɨnga wɔɔ tɔgɨ, kɨya garme ga hɨndi bee le.

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 17:2

Duroy dɨmasɨ sɨbɨ, Pol som duroy ƴaa gɨ ni daye gɨŋ dan̰ wɔlɛ dɔrɛ gɨlale gɨ da Jubɨ nɔm, hɨn̰ gɨ ban ba leede daa daa bɨ, arɨn̰ kɔl danage ojɨn̰ cay kɔl gɨ kan walge duroy Magtubu di da Kumu dɨŋ di woy dan̰ cɨndo le.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 20:7

Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

Gɨye-lɔɔ 21:5

Ama kɨɗɨn̰ ga ni dɨɗɨ kɨbɨ wɔlɛ gɨ jurgum le ɨni na, ni say bugoŋ gɨyəŋ codɨn̰ gɨyəŋ tɨrga toni. Kan nɔm dan̰ kandɨge bɨ, karɨndɨge bɨ, beenige bɨrɨŋ andɨn̰ kɨbɨ cay ƴaa-di-gumu dɨŋ doŋ. Nɔm toni dɨŋ ni poy gɨbayni dugo a cay kɨlay gɨ kɨbɨ kuray gɨ gumu taa taa gɨŋ kɨya olɨn̰ Kumu.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.