Gɨye-lɔɔ 16:1 - Gabri Maja

¹ Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 16:1 ပူးပေါင်းရင်းမြစ်များ

Gɨye-lɔɔ 14:1

Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 14:21

Pol dan̰ Barnabas teege bɛrnɛ Kɔl-gɨ-Ɗari a boy cay ƴaa-di-gumu di Dɛrbɨ. Kan leege gɨ kalaŋ kondɨ bɨləŋge ka-aye-cay-tɨbay Jesu. Kardi nee ɨni na, kan bɨlege jogɨge a Listɨr bɨ, Ikonɨyɔm bɨ, Antɨyɔs di woy a cay gɨsəŋ ga Pisidi gaŋ bɨ.

Gɨye-lɔɔ 14:6

Kɨɗɨn̰ ga kan jege kol hɨnga ga kan gey lɔɔ danage na, kan or male kɨɗɨn̰ ga ni dobɨn̰ cayge nee a boy cay ƴaan̰əŋ ga gɨmdəŋ ga Listɨr dan̰ Dɛrbɨ di woy a cay gɨsəŋ ga Ligawoni dan̰ cay ƴaan̰əŋ ga nɨwɨre cayge.

Gɨye-lɔɔ 17:14

Ɨni na, kɨɗɨn̰di ga nee gaŋ le bɨ, karmɨni gɨyge Pol ɗe na or nɔ koburo gɨ gumu taa taa gɨŋ orɨn̰. Ama Sɨlas dan̰ Timote na, baage dugo a cay ƴaa di Bere dɨŋ.

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 19:22

Ban gɨy kalaŋ sɔɔ duroy ka-lɔɔ gɨye danayi, na Timote bɨ, Erasɨ bɨ. Kan orge Masedɨwan tumoyi, ama na ban ba bɔɔ karu a cay gɨsəŋ ga Aji gaŋ ɓale wɔlɛ lam.

Magtubu di Pol wal bɨn̰ kalaŋ ga Rɔm 16:21

Timote mɨganɨ ba-lɔɔ gɨye ləgɨŋ lapɨya. Kanɨ Lisɨyus bɨ, Jaso̰ bɨ, Sosipatɛr bɨ, kalɨn̰ ma ləgɨŋge lapɨya bɨ.

1 Korɛ̰t 16:10

Hɨn̰ gɨ Timote na bugoŋ gusɨgɨŋ na, kɨŋ ɗɔɔ ba lɔɔ gɨ ɗe ban sɔmɛ a duroygɨŋ dan̰ hundɔrɔ naŋ. Kɨya wa ban lee na gɨye gɨ da Ba-gulɔŋ hɨn̰ ɨŋ-bandi wo̰ bɨ.

1 Korɛ̰t 4:17

Na toy di hɨn̰ wo̰ ma, maŋ gɨyɨn̰ dan̰ Timote gusɨgɨŋ le. Ban na kuronɨ gɨ ɨŋ lee-toyi tɔgɨ gɨ ɨre a cay tɨbayi dɨŋ te Ba-gulɔŋ. Hal ga ɨŋ kobɨ kardɨge a te bugoŋ pɨna dan̰ Kɨris le, ban kɨya hɨne kuduroygɨŋ cay nee. Na hɨnga ga ɨŋ gɨlɨn̰ kalaŋ duroy Ka-Daye gaŋ nɔm le.

1 Korɛ̰t 7:14

Kɨya wa bara gɨ aya kuduroy naŋ le doriige sii dan̰ cɨndi dan̰ gɨyəŋ gɨ da tamdi bɨ, tama di aya kudurɔ naŋ le dɔrɔɔge soo dan̰ cɨndo dan̰ gɨyəŋ gɨ da kudurɔɔ bɨ. Naa hɨn̰ wo̰ naŋ na, karɨndɨgɨŋ na karɨn̰aŋ ga duroŋ mɨra naŋ, ama leen̰ cɨndi na, kan na karɨn̰aŋ ga woy dan̰ cɨndɨge.

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 1:19

Kɨya wa Jesu-Kɨris Kurɨn̰-Kumu, ban gɨ ɨŋ-bandi bɨ, Sɨlas bɨ, Timote bɨ, ni ba tee bɛrnɛ di da kɔl koyi bɨgɨŋ le, ban ɨrga na kɨya wɔyɛ na «Əw» bɨ «Naŋ» bɨ, kɨbɨge koge gɨŋ naŋ. Ban na «Əw» di da Kumu dan̰ wɔlɛ pɨna pɨna.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.

Pilib 2:19

Kardi nee lam wo̰ na, ɨŋ sol leen̰ cɨndi gɨ Ba-gulɔŋ Jesu kɨya haŋge gɨyəŋ bəŋ gɨ ni gɨyɨn̰ Timote gusɨgɨŋ. Ɗe kɨɗɨn̰ ga ban se gusɨgɨŋ jɨge na, na dɨban̰ bandɨ kuduronɨ dan̰ kɔl kogɨŋ gɨ ban kɨya ɨrga dɔrɔŋ le.

Kɔlɔs 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨna Timote bɨ,

1 Tesalonigɨ 1:1

Na ɨŋ-bandi Pol bɨ, Silbɛ̰ bɨ Timote bɨ, ba gɨyɨn̰ dan̰ magtubu di kɛ le bɨn̰ Ka-Daye ga da Kumu ga a cay ƴaa-di-gumu di Tesalonigɨ, ga bugoŋge pɨna dan̰ Bayna Kumu bɨ, dan̰ Ba-gulɔŋ Jesu-Kɨris bɨ. Kuɗa gɨ Kumu laa ɗarwa danagɨŋ bɨ, bɨgɨŋ gusi-dɔbɛ bɨ.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Tesalonigɨ 3:6

Ama haw kɛ na, Timote sayga gusɨgɨŋ jɨga bugoŋ gusɨni ɓala wɔlɛ naŋ ƴee, yeni kɔl gɨ ɗari gɨ ojɨ cay aye kudurɔ kogɨŋ bɨ, geye kogɨŋ bɨ. Yeni gɨ kɨŋ na ɨrɨm cayni kuɗa ban̰ nee bɨ, tabɨlaŋ sɔlɛdɨni na leegɨŋ hɨn̰ toni wo̰ bɨ.

2 Tesalonigɨ 1:1

Pol dan̰ Silbɛ̰ bɨ, Timote bɨ ba gɨyɨn̰ge dan̰ magtubu bɨn̰ge Ka-Daye ga Tesalonigɨ ga bugoŋge pɨna dan̰ Bayna Kumu bɨ, Ba-gulondɨna Jesu-Kɨris bɨ.

1 Timote 1:18

Kuronɨ Timote hɨnga ga ɨŋ ba yen̰ gɨ ji na laa le, or pɨna na dan̰ te gɨyəŋ gɨ da kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ, lee gɨ kan ye kol can̰ tumɔ le. Ɗe kɔl gɨ kɛ le bɨn̰ tɔgɨ an̰ leen̰ wɔrɨn̰ɛ gɨ kuɗa.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 1:2

Na ji-bandi kuronɨ Timote gɨ ɨŋ geyɨn̰ tɔgɨ, ma maŋ wal magtubu di kɛ le bɨn̰. Kuɗa gɨ Bayna Kumu dan̰ Ba-gulondɨna Jesu-Kɨris laage ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 1:5

Ɨŋ hɨn cay aye gɨ ji ay kuduron̰ leen̰ cɨndi gɨŋ le. Agɨn̰ Loyis bɨ, ƴon̰i Enis bɨ, ayge kuduroyge gɨ cɨndi tumon̰ bɨ, ɨŋ sol kuɗa gɨ aye kudurɔ kon̰ woy na hɨn̰ koge wo̰ bɨ.

2 Timote 3:11

Ji sol tabɨ bɨ, n̰age bɨ, ga ɨŋ wayi a cay ƴaa-di-gumu di Antɨyɔs dɨŋ bɨ, Ikonɨyɔm dɨŋ bɨ, Listɨr dɨŋ bɨ le. Sɨla! Ɨŋ way n̰age tɔgɨ, ama Ba-gulɔŋ dɔrɔŋ kɨbɨ hɨnga ga nee le nɔm coŋ.

Pilemo 1:1

Na ɨŋ-bandi Pol gɨ woy dangay dɨŋ kɨya cay Jesu-Kɨris le, ni-gandi dan̰ kurɨndɨna Timote, ni wal dan̰ kɔl gɨ kɛ le gɨyɨn̰ bɨn̰ ji-bandi Pilemo gɨ ni lee-ton̰, ji mɨgayni ba-lɔɔ gɨye bɨ,

Əbɨro 13:23

Ɨŋ gey gɨ kɨŋ sɨla gɨ kurɨndɨna Timote le doriige dangay dɨŋ dibiige daa ɨni. Hɨn̰ gɨ ban na ɨre haw gusɨnɨ na, ni kɨya ɔrɛ pɨna solgɨŋ.