Gɨye-lɔɔ 15:4 - Gabri Maja

⁴ Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 15:4 ပူးပေါင်းရင်းမြစ်များ

Matɨyo 10:40

«Waŋ waŋ gɨ na ƴɨmagɨŋ kuɗa gusi na, ƴɔmɔŋ na ɨŋ-bandi kuɗa gusi bɨ. Waŋ waŋ gɨ na ƴɨmaŋ kuɗa gusi na, ƴom na ban gɨ gɨygəŋ le kuɗa gusi bɨ.

Gɨye-lɔɔ 11:30

Kɨɗɨn̰ ga kan lee hɨnga ga kan ojɨ lɔɔ le ɨni na, kan ayge hɨnga wɔɔdɨge le beege kobɨ Barnabas kan dan̰ Sol, ɗe kan na ɨran̰ge bɨn̰ kan ga muɗoldoŋ ga a cay gɨsəŋ ga Jude gaŋ.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:3

Ɨni na, Ka-Daye ga a Antɨyɔs bɨge hɨnga ga ni orɨn̰ tɨrga toge le kobɨge. Kan dorge kol bɨle gɨ kalaŋ ga toyge na Jubɨ naŋ, ba bɨlɨn̰ge gɨye-lɔɔdɨge, daa daa gan̰ge cay gɨsəŋ ga Pinisi bɨ, Samari bɨ, orɨn̰ge. Kɔl gɨ nee le bɨn̰ ka-karme nɔm gusi-mɔwa tɔgɨ.

Gɨye-lɔɔ 15:6

Ka-gɨre-gɨye bɨ, kan ga muɗoldoŋ bɨ, dayge cayge kɨya kobɨn̰ te kɔl gɨ nee le sɔlɛ.

Gɨye-lɔɔ 16:4

A boy cay ƴaa nɔm ga kan pɨde nee le, Pol dan̰ Sɨlas yege kol te tumɔ di ka-gɨre-gɨye bɨ, kan ga muɗoldoŋ ga a cay ƴaa-di-gumu di Jerusalɛm ba ayge bɨge bɨ le. Bɨ kan ɨngɨrge gɨ kan na bɨgage kɔl cay nee, laan̰ gɨye.

Gɨye-lɔɔ 18:27

Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu.

Gɨye-lɔɔ 21:17

Kɨɗɨn̰ ga ni bugoŋ a cay ƴaa-di-gumu di Jerusalɛm dɨŋ na, karmɨni ƴomnige gusɨge dan̰ gusi-mɔwa tɔgɨ.

Gɨye-lɔɔ 21:19

Pol leege lapɨya bɨ, ban dorge kol hɨnga nɔm ga Kumu lee dan̰ gɨyəŋ gɨ da gɨye koyi, a duroy kalaŋ ga toyge na Jubɨ naŋ.

Magtubu di Pol wal bɨn̰ kalaŋ ga Rɔm 15:18

Na cɨndi, hɨn̰ gɨ ɨŋ na mala yɔɔ kɔl a cay hɨnga na, na a cay hɨnga ga Kɨris lee kol canɨ ƴɔbɨ, ma maŋ kɨya yɔɔ kɔl cay nee. Dan̰ gɨyəŋ hɨnge na, ban lee gɨ kalaŋ ga toyge na Jubɨ naŋ jege kɔl kɨbɨ Kumu. Ban lee hɨnga ga nee le na dan̰ kɔl bɨ gɨye bɨ,

Magtubu di Pol wal bɨn̰ kalaŋ ga Rɔm 15:7

Naa hɨn̰ wo̰ na, kuɗa gɨ waŋ waŋ kalɨn̰ ma ƴɨma kurɨndi a gusi, hɨn̰ gɨ Kɨris ba ƴomnagɨŋ a gusi wo̰ bɨ, ɗe Kumu wan̰ gusoŋ-tɔgɛ.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 5:19

Na cɨndi, tumɔ Kumu lee gɨye dan̰ gɨyəŋ gɨ da Kɨris been̰ kalaŋ pɨna danayi, dɨle ɗɔngɨsɛ kardi hɨnga ga dan̰ gɨyəŋdɨge naŋ ga kan leege le. Gɨye bɔgɛ kalaŋ pɨna danayi gɨ nee le, Kumu gusi ba bogɨni kobɨni.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Kɔlɔs 4:10

Kurɨndɨna Aristarg dan̰ Marg ga woyge dangay dɨŋ danaŋ le ləgɨŋge lapɨya. Barnabas, gɨlmii, ban gɨ ɨŋ ba yəgɨŋ kɔl gɨ ojɨ cayi tumɔ le. Hɨn̰ gɨ ban na bugoŋ na ƴɨmayigɨŋ gusɨgɨŋ kuɗa.

2 Ja̰ 1:10

Hɨn̰ gɨ ungo na ɨre gusɨgɨŋ ma na ɨran̰ dan̰ hɨnga ga ni gɨle ga nee le naŋ na, kɨŋ ɗɔɔ ba ƴomii gusɨgɨŋ a duroy ƴaadɨgɨŋ gɨŋ bɨ, looyiigɨŋ lapɨya naŋ bɨ.