Gɨye-lɔɔ 15:32 - Gabri Maja

³² Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 15:32 ပူးပေါင်းရင်းမြစ်များ

Matɨyo 23:34

Na toy di hɨn̰ wo̰ ma, jagɨŋ, ɨŋ-bandi ɨŋ kɨya gɨye ka-yɔɔ-kɔl-gɨ-Kumu-ba-yɔɔ bɨ, ka-cɨn̰-muɗɔlɛ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, gusɨgɨŋ. Kɨŋ kɨya dɨɗe ga pɨna bɨ, gagɨlde ga pɨna a cay sɨya-gɨ-dagɨli gɨŋ bɨ, sɔmdɨdɛ ga pɨna dan̰ bɨraw duroy ƴaa-daye-di-da-Jubɨn̰əŋ gaŋ bɨ, kɨŋ kɨya codɨdɨge dan̰ cay ƴaa ƴaa bɨ.

Kɔl-gɨ-Ɗari gɨ Lug wal 11:49

Na toy di hɨn̰ wo̰ ma, cɨn̰-muɗɔlɛ gɨ da Kumu koyi ye hɨn̰: “Ɨŋ kɨya gɨyɨn̰ dan̰ ka-yɔɔ-kɔl-gɨ-Kumu-ba-yɔɔ bɨ, dan̰ ka-gɨre-gɨye gusɨge na, kan kɨya dɨɗe ga pɨna bɨ, kan kɨya gɨlɨn̰ ga pɨna cɨn̰-n̰age bɨ.”

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 15:1

Ɨni na, kalaŋ ga pɨna wo̰ saygage a cay gɨsəŋ ga Jude gaŋ, ɨrgage gɨlɨn̰ge ka-karme ga a Antɨyɔs kɔl, yege hɨn̰: «Hɨn̰ gɨ kɨŋ na ɗa gɨ kan na walagɨŋ ban̰a dan̰ gɨyəŋ gɨ da gasɨn̰-kɔl gɨ da Moyis naŋ na, Kumu kɨya poɗɨgɨŋ naŋ bɨrɨŋ.»

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:27

Na toy di hɨn̰ wo̰ ma, mani gɨy Jud bɨ, Sɨlas bɨ, ɗe gɨ kan na ɨra yagɨŋ kɔl nɔm gɨ ni ba wal le, dan̰ kɨbɨge nee coŋ.

Gɨye-lɔɔ 15:3

Ɨni na, Ka-Daye ga a Antɨyɔs bɨge hɨnga ga ni orɨn̰ tɨrga toge le kobɨge. Kan dorge kol bɨle gɨ kalaŋ ga toyge na Jubɨ naŋ, ba bɨlɨn̰ge gɨye-lɔɔdɨge, daa daa gan̰ge cay gɨsəŋ ga Pinisi bɨ, Samari bɨ, orɨn̰ge. Kɔl gɨ nee le bɨn̰ ka-karme nɔm gusi-mɔwa tɔgɨ.

Gɨye-lɔɔ 15:41

Pol gɔdɨrde cay gɨsəŋ ga Siri gaŋ bɨ, ga Sɨlisi gaŋ bɨ. Dobɨn̰ bandɨ kuduroy Ka-Daye gaŋ ɗe gɨ kan na ɨrɨn̰ge usa a cay aye kudurɔ koge gɨŋ bɨ.

Gɨye-lɔɔ 18:23

Ban wol sɨm a cay ƴaa di nee dɨŋ le bɨ, say orɨn̰ tɨrga toyi. Ban gan̰ cay ƴaan̰əŋ ga a cay gɨsəŋ ga Galasi gaŋ bɨ, ga Pɨrɨji gaŋ bɨ. Dobɨn̰ bandɨ kuduroy ka-aye-cay-tɨbay Jesu, ɗe gɨ kan na ɨrɨn̰ usa a cay aye kudurɔ koge gɨŋ.

Gɨye-lɔɔ 2:40

Pɨyɛr yege kɔl gɨ ɗaŋ dan̰ kondi kɨya boyge jɨgan̰ ɗe kan na ayan̰ kuduroyge, kɨya dobɨn̰ bandɨ kuduroyge bɨ, yege hɨn̰: «Ƴagɨŋ pɔɗɛ gɨ da Jesu agɨŋ andɨn̰ duroy kalaŋ ga ka-lɔɔ terɨn̰ ga haw kɛ coŋ.»

Gɨye-lɔɔ 20:2

Ban kayde cay gɨsəŋ ga nee le bɨ, dobɨ bandɨ gɨɗaŋ kuduroy ka-aye kudurɔ ga somge nee. Ban say nee or bɨrɨŋ bugoŋ a cay gɨsəŋ ga Gɨrɛs gaŋ.

Magtubu di Pol wal bɨn̰ kalaŋ ga Rɔm 12:6

Na orɨn̰ dan̰ hɨnga ga ni bee-kalɨn̰ ga toyge kan̰dɨge kan̰dɨge dan̰ gɨyəŋ gɨ da ɗarwa di Kumu lee danana. Hɨn̰ gɨ Kumu na bɨn̰ ungo dɔnɔ di ni yɔɔ-kɔl-gɨ-Kumu-ba-yɔɔ na, kuɗa gɨ ban ya ɗe or pɨna dan̰ aye kudurɔ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

1 Korɛ̰t 14:29

Ɗa gɨ sɔɔ naŋ le kalaŋ sɨbɨ yage-kɔl-gɨ-Kumu-ba-yɔɔ bɨ, ɗa gɨ toyge ga ba kɨbage duroy kɔl koge.

1 Korɛ̰t 14:3

Ama ba-yɔɔ-kɔl-gɨ-Kumu-ba-yɔɔ le ye kɔl na dan̰ kalaŋ ɗe togɨyge na san̰ cay mɨga dɨŋ bɨ, na gɨ ni dobɨn̰ bandɨ kuduroyge bɨ, na gɨ ni jalɨn̰ kuduroyge bɨ.

1 Korɛ̰t 14:32

Ungo gɨ ba-yɔɔ-kɔl-gɨ-Kumu-ba-yɔɔ le orɨn̰ dan̰ dɔnɔ a cay kɔl gɨ ban ye.

Epɛs 3:5

Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi.

1 Tesalonigɨ 2:11

Hɨn̰ gɨ kɨŋ ba sol le, hɨnga ga ni ba lee danagɨŋ le, woy na hɨn̰ hɨnga ga karɨn̰aŋ ban̰an̰ge ba lee dan̰ karɨndɨge wo̰.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

1 Tesalonigɨ 5:20

Kan ga sayge duroygɨŋ bɨ yege gɨ, kɔl gɨ ke na ye naa kɔl-gɨ-Kumu-ba-yɔɔ le, sɔlɛgɨŋ kɔl koge leen̰ hɨnga ga kalɨn̰ wo̰ dugo naŋ,

2 Tesalonigɨ 3:12

Kalaŋ ga nee le na, ni olge bɨ, ni ay noyni bɨge bɨ, dan̰ guson̰ Ba-gulɔŋ Jesu-Kɨris gɨ kan na laa gɨye kɨbɨge munduŋ bɨ, kan na da hɨnga ga dan̰ gɨyəŋ gɨ da kɨjan̰e koge gɨŋ bɨ.

1 Timote 2:1

Tumoy hɨnga nɔm na, ɨŋ dobɨ bandɨ kuduroygɨŋ gɨ ɗe kalaŋ ɨngɨrɨn̰ge Kumu hɨnga bɨ, ulan̰ge Kumu hɨnga bɨ, ɨlge cayi bɨ, laayige ho’o bɨ, kɨya cay kalaŋ nɔm.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.