Gɨye-lɔɔ 15:3 - Gabri Maja

³ Ɨni na, Ka-Daye ga a Antɨyɔs bɨge hɨnga ga ni orɨn̰ tɨrga toge le kobɨge. Kan dorge kol bɨle gɨ kalaŋ ga toyge na Jubɨ naŋ, ba bɨlɨn̰ge gɨye-lɔɔdɨge, daa daa gan̰ge cay gɨsəŋ ga Pinisi bɨ, Samari bɨ, orɨn̰ge. Kɔl gɨ nee le bɨn̰ ka-karme nɔm gusi-mɔwa tɔgɨ.

Gɨye-lɔɔ 15:3 ပူးပေါင်းရင်းမြစ်များ

Kɔl-gɨ-Ɗari gɨ Lug wal 15:32

Ama ojɨ gɨ na ləgɨŋ dɔɔ ten̰gɨŋ pɨre bɨ, leen̰gɨŋ gusi-mɔwa bɨ, kɨya wa kurdɨn̰ gɨ ba kɛ le, ban na ungo gɨ ma, ma ban boy lɨbɨ bɨ, ban na ungo gɨ kayaŋ, ma maŋ wayi bɨ.”»

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Gɨye-lɔɔ 13:52

Naa hɨn̰ wo̰ kalɨn̰ ma, ka-aye-cay-tɨbay Jesu somge dan̰ gusi-mɔwa bɨ, Turnɔ ɗe-kuduroy-bɛrɛ ƴee kuduroyge pɨl pɨl nee bɨ.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:1

Ɨni na, kalaŋ ga pɨna wo̰ saygage a cay gɨsəŋ ga Jude gaŋ, ɨrgage gɨlɨn̰ge ka-karme ga a Antɨyɔs kɔl, yege hɨn̰: «Hɨn̰ gɨ kɨŋ na ɗa gɨ kan na walagɨŋ ban̰a dan̰ gɨyəŋ gɨ da gasɨn̰-kɔl gɨ da Moyis naŋ na, Kumu kɨya poɗɨgɨŋ naŋ bɨrɨŋ.»

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:32

Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 15:4

Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 17:15

Kan ga beege Pol le, orɨn̰ge danayi bɨrɨŋ andɨn̰ge a Atɛn dɨm ma jɨgage ƴee. Bɨ Pol ay noyi bɨge ɗe gɨ kan na yan̰ Sɨlas bɨ, Timote bɨ, gɨ kan na ɨre haw wayay a cay ƴaa-di-gumu di Atɛn dɨŋ.

Gɨye-lɔɔ 20:38

Hɨnga ga ba leege cɨn̰ kula le, na kɔl gɨ ban ye hɨn̰ kan na gɨ sɔlɛ cɨndi naŋ bɨrɨŋ ɨni le. Kardi nee ɨni na, kan beeyige bɨrɨŋ andɨn̰ danayi kɨbɨ koburo gɨ gumu taa taa gɨŋ.

Gɨye-lɔɔ 21:5

Ama kɨɗɨn̰ ga ni dɨɗɨ kɨbɨ wɔlɛ gɨ jurgum le ɨni na, ni say bugoŋ gɨyəŋ codɨn̰ gɨyəŋ tɨrga toni. Kan nɔm dan̰ kandɨge bɨ, karɨndɨge bɨ, beenige bɨrɨŋ andɨn̰ kɨbɨ cay ƴaa-di-gumu dɨŋ doŋ. Nɔm toni dɨŋ ni poy gɨbayni dugo a cay kɨlay gɨ kɨbɨ kuray gɨ gumu taa taa gɨŋ kɨya olɨn̰ Kumu.

Gɨye-lɔɔ 28:15

Karmɨni ga somge a Rɔm jege koldi ni ɨni na, ga pɨna yalgage cɨndɨni bɨrɨŋ andɨn̰ge kɨɗɨn̰ sugu ga kan teege «Apayus» bɨ, ga ɗaŋ waynige a kɨɗɨn̰ ga teege naa «karɨn̰ ƴaa ga sɨbɨ ga ni ƴomɨn̰ kɨrge» bɨ. Kɨɗɨn̰ ga Pol solge ɨni na, ban leen̰ Kumu ho’o bɨ, ɗugoy ba dugo po̰ bɨ.

Gɨye-lɔɔ 8:14

Kɨɗɨn̰ ga ka-gɨre-gɨye ga somge a Jerusalɛm jege gɨ kalaŋ ga cay gɨsəŋ ga Samari gaŋ na ƴeege kɔl gɨ da Kumu na, kan gɨyge Pɨyɛr bɨ, Ja̰ bɨ a nee.

Magtubu di Pol wal bɨn̰ kalaŋ ga Rɔm 15:24

Ɨŋ ɨrɨm gɨ ni caŋge caygɨŋ, kɨɗɨn̰ ga ɨŋ kɨya sɔ ɔrɛ a cay gɨsəŋ ga Ɛspan̰ gaŋ na, ɨŋ orɨn̰ dan̰ tabɨlaŋdi ɔrɛ gusɨgɨŋ sɔmɛ danagɨŋ lam ɗe gusɨnɨ mɔŋ. Kardi nee na, kɨŋ kɨya jɨbe tonɨ te ɔrɛ tɨrga tɨnge dɨŋ di a Ɛspan̰.

1 Korɛ̰t 16:11

Na toy di hɨn̰ wo̰ ma ɗɔɔ gɨ ungo hagɨrii naŋ. Jɨbgɨŋ toyi ɗe ban jɨga gusɨnɨ dan̰ gusi-dɔbɛ. Kɨya wa ɨŋ som gamii ban bɨ karmɨna ga danayi bɨ.

1 Korɛ̰t 16:6

Gajanaŋ ɨŋ kɨya sɔmɛ danagɨŋ ɓale kɔl, naŋ le ɨŋ kɨya sɔmɛ danagɨŋ bɨrɨŋ dɨɗɨn̰ kɨbɨ kɨdɨrɛ gɨ ni kal ɗe agɨŋ jɨbɨn̰ tonɨ te ɔrɛ tɨrga tɨnge dɨŋ cɨnɨ-tumɔ.

2 Korɛ̰t 1:16

Ɨŋ gey caŋge caygɨŋ cay wase kɨɗɨn̰ ga ɨŋ kɨya ɔrɛ cay gɨsəŋ ga Masedɨwan gaŋ bɨ, ɗaŋ coŋ kɨɗɨn̰ ga ɨŋ kɨya sɔ Masedɨwan jɨga a caygɨŋ bɨ. Ɨŋ gey gɨ kɨŋ na jɨbɨ tonɨ a te ɔrɛ tɨrga tɨnge di a cay gɨsəŋ ga Jude gaŋ.

Titɨ 3:13

Bɨya gusɨn̰ cɛd kɨya bɨn̰ Jenas ba-gɨlɨn̰ kalaŋ gasɨn̰-kɔl bɨ, Apolos bɨ, hɨnga ga ni orɨn̰ tɨrga ɗe hɨnga pɨna wɨyge te gɨyəŋ gɨŋ naŋ.