Gɨye-lɔɔ 15:25 - Gabri Maja

²⁵ Na toy di hɨn̰ wo̰ ma, mani bee noyni pɨna, torɨn̰ kalaŋ kɨya gɨyge gusɨgɨŋ. Kan kɨya bɔgɛ Barnabas dan̰ Pol ga na ka-pogɨn̰ini ga ni ɗege jam cɨndɨni gaŋ.

Gɨye-lɔɔ 15:25 ပူးပေါင်းရင်းမြစ်များ

Matɨyo 11:26

Ho’o Banɨ, na ban mana hɨnga ga ji ojɨ dan̰ kuduroy geye kon̰.»

Kɔl-gɨ-Ɗari gɨ Lug wal 1:3

Ɨŋ ay na a toy dɨŋ kobɨ te hɨnga ga nee le bɨn̰. Haw kɛ na, ɨŋ-bandi kalɨn̰ ma, ɨŋ sol gɨ woy kuɗa gɨ ni wale koldi ɗɔɔ tumon̰ dan̰ kɨɗɨn̰dɨge kɨɗɨn̰dɨge bɨn̰ ji gɨ ni Teyopil, ungo hɨnge gɨ gumu.

Gɨye-lɔɔ 1:14

Kan nɔm kɨbɨge beege kuduroyge pɨna bɨ, ƴomge kuduroyge osɨ kɨɗɨn̰ ɔlɛ Kumu gɨŋ daa daa bɨ. Kandɨ ga pɨna bɨ, Mari Jesu ƴoyi bɨ, karmii bɨ, daydaŋge danage nee bɨ.

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:35

Pol dan̰ Barnabas baage dugo a Antɨyɔs. Dan̰ kalaŋ ga ɗaŋ dan̰ kondɨwayge danage gɨlɨn̰ge kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Ba-gulɔŋ bɨ.

Gɨye-lɔɔ 15:6

Ka-gɨre-gɨye bɨ, kan ga muɗoldoŋ bɨ, dayge cayge kɨya kobɨn̰ te kɔl gɨ nee le sɔlɛ.

Gɨye-lɔɔ 2:1

Kɨɗɨn̰ ga wɔlɛ gɨ ni leen̰ kɨdɨrɛ gɨ ni Pantekot ɓal ɨni na, kan nɔm dayge cayge kɨɗɨn̰ ga pɨna gaŋ.

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Magtubu di Pol wal bɨn̰ kalaŋ ga Rɔm 16:12

Laan̰gɨŋ Tirpɛn dan̰ Tirpojɨ lapɨya bəŋ. Kan na kandɨ ga gɨlalage a kɨbɨ gɨye gɨ da Ba-gulɔŋ gɨŋ naŋ bɨ. Laan̰gɨŋ Pɛrsidɨ lapɨya bəŋ bɨ. Hɨndi na tɨmnɨ di ɨŋ lee-tɔɔ di gɨlal tɔgɨ a kɨbɨ gɨye gɨ da Ba-gulɔŋ gɨŋ.

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

Galad 2:9

Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

Epɛs 6:21

Ɨŋ mal na ɗe gɨ kɨŋ na sɨla kɔl gɨ ojɨ canɨ bɨ, gɨye-lɔɔnɨ bɨ. Kurɨndɨna Tisig gɨ ɨŋ geyii le, ban lee gɨye gɨ da Ba-gulɔŋ dan̰ kuduroyi ga pɨna bɨ, na ban ba kɨya yogɨŋ kɔl nɔm gɨ ojɨn̰ canɨ bɨ.

Kɔlɔs 4:7

Tisig kɨya yogɨŋ kɔl nɔm gɨ ojɨ canɨ. Ban na kurɨnɨ gɨ ɨŋ lee-toyi. Ban na ba tɔgɛ bɛrnɛ gɨ ɨre a cay tɨbay dɨŋ bɨ, na mɨganɨ ba lɔɔ gɨye a boy gɨye gɨ da Ba-gulɔŋ gɨŋ bɨ.

Kɔlɔs 4:9

Ɨŋ gɨy Onesim danayi, ban na kurɨndɨna gɨ ɨre a cay tɨbayi dɨŋ gɨ ɨŋ lee-toyi, ban na ungo gɨ a tagɨŋ bɨ. Kan kɨya yogɨŋ kol hɨnga nɔm ga andaŋ cayni a kɛ.

Pilemo 1:16

Haw kɛ na, ban na guyɔŋ ƴɔbɨ naŋ, ban kuɗa ɗɨn̰ guyɔŋ coŋ. Ban na kurɨndɨna gɨ ni lee-toy tɔgɨ te aye kudurɔ gɨŋ. Ɨŋ-bandi ɨŋ geyi tɔgɨ bɨ, ji-bandi ji kɨya geyi cɨla ƴee bɨ, kɨya wa ban na ungo gɨ ɨndi hɨn̰ ji-bandi wo̰ bɨ, ba-aye-kudurɔ hɨn̰ ji-bandi wo̰ bɨ.

2 Pɨyɛr 3:15

Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.