Gɨye-lɔɔ 15:19 - Gabri Maja

¹⁹ Jag ye kɔl koyi orɨn̰ cɨndi tumɔ ye hɨn̰: «Naa hɨn̰ wo̰ na, ɨŋ-bandi Jag, ɨŋ gey gɨ kalaŋ ga toyge na Jubɨ naŋ ga ba bɨlege gɨye-lɔɔdɨge bɨn̰ Kumu le, ungo gɨ jogdɨge dan̰ hɨnga nɔm ga kɨya narge ɔrɛ tumɔ naŋ ɨni.

Gɨye-lɔɔ 15:19 ပူးပေါင်းရင်းမြစ်များ

Gɨye-lɔɔ 15:10

Hɨn̰ wo̰ na, na kɨya wa ma magɨŋ cɨbɨ cɨn̰ Kumu haw kɛ ga? Hɨnga ga nɨn̰i ga mon̰inagɨŋ wala na-gandi kalɨn̰ ma, na ɓalagɨŋ aye naŋ le, kɛ na mɨna ma mana gɨ aye se a cay ka-aye-cay-tɨbay Jesu ga?

Gɨye-lɔɔ 15:24

Ni je gɨ kalaŋ ga pɨna wo̰, na sayge duroyni kɛ orge mɔndɛ kuduroygɨŋ bɨ, dorge turnoygɨŋ bɨ, dan̰ kɔl yɔɔdɨge. Ama kalaŋ ga nee le, na ni ba-aye noyni bɨge ojɨn̰ cay kɔl gɨ nee le naŋ bɨrɨŋ.

Gɨye-lɔɔ 15:28

Kɨya wa Turnɔ ɗe-kuduroy-bɛrɛ bɨ, ni-gandi gusɨni bɨ le, ni gey se hɨnga ga nɨn̰i ga ɗaŋ caygɨŋ naŋ. Ama na hɨnga nɔm ga ba kɛ le, ma naa wa wa kalɨn̰ ma, ojɨ gɨ ni lɔɔ.

Gɨye-lɔɔ 21:21

Kan jege kɔl kɨbɨ kalaŋ ga yege gɨ ji na gɨlɨn̰ kalaŋ ga ni Jubɨ nɔm ga somge a cay jaa di da te wɔɔ gɨ da kalaŋ ga toyge na Jubɨ naŋ gaŋ, ji na yege gɨ na ojɨ gɨ kan na ɗa gasɨn̰-kɔl gɨ da Moyis coŋ bɨ, ojɨ gɨ kan na gɨ walɨn̰ karɨndɨge ban̰a naŋ bɨ, ojɨ gɨ kan na gɨ kɔbɛ hada ga da mon̰inagɨŋ naŋ bɨ.

Gɨye-lɔɔ 21:25

Ama gɨ ojɨ cay kalaŋ ga toyge na Jubɨ naŋ ga ayge kuduroyge le, ni ay noyni wal duroy magtubu dɨŋ gɨyɨn̰ bɨge ɨni. Ni yege gɨ kuɗa gɨ kan na gɨ dɔɔ culom gɨ dɨɗɨge n̰ɨrɨn̰ge kulan̰əŋ naŋ bɨ, dɔɔ kɨbar naŋ bɨ, dɔɔ culom gɨ asɨri naŋ bɨ, kan na gɨ yɔyɛ dan̰ gangɨ cayge naŋ bɨ.»

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

1 Tesalonigɨ 1:9

Kɨya wa kalaŋ nɔm dorge kol ƴɔmɛ gɨ kɨŋ ƴomni gusɨgɨŋ kɨɗɨn̰ ga ni ba orɨn̰ tagɨŋ le bɨ, te ɗɔɔ gɨ kɨŋ ɗe kulan̰əŋ coŋ bɨ, kɨŋ bɨle gusɨgɨŋ gusi Kumu gɨ hɨnde gɨ som-bɨra kɨya loon̰ gɨye koyi,