Gɨye-lɔɔ 14:23 - Gabri Maja

²³ A duroy Ka-Daye gaŋ pɨna pɨna na, kan torge kalaŋ ga muɗoldoŋ duroy nee bɨn̰ ka-aye kudurɔ. Kardi nee ɨni na, kan hayge kɨbɨge bɨ, olge Kumu bɨ, pa dɨm ma kan beegege kobɨ Ba-gulɔŋ gɨ kan beege kuduroyge cayi le ƴee.

Gɨye-lɔɔ 14:23 ပူးပေါင်းရင်းမြစ်များ

Matɨyo 17:21

[Ɗaŋ coŋ, turnɔ ga ɨsɨn ga hɨn̰ wo̰ le, kɨya andaŋge kalɨn̰ wo̰ naŋ, kɨya andaŋge na kɨɗɨn̰ ga ungo na ula Kumu bɨ, ungo na haya kɨbi bɨ, dɨm.»]

Marg 3:14

Ɨni na, ban tor kan ga mɔjɨ-cayge-sɔɔ [teege ka-gɨre-gɨye] ɗe na somge danayi bɨ, ɗe ay na gɨyge tɔgɛ bɛrnɛ bɨ.

Kɔl-gɨ-Ɗari gɨ Lug wal 2:37

Ɨni na, kudurɔɔ le ma. Ayɨn̰ toy a wɔlɛdi gɨ nee gɨŋ le, hɨndi som ban̰di-gulɔŋ gɨŋ ɨlge toy-margɨm-cay-poɗɨn̰. Hɨndi aya tɨbaa dɨbɨ doŋ ɗa ƴaa-di-da-Kumu coŋ naŋ. Hɨndi lee gɨye gɨ da Kumu duroy son̰do dan̰ tɨwa di ɨni bɨ. Dan̰ haye kɨbɨ bɨ, dan̰ ɔlɛ Kumu bɨ.

Kɔl-gɨ-Ɗari gɨ Lug wal 23:46

Jesu dor noy daa, dan̰ tumoyi di daa ye hɨn̰: «Banɨ, ɨŋ ɗen̰ turnonɨ duroy kobɨn̰ gɨŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Gɨye-lɔɔ 1:24

Kardi nee kan nɔm olge Kumu yege hɨn̰: «Ba-gulɔŋ Kumu, ji gɨ ba sɔlɛ ɗugoy kalaŋ nɔm le, gɨlni ungo gɨ ji ba dorii a duroy ban̰aŋ ga sɔɔ kɛ le,

Gɨye-lɔɔ 11:30

Kɨɗɨn̰ ga kan lee hɨnga ga kan ojɨ lɔɔ le ɨni na, kan ayge hɨnga wɔɔdɨge le beege kobɨ Barnabas kan dan̰ Sol, ɗe kan na ɨran̰ge bɨn̰ kan ga muɗoldoŋ ga a cay gɨsəŋ ga Jude gaŋ.

Gɨye-lɔɔ 14:26

A nee le kan nayge koburo gɨ gumu taa taa gan̰ge kuray gɨ gumu taa taa, kɨya bɨlɨn̰ jogɨn̰ a cay ƴaa-di-gumu di Antɨyɔs, di woy a cay gɨsəŋ ga Siri gaŋ. Na hɨn̰ wo̰ ma, kan bɨlege wan̰ ka-aye kudurɔ ga tumɔ olge Kumu kol cayge ɗe gɨ ban na gɨr cayge dan̰ ɗarwa toyi kɨɗɨn̰ ga kan orɨn̰ge kɨya loon̰ge gɨye gɨ haw kɛ kan dɨɗɨ kɨbi le.

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 15:4

Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 15:6

Ka-gɨre-gɨye bɨ, kan ga muɗoldoŋ bɨ, dayge cayge kɨya kobɨn̰ te kɔl gɨ nee le sɔlɛ.

Gɨye-lɔɔ 20:17

Kɨɗɨn̰ ga ni ɨre Mile na, Pol ƴobɨ tee kan ga muɗoldoŋ ga a duroy Ka-Daye ga Epɛs ɗe kan na ɨrgage wayi.

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

1 Timote 5:1

Ji ɗɔɔ ba ale ungo gɨ esi dan̰ togɨn̰ naŋ, ama bɨgay kɔl gɨ ɗari kuduroy hɨn̰ ban̰ wo̰. Yan̰ marɨne kɔl hɨn̰ gɨ kan na karmɨn̰ wo̰ bɨ,

1 Timote 5:22

Ji ɗɔɔ ba sɔ kɨrɛd dɨbe kobɨn̰ cay ungo gɨ ni bogii gɨye kobi naŋ. Dɔbɛ gusɨn̰ boy ɨsɨna gɨ da ungo gɨŋ naŋ. Ɗa muɗɔlɛ cay gusɨn̰, mɔndɛ gɨye-lɔɔdɨn̰ gɨ arɨn̰ cərərə le coŋ naŋ.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 2:2

Hɨnga ga naa ji ba tɨrabɨ gusɨnɨ cɨn̰ tɨmon̰ ga kondi le, bɨga kobɨ kalaŋ ga kuduroyge pɨna ga ɓalge gɨlɨn̰ kalaŋ ga ɗaŋ jɨn̰ tumɔ bɨ.

Titɨ 1:5

Ɨŋ ɗen̰ a cay gɨsəŋ ga Kɨrɛtɨ gaŋ na ɗe gɨ an̰ na ɗen̰ hɨnga ga ba baa ƴee le dan̰ durɔ bɨ, ɗe an̰ na ɗen̰ ka-muɗɔlɛ a cay ƴaa ga gɨmdəŋ gaŋ pɨna pɨna hɨn̰ gɨ ɨŋ ba yen̰ le bɨ.

Magtubu di Jag wal 5:14

Kɛ ungo pɨna gusi leeyi ga? Kuɗa gɨ ban tɨga kalaŋ ga muɗoldoŋ ga duroy Ka-Daye gaŋ, ɗe yoɗiige sɔŋ cayi dan̰ guson̰ Ba-gulɔŋ pa dɨm ma olɨn̰ge Kumu kol cayi ƴee.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

2 Ja̰ 1:1

Na ɨŋ-bandi gɨ muɗoli ba wale magtubu di kɛ le gɨyɨn̰ bɨn̰ tama di Kumu dɔrɔɔ, dan̰ karɨndo. Ɨŋ geyge leen̰ cɨndi. Na ɨŋ-bandi ƴɔbɨ ba geyge naŋ, ama kalaŋ nɔm ga solge kɔl gɨ cɨndi le, geygege bɨ.

3 Ja̰ 1:1

Na ɨŋ-bandi gɨ muɗoli ba wale magtubu di kɛ le, gɨyɨn̰ bɨn̰ ji-bandi Gayus gɨ ɨŋ geyɨn̰ dan̰ kuduronɨ ga pɨna le.