Gɨye-lɔɔ 14:20 - Gabri Maja

²⁰ Ama kɨɗɨn̰ ga ka-aye kudurɔ dayaŋge cayi ɨni na, ban de say daa bɨ jogɨ cay ƴaa-di-gumu dɨŋ. Wan̰dodo dɨŋ ɨni na, ban say or Dɛrbɨ dan̰ Barnabas.

Gɨye-lɔɔ 14:20 ပူးပေါင်းရင်းမြစ်များ

Gɨye-lɔɔ 11:26

Kɨɗɨn̰ ga ban wayi ɨni na, ban ɨrgan̰ danayi a Antɨyɔs. Kan sɔɗɨmɔŋ toge dɨŋ ɨlgɨge daa pɨna, duroy kalaŋ ga Ka-Daye ga a Antɨyɔs bɨ, gɨlɨn̰ge dɨmdɨrdi kalaŋ kɔl tɔgɨ bɨ. Cay wase cɨg cɨg na, na a cay ƴaa-di-gumu di Antɨyɔs dɨŋ ma kalaŋ ayge te tɔgɛ ka-aye-cay-tɨbay Jesu, naa kalaŋ ga ka-kɔbɛ Kɨris.

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Gɨye-lɔɔ 12:17

Ban leege kobi gɨ kan na sɨgɨyage dugo. Bɨ ban dorge te gɨyəŋ gɨ Ba-gulɔŋ ba lee dorii dangay dɨŋ le bɨge. Bɨ ban yege ɗaŋ coŋ hɨn̰: «Ɨragɨŋ yan̰ Jag dan̰ karmɨna ga ɗaŋ koldi.» Kardi nee ban andaŋ or kɨɗɨn̰ ga ɗaŋ gaŋ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 14:28

Bɨ Pol dan̰ Barnabas somge dan̰ ka-aye-cay-tɨbay Jesu ɓal kɔl lam a cay ƴaa di Antɨyɔs dɨŋ.

Gɨye-lɔɔ 14:6

Kɨɗɨn̰ ga kan jege kol hɨnga ga kan gey lɔɔ danage na, kan or male kɨɗɨn̰ ga ni dobɨn̰ cayge nee a boy cay ƴaan̰əŋ ga gɨmdəŋ ga Listɨr dan̰ Dɛrbɨ di woy a cay gɨsəŋ ga Ligawoni dan̰ cay ƴaan̰əŋ ga nɨwɨre cayge.

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 16:40

Kɨɗɨn̰ ga Pol dan̰ Sɨlas andaŋge dangay dɨŋ ɨni na, kan say jogɨge a da Lidi wan̰ karmɨge dobɨn̰ bandɨ kuduroyge pa dɨm ma san̰ge orɨn̰ge tumɔ ƴee.

Gɨye-lɔɔ 20:1

Kɨɗɨn̰ ga do̰ di baa le tɔɔ ayaŋ ɨni na, Pol te ka-aye-cay-tɨbay Jesu bɨ, dobɨ bandɨ kuduroyge bɨ. Kardi nee ɨni na, ban leege lapɨya bɨ ay gɨyəŋ orɨn̰ Masedɨwan.

2 Korɛ̰t 6:9

Leenige leen̰ kalaŋ ga ungo sɨlage naŋ, ama solnige kuɗa. Leenige leen̰ kalaŋ ga kɨya mare mɨnde, ama sɨlagɨŋ ni som-bɨra. Somdɨnige, ama dɨɗɨnige naŋ.