Gɨye-lɔɔ 14:1 - Gabri Maja

¹ Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 14:1 ပူးပေါင်းရင်းမြစ်များ

Marg 7:26

Tama di nee le na Gɨrɛg tɔɔ sayga na Penisi a cay gɨsəŋ ga Siri gaŋ. Hɨndi ol Jesu ɗe na tay turnɔ di ɨsɨni a cay turmɔ coŋ.

Kɔl-gɨ-Ɗari gɨ Ja̰ wal 12:20

Duroy kan ga ɨrgage Jerusalɛm kɨya n̰ɨre Kumu a wɔlɛ gɨ ni kɨdɨrɛ gɨŋ le, Gɨrɛgn̰əŋ ga pɨna woyge danage nee bɨ.

Kɔl-gɨ-Ɗari gɨ Ja̰ wal 7:35

Ayɨn̰ toy a wɔlɛ gɨ nee gɨŋ le, Jubɨn̰əŋ ɨngɨrɨn̰ge gusɨge kɔl duroyge yege hɨn̰: «Kɛ, ban kɨya ɔrɛ na ani mana kɨya wayigɨŋ naŋ le ga? Kɛ ban kɨya ɔrɛ wan̰ na Jubɨn̰əŋ ga sugdoŋge duroy Gɨrɛgn̰əŋ gaŋ ga? Kɛ ban kɨya ɔrɛ gɨlɨn̰ na Gɨrɛgn̰əŋ hɨnga ga?

Gɨye-lɔɔ 11:21

Dɔnɔ da Ba-gulɔŋ baa danage, lee gɨ kalaŋ kondɨ ayge kuduroyge bɨ, bɨlege gusɨge gusi Ba-gulɔŋ bɨ.

Gɨye-lɔɔ 13:43

Kɨɗɨn̰ ga kalaŋ ga ba dayaŋge le busoŋge ɨni na, Jubɨ bɨ, kan ga bɨle gusɨge Jubɨ ga ka-n̰ɨre Kumu bɨ, kobɨge kardi Pol dan̰ Barnabas. Boy are-kɔl koge gɨŋ na, kan dobɨge bandɨ kuduroyge ɗe kan na ƴɨman̰ ɗarwa di Kumu ba lee danage le usa bɨ.

Gɨye-lɔɔ 13:46

Kɨɗɨn̰ ga nee le, Pol dan̰ Barnabas yege kɔl dan̰ cɨn̰-bandɨ yen̰ge hɨn̰: «Kumu ojɨ gɨ kɨŋ na ba ja kɔl koyi cay wase pa dɨm. Ama hɨn̰ gɨ kɨŋ ba jɨbɨ sɛdɨ coŋ bɨ, kɨŋ sol sɔmɛ-bɨra gɨ dan̰ cɨndɨgɨŋ hɨn̰ hɨnga ga uja caygɨŋ naŋ wo̰ bɨ le, na toy di hɨn̰ wo̰ ma haw kɛ na, ni kɨya bɨle gusɨni gusi kalaŋ ga toyge na Jubɨ naŋ le.

Gɨye-lɔɔ 13:5

Kɨɗɨn̰ ga kan gɨsɨnge a cay ƴaa-di-gumu di Salamin dɨŋ ɨni na, kan teege bɛrnɛ di da kɔl gɨ da Kumu duroy ƴaa-daye-di-da-Jubɨn̰əŋ dɨŋ bɨ. Kan orɨn̰ge dan̰ Ja̰ Marg kobɨge ɗe na awnɨge.

Gɨye-lɔɔ 13:51

Pol dan̰ Barnabas gagɨdege bundu di cay tɨbayge dɨŋ ɗɨga ɗɨga, dorɨn̰ naji toge cayge coŋ orɨn̰ge a Ikonɨyɔm.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 14:2

Ama Jubɨn̰əŋ ga ba ayage kuduroyge naŋ le, gosɨrge kalaŋ ga toyge na Jubɨ naŋ, lee gɨ kan ɨrɨmge gɨ ni lɔɔ hɨnga ga ɨsɨni dan̰ karmɨni ka-aye kudurɔ.

Gɨye-lɔɔ 14:21

Pol dan̰ Barnabas teege bɛrnɛ Kɔl-gɨ-Ɗari a boy cay ƴaa-di-gumu di Dɛrbɨ. Kan leege gɨ kalaŋ kondɨ bɨləŋge ka-aye-cay-tɨbay Jesu. Kardi nee ɨni na, kan bɨlege jogɨge a Listɨr bɨ, Ikonɨyɔm bɨ, Antɨyɔs di woy a cay gɨsəŋ ga Pisidi gaŋ bɨ.

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 16:2

Guson̰ Timote ye kuɗa tɔgɨ duroy karmɨni ga Listɨr bɨ, Ikonɨyɔm bɨ.

Gɨye-lɔɔ 17:12

Kalaŋ kondɨ duroyge bɨlege ka-aye kuduroyge bɨn̰ Jesu. Duroy Gɨrɛgn̰əŋ ga ay kuduroyge le, kandɨ ga gusondɨge ye bɨ, ban̰aŋ bɨ kondɨ woyge danage nee bɨ.

Gɨye-lɔɔ 17:17

Ban ar kɔl boy ƴaa-daye-di-da-Jubɨn̰əŋ dɨŋ dan̰ Jubɨn̰əŋ bɨ, dan̰ kalaŋ ga ɗaŋ ga ka-n̰ɨre Kumu bɨ. Ban ar kɔl a gɛgɛr gɨŋ dan̰ wɔlɛ pɨna pɨna dan̰ kalaŋ ga ban wayge nee bɨ.

Gɨye-lɔɔ 17:4

Jubɨn̰əŋ ga pɨna wo̰ duroyge orge kardi kɔl koyi gɨŋ le, lee gɨ kan bugoŋge te Pol dan̰ Sɨlas. Gɨrɛgn̰əŋ ga ka-n̰ɨre Kumu ɗɨn̰ ɗɔngɨsɛ bɨ, kandɨ ga gusondɨge ye dan̰ kondiige leege hɨn̰ wo̰ bɨ.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 18:8

Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 19:17

Kalaŋ ga Epɛs nɔm, kalaŋ ga ni Jubɨ bɨ, kalaŋ ga ni Gɨrɛg bɨ, jege kol hɨnga ga ba lee gusɨge le. Kan nɔm hundɔrɔ ƴee gusɨge bɨ, kalaŋ hɨramge guson̰ Ba-gulɔŋ Jesu bɨ.

Gɨye-lɔɔ 19:8

Pol or boy ƴaa-daye-di-da-Jubɨn̰əŋ dɨŋ bɨ, dor kɔl dan̰ cɨn̰-bandɨ ɓal kɨdɨrɛ sɨbɨ. Ban dor kɔl gɨ ojɨ cay dɔɔ-ƴaa di da Kumu, malɨn̰ gɨyəŋ gɨ ni ɨrgan̰ dan̰ kan ga ka-jɔɔ kɔl koyi le, a te gɨyəŋ gɨŋ.

Gɨye-lɔɔ 2:47

Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 10:12

Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ.

Galad 2:3

Sɨlagɨŋ, Titɨ ban gɨ ni Gɨrɛg gɨ toyi na Jubɨ naŋ gɨ bəŋ le kalɨn̰ ma, kan sige tɔgɨ cay gɨ ni walii ban̰a naŋ.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

2 Timote 3:11

Ji sol tabɨ bɨ, n̰age bɨ, ga ɨŋ wayi a cay ƴaa-di-gumu di Antɨyɔs dɨŋ bɨ, Ikonɨyɔm dɨŋ bɨ, Listɨr dɨŋ bɨ le. Sɨla! Ɨŋ way n̰age tɔgɨ, ama Ba-gulɔŋ dɔrɔŋ kɨbɨ hɨnga ga nee le nɔm coŋ.