Gɨye-lɔɔ 13:48 - Gabri Maja

⁴⁸ Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Gɨye-lɔɔ 13:48 ပူးပေါင်းရင်းမြစ်များ

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Matɨyo 28:16

Ka-aye-cay-tɨbayi ga mɔjɨ-cayge-pɨna le, orge a cay gɨsəŋ ga Galile gaŋ, a cay garma gɨ Jesu ba ay noyi gɨ kan na ɨra nee le.

Kɔl-gɨ-Ɗari gɨ Lug wal 7:8

Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna hɨn̰: “Ɨra!” Na ban or bɨ; ɨŋ na yan̰ gɨ ɗaŋ hɨn̰: “Jɨge!” Na ban jɨga bɨ! Bɨ ɨŋ na yan̰ dan̰ guyɔŋ hɨnge “laa hɨnga ga kɛ” na, ban lee bɨ.»

Kɔl-gɨ-Ɗari gɨ Ja̰ wal 10:16

Ɨŋ orɨn̰ dan̰ gamge ga ɗaŋ ga unɔge a boy jaŋ gɨ kɛ gɨŋ. Naa wa wa kalɨn̰ ma, ɨŋ kɨya malgage ɨrgan̰ danage ƴee. Kan kɨya jɔɔ nonɨ ɨni na, ɨŋ kɨya bogɨge pɨna ɗe bɨlege kondɨwadi te gamge ga pɨna hage bɨ, ba sɔlɛ kardɨge kalɨn̰ ma kɨya wɔyɛ na pɨna hayi bɨ.

Kɔl-gɨ-Ɗari gɨ Ja̰ wal 11:52

Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Gɨye-lɔɔ 13:12

Kɨɗɨn̰ ga ba-dɔɔ cay gɨsəŋ sol hɨnga ga ba lee gusɨge le ɨni na, ban ay kuduroy. Kɨya wa hɨnga ga ni gɨle ga da Ba-gulɔŋ le dor turnoyi.

Gɨye-lɔɔ 13:42

Kɨɗɨn̰ ga Pol dan̰ Barnabas andaŋge doŋ ɨni na, kan olge, ma jɨgage olge nee, ɗe gɨ kan na jɨge yage kɔl gɨ nee le, dan̰ wɔlɛ dɔrɛ gɨlale gɨ da Jubɨn̰əŋ gɨ ɗaŋ coŋ.

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 2:47

Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

Gɨye-lɔɔ 20:13

Ni-gandi na, ni say nay boy koburo gɨ gumu taa taa gɨŋ orɨn̰ tumoy Pol. Ni or bɨrɨŋ andaŋ a Asos, na kɨɗɨn̰ ga ni ojɨ aye Pol kobɨni a nee, kɨya wa Pol ojɨ aye gɨyəŋ dan̰ tɨbayi.

Gɨye-lɔɔ 22:10

Kɨɗɨn̰ ga nee gaŋ le, ɨŋ ɨngɨr kɔl ye hɨn̰: “Kɛ ɨŋ gɨ lɔɔ na wa ɨni ga, Ba-gulɔŋ?” Ɨni na, Ba-gulɔŋ jɨga dɨbəŋ cay nee yəŋ hɨn̰: “Saa daa ɨra a Damas. Kɨya wa na a Damas ma kan kɨya yon̰ hɨnga nɔm ga ji kɨya lɔɔ le.”

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 8:8

Lee gɨ gusi-mɔwa di gumu ƴee cay ƴaa-di-gumu di nee le.

Magtubu di Pol wal bɨn̰ kalaŋ ga Rɔm 11:7

Kɛ, ni gɨ yɔ na wa ga? Te wɨn̰je da Ɨsɨrayɛl waage hɨnga ga kan malge le naŋ. Ama na kalaŋ ga Kumu torge ƴɔbɨ ba wɔɔge. Toyge ga baa na, ɗugoyge say dɨmbɨre.

Magtubu di Pol wal bɨn̰ kalaŋ ga Rɔm 13:1

Kuɗa gɨ waŋ waŋ kalɨn̰ ma, dɨba cayi dugo a tumoy ka-dɔɔ cay ƴaa kɨya wa kɨlma le, na Kumu ba sii bɨ, kan ga diige cay ƴaa le, na Kumu ba sɨge a cay kali-tɨrɨmbala dɨŋ bɨ. Kan ga dɔɔ-ƴaa woy a kobɨge le, na Kumu ba sɨge a boy gɨye gɨ da dɔɔ-ƴaa gɨŋ bɨ.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

1 Korɛ̰t 16:15

Ay, karmɨnɨ ga ban̰aŋ dan̰ ga kandɨ, kɨŋ sol Ɛstepanas dan̰ kalaŋ ga duroy ƴaadi dɨŋ: Kɨŋ sol gɨ a cay gɨsəŋ ga Agay gaŋ le, na kan ba-aye kuduroyge cay wase bɨ ɗɔge gusɨge kɨbɨ gɨye gɨŋ ojɨn̰ cay kalaŋ ga woyge dan̰ cɨndɨge bɨ. Ɨŋ bandɨ,

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:19

ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris,

Epɛs 1:4

Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi,

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

2 Tesalonigɨ 3:1

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Ulagɨŋ Kumu kol cayni ɗe kɔl gɨ da Ba-gulɔŋ na cɨɗa gɨyəŋ koyi bɨ, ɗe kalaŋ na dɨbɨn̰ gusoŋ-tɔgɛ hɨn̰ gɨ ba won̰ a tagɨŋ wo̰ bɨ.