Gɨye-lɔɔ 13:46 - Gabri Maja

⁴⁶ Kɨɗɨn̰ ga nee le, Pol dan̰ Barnabas yege kɔl dan̰ cɨn̰-bandɨ yen̰ge hɨn̰: «Kumu ojɨ gɨ kɨŋ na ba ja kɔl koyi cay wase pa dɨm. Ama hɨn̰ gɨ kɨŋ ba jɨbɨ sɛdɨ coŋ bɨ, kɨŋ sol sɔmɛ-bɨra gɨ dan̰ cɨndɨgɨŋ hɨn̰ hɨnga ga uja caygɨŋ naŋ wo̰ bɨ le, na toy di hɨn̰ wo̰ ma haw kɛ na, ni kɨya bɨle gusɨni gusi kalaŋ ga toyge na Jubɨ naŋ le.

Gɨye-lɔɔ 13:46 ပူးပေါင်းရင်းမြစ်များ

Matɨyo 10:6

Ama ɨragɨŋ na gusi te kalaŋ ga ni Ɨsɨrayɛln̰əŋ ga woyge hɨn̰ gamge ga kayaŋge coŋ wo̰.

Matɨyo 21:41

Kan ga Jesu ɨre ye kɔl danage le, dɨbiige cay nee yeyige hɨn̰: «Ban kɨya dɨɗe ka-dɨɗe kɨɗɨn̰ ga nee le, dɨle sɔlɛ cɨn̰-n̰age toge bɨ, kɨya agɨre yagedi suru le, dan̰ ka-yage suru ga ɗaŋ, ɗe gamge bɨ, biige cɨn̰ suru tɨwado dɨŋ bɨ.»

Matɨyo 21:43

Na toy di hɨn̰ wo̰ ma aŋ yəgɨŋ, kan kɨya ƴɔɔ dɔɔ-ƴaa di da Kumu kobɨgɨŋ kɨya bɨn̰ te wɔɔ gɨ da kalaŋ ga kɨya ɨrgan̰ge dan̰ kaŋdo.

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 1:11

Ban ɨrga na cay ƴaadi dɨŋ, ama kalaŋ ga a cay ƴaadi dɨŋ, ƴɨmayige gusɨge naŋ.

Kɔl-gɨ-Ɗari gɨ Ja̰ wal 4:22

Kɨŋ kalaŋ ga Samari le, kɨŋ n̰ɨre Kumu dɨle solii gɨ ban naa waŋ ga? Ama ni-gandi ga na Jubɨ na, ni n̰ɨrii bɨ, ni solii gɨ ban naa waŋ bɨ. Kɨya wa pɔɗɛ sayga na gusi Jubɨn̰əŋ.

Gɨye-lɔɔ 13:14

Ama kan orge tɨrga toge cɨndɨge tumɔ, ayɨn̰ toy a Pɛrjɨ orɨn̰ bugoŋ cay ƴaa-di-gumu di Antɨyɔs, di woy a cay gɨsəŋ ga Pisidi gaŋ. Wɔlɛ dɔrɛ gɨlale gɨ da Jubɨn̰əŋ gɨŋ na, kan andaŋge duroy ƴaa-daye-di-da-Jubɨn̰əŋ dɨŋ orge sɔmɛ dugo.

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Gɨye-lɔɔ 13:5

Kɨɗɨn̰ ga kan gɨsɨnge a cay ƴaa-di-gumu di Salamin dɨŋ ɨni na, kan teege bɛrnɛ di da kɔl gɨ da Kumu duroy ƴaa-daye-di-da-Jubɨn̰əŋ dɨŋ bɨ. Kan orɨn̰ge dan̰ Ja̰ Marg kobɨge ɗe na awnɨge.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Gɨye-lɔɔ 28:28

Bɨ Pol dɨbɨge cay nee yege hɨn̰: «Sɨlagɨŋ kuɗa caygɨŋ: Ay toy haw kɛ na, kɔl gɨ ni pɔɗɛ gɨ sayga gusi Kumu le, orɨn̰ge bɨn̰ na kalaŋ ga toyge na Jubɨ naŋ. Kan na, kan kɨya jɔɔge bɛrnɛ di nee le.»

Gɨye-lɔɔ 3:26

Na kɨya caygɨŋ ma Kumu dor marɨna ba-gɨye koyi gɨygi kɨya caygɨŋ pa dɨm ma kɨya torɨn̰-kɨbi caygɨŋ bɨ, kɨya bɨlɨn̰ waŋ waŋ kalɨn̰ ma a kɨbɨ gɨye-lɔɔdi gɨ ɨsɨni gɨŋ coŋ bɨ.»

Gɨye-lɔɔ 4:13

Kɨɗɨn̰ ga ka-bɔyɛ kɔl solge gɨ Pɨyɛr dan̰ Ja̰ yege kɔl dan̰ cɨn̰-bandɨ na, kan solge gɨ kan naa kalaŋ ga kalɨn̰ wo̰, ga cay pɨna ɨrage kɨɗɨn̰ tɨrabe hɨnga gaŋ naŋ ɨni na, kɔl say kayge sɛl sɛl. Kan solge leen̰ cɨndi gɨ kan naa ka-gɔrɛ dan̰ Jesu.

Gɨye-lɔɔ 7:51

Bɨ Etɛn ye ɗaŋ coŋ ye hɨn̰: «Kɨŋ ka-cay osɨwa, ɗugoygɨŋ bɨ, sɨmaygɨŋ bɨ, lugdəŋ daa. Kɨŋ na ka-geye kɔl gɨ da Turnɔ ɗe-kuduroy-bɛrɛ naŋ dan̰ wɔlɛ pɨna pɨna. Kɨŋ gɨlɨn̰ hɨn̰ mon̰iigɨŋ wo̰ dɛj dɛj.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 2:10

Ama kalaŋ ga ka-lɔɔ hɨnga ga ɗari le, Kumu kɨya bɨge gusoŋ-tɔgɛ bɨ, aye cayge daa bɨ, gusi-dɔbɛ bɨ. An̰ toy a cay wase cay kalaŋ ga toyge na Jubɨ pa dɨm ma kɨya andɨn̰ a cay kalaŋ ga toyge na Jubɨ naŋ ƴee.

Pilib 1:14

Dangay di ɨŋ ba lee le, dobɨ bandɨ kuduroy karmɨni ga ban̰aŋ dan̰ ga kandɨ kondɨ, lee gɨ beege kuduroyge cay Ba-gulɔŋ ɗɨn̰ gɨ tumɔ coŋ, kan san̰ teen̰ge bɛrnɛ di da Kumu dɨle hundɔrɔ.

Əbɨro 11:34

baydege man̰edi tɨwa bɨ, andɨdaŋge kɨbɨ tɨma da pəlɨm dɨŋ bɨ, kɨɗɨn̰ ga hɔmɨn̰ɛ leege na wayge dɔnɔdɨge bɨ, leege bandɨ kɨmbɨl gɨŋ bɨ, jɨbge te asɨgarn̰əŋ ga cay gɨsəŋ ga ɗaŋ gaŋ sɛdɨ coŋ bɨ.