Gɨye-lɔɔ 13:43 - Gabri Maja

⁴³ Kɨɗɨn̰ ga kalaŋ ga ba dayaŋge le busoŋge ɨni na, Jubɨ bɨ, kan ga bɨle gusɨge Jubɨ ga ka-n̰ɨre Kumu bɨ, kobɨge kardi Pol dan̰ Barnabas. Boy are-kɔl koge gɨŋ na, kan dobɨge bandɨ kuduroyge ɗe kan na ƴɨman̰ ɗarwa di Kumu ba lee danage le usa bɨ.

Gɨye-lɔɔ 13:43 ပူးပေါင်းရင်းမြစ်များ

Matɨyo 23:15

Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ gor tɨrga gon̰ cay kɨɗɨn̰ gaŋ nɔm ga a cay gɨsəŋ gaŋ bɨ, cay kɨɗɨn̰ gaŋ nɔm ga a cay kuray gɨ gumu taa taa gɨŋ bɨ, kɨya malɨn̰ ungo pɨna nɛŋ gɨ ɗe na bɨle Jubɨ. Bɨ kɨɗɨn̰ ga ungo le bɨləŋ Jubɨ ɨni na, kɨŋ bɨlii leen̰ ba andaŋ duroy tɨwa di ni gehɛn dɨŋ, ɗɨn̰ togɨŋ cay sɔɔ.

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 14:3

Naa hɨn̰ wo̰ kalɨn̰ ma, Pol dan̰ Barnabas somge Ikonɨyɔm kardige sɨngɨɗɨ. Kan ɗe kuduroyge na a cay Ba-gulɔŋ yen̰ge kɔl dan̰ cɨn̰-bandɨ. Ba-gulɔŋ kalɨn̰ ma baa danage lee gɨ kan leege tɨmon̰ di da ɗarwa toyi di ban lee danage le, lee gɨ kan leen̰ge hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ.

Gɨye-lɔɔ 16:14

Tama di pɨna wo̰ di Tɨyatir som duroy kandɨ ga nee le, gusɔndɔ na Lidi. Hɨndi na ɗe-lɔɔ gɨyaw di da badɨge ga kɨledɨge osɨdoŋ tɔgɨ bɨ, na tama ɗe n̰ɨre Kumu bɨ. Ba-gulɔŋ lee gɨ hɨndi si sɨma kuɗa jen̰ kɔl kɨbɨ Pol.

Gɨye-lɔɔ 17:17

Ban ar kɔl boy ƴaa-daye-di-da-Jubɨn̰əŋ dɨŋ dan̰ Jubɨn̰əŋ bɨ, dan̰ kalaŋ ga ɗaŋ ga ka-n̰ɨre Kumu bɨ. Ban ar kɔl a gɛgɛr gɨŋ dan̰ wɔlɛ pɨna pɨna dan̰ kalaŋ ga ban wayge nee bɨ.

Gɨye-lɔɔ 17:34

Ama na hɨn̰ wo̰ kalɨn̰ ma, kan ga pɨna duroyge bugoŋge kardi bɨ, ayge kuduroyge bɨ. Deni dan̰ Damaris tama di pɨna wo̰ bɨ, dan̰ kan ga ɗaŋ ayge kuduroyge duroy kalaŋ ga bugoŋge kardi Pol le. Deni le, ban na gɨ pɨna wo̰ duroy ka-dɔɔ cay ƴaa ga dayaŋge kɨɗɨn̰ ga kan teege naa Arewopaj le.

Gɨye-lɔɔ 17:4

Jubɨn̰əŋ ga pɨna wo̰ duroyge orge kardi kɔl koyi gɨŋ le, lee gɨ kan bugoŋge te Pol dan̰ Sɨlas. Gɨrɛgn̰əŋ ga ka-n̰ɨre Kumu ɗɨn̰ ɗɔngɨsɛ bɨ, kandɨ ga gusondɨge ye dan̰ kondiige leege hɨn̰ wo̰ bɨ.

Gɨye-lɔɔ 18:7

Ban say a kɨɗɨn̰di ga nee gaŋ le, or a da gɨlmi gɨ pɨna wo̰ gɨ gusondi na Titɨyus Justus. Gɨlmi gɨ nee le na ba n̰ɨre Kumu, gɨ na Jubɨ naŋ. Ƴaadi woy na bongi ƴaa-daye-di-da-Jubɨn̰əŋ.

Gɨye-lɔɔ 2:10

Pɨrɨji bɨ, Pampili bɨ, Ejɨpt bɨ, kan ga saygage cay ƴaa di Sirɛn di woy a cay gɨsəŋ ga Libi gaŋ bɨ, kan ga Rɔm bɨ,

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 6:5

Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Magtubu di Pol wal bɨn̰ kalaŋ ga Rɔm 11:6

Ama hɨn̰ gɨ hɨnga ga nee le na laa gusɨge naa dan̰ gɨyəŋ gɨ da ɗarwa na, laa gusɨge na dan̰ gɨyəŋ gɨ da gɨye-lɔɔdɨge naŋ. Hɨn̰ gɨ Kumu na tɨrage naa dan̰ gɨyəŋ gɨ da gɨye-lɔɔdɨge na, ɗarwa kɨya bɨle na ɗarwa naŋ ɨni.

Magtubu di Pol wal bɨn̰ kalaŋ ga Rɔm 3:24

Ama Kumu dan̰ gɨyəŋ gɨ da ɗarwa toyi bɨle kalaŋ leen̰ ga dan̰ durɔ ɗɨngar a cɨndi kalɨn̰, na dan̰ gɨyəŋ gɨ da bugoŋ pɨna dan̰ Jesu-Kɨris gɨ ba dorge a te ɨsɨna koge gɨŋ dɨbɨge daa.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

2 Korɛ̰t 5:11

Na-gandi na sol gɨ, na wa ma na hundɔrɔ Ba-gulɔŋ. Lee gɨ na mal na gɨ ni gɨlɨn̰ kalaŋ ɗe na solge kɔl gɨ cɨndi. Kumu solna kuɗa bɨ, ɨŋ ɨrɨm gɨ kɨŋ solni kuduroygɨŋ kuɗa bɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

Epɛs 2:8

Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ.

Pilib 3:16

Ama naa hɨn̰ wo̰ kalɨn̰ ma, kuɗa gɨ na or cɨndɨna tumɔ a te gɨyəŋ gɨ na ba ɨre boy nee bɨrɨŋ gɨsɨn̰ labɨde le.

Pilib 4:1

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kɨŋ ga ɨŋ lee-toygɨŋ, tabɨlaŋdi jɔgɛ solgɨŋ ləŋ tɔgɨ. Kɨŋ ga ɨŋ lee-toygɨŋ, kɨŋ na gusi-mɔwa tɨnge bɨ, jagɨwa tɨrɨmbala kange bɨ, ɨrgɨŋ usa hɨn̰ wo̰ le kɔ a te bugoŋ pɨna gɨŋ dan̰ Ba-gulɔŋ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:28

Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.