Gɨye-lɔɔ 13:39 - Gabri Maja

³⁹ Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Gɨye-lɔɔ 13:39 ပူးပေါင်းရင်းမြစ်များ

Kɔl-gɨ-Ɗari gɨ Lug wal 10:25

Bɨ ga ma, ba-gɨlɨn̰ kalaŋ gasɨn̰-kɔl gɨ da Moyis gɨ pɨna wo̰ gɨ gey gɨybe Jesu, say ɨngɨrii kɔl ye hɨn̰: «Ba-gɨlni kɔl, kɛ, na wa ma ojɨ gɨ ɨŋ gɨ lɔɔ maŋ gɨ wan̰ pɔɗɛ gɨ ni somɨn̰-bɨra dan̰ tumonɨ ga?»

Kɔl-gɨ-Ɗari gɨ Lug wal 10:28

Jesu jɨga dɨbii cay nee yeyi hɨn̰: «Ji dɨbəŋ cay nee dan̰ gɨyəŋdi han̰. Ji na laa hɨnga ga nee le nɔm na, ji kɨya sɔmɛ dan̰ cɨndɨn̰.»

Kɔl-gɨ-Ɗari gɨ Lug wal 18:14

Aŋ yəgɨŋ daa waŋ, duroy kalaŋ ga sɔɔ le, ungo gɨ kɛ le jogɨ ɨndi tayi, hɨn̰ ungo gɨ dan̰ durɔ ɗɨngar wo̰. Ama Parɨsɨn̰a le jogɨ ɨndi tayi hɨn̰ ungo gɨ dan̰ durɔ ɗɨngar naŋ wo̰. Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, ama ungo gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu.»

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Magtubu di Pol wal bɨn̰ kalaŋ ga Rɔm 10:10

Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ.

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 3:19

Na sol kuɗa gɨ hɨnga nɔm ga gasɨn̰-kɔl ye koldɨge le, hɨndi ye bɨn̰ na kalaŋ ga somge a te gasɨn̰-kɔl gaŋ, ɗe kɨbɨ ungo pɨna wo̰ andɨn̰ dan̰ kɔl gɨ ni dorɨn̰ kɔl cayi naŋ bɨ, ɗe kalaŋ nɔm na solɨn̰ge kardi ɨsɨna koge tumoy Kumu bɨ.

Magtubu di Pol wal bɨn̰ kalaŋ ga Rɔm 3:20

Na toy di hɨn̰ wo̰ ma, ungo gɨ ba kɨya bɨle ungo gɨ dan̰ durɔ ɗɨngar a cɨn̰ Kumu dan̰ gɨyəŋ gɨ da gɨye-lɔɔ gɨ da gasɨn̰-kɔl unɔ. Kɨya wa gasɨn̰-kɔl gɨl na ɨsɨna gɨ da kalaŋ ɗe kan na sol ƴɔbɨ.

Magtubu di Pol wal bɨn̰ kalaŋ ga Rɔm 4:15

Na cɨndi, gasɨn̰-kɔl ba gare kuduroy-hɔmɛ di da Kumu bɔgɛ a cay kalaŋ. Ama hɨn̰ gɨ gasɨn̰-kɔl na unɔ na, hangɨɗe cay gasɨn̰-kɔl kalɨn̰ ma unɔ bɨ.

Magtubu di Pol wal bɨn̰ kalaŋ ga Rɔm 4:24

Ama walge ojɨn̰ na cayna na-gandi bɨ. Hɨn̰ gɨ na na bɨga kuduroyna a cay Kumu gɨ ba bɔyɛ Ba-gulondɨna Jesu lɨbii duroy kalaŋ ga madɨrdaŋ gaŋ na, ban kɨya bɨlna leen̰ kalaŋ ga dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 5:9

Haw kɛ gɨ Kɨris bɨlna leen̰ kalaŋ ga dan̰ durɔ ɗɨngar a cɨndi dan̰ gɨyəŋ gɨ da kɨbardi gɨ bugoŋ dugo le, kɛ na wa ɗaŋ coŋ ba kɨya narii dorna kɨbɨ kuduroy-hɔmɛ di da Kumu dɨŋ coŋ ga?

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 9:31

Te wɨn̰je gɨ da Ɨsɨrayɛl le codɨge te gasɨn̰-kɔl bɨ, malge dan̰ gɨyəŋdi age na bɨlɨn̰ kalaŋ ga dan̰ durɔ ɗɨngar bɨ, ama gabaŋge.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 2:19

Kɨya wa ɨŋ na ungo gɨ ɨŋ ma kol cay gasɨn̰-kɔl. Bɨ tɨma di ɨŋ ma le, na kɨya cay gasɨn̰-kɔl gɨ nee le ma kan dɨɗəŋge, ɗe gɨ ɨŋ na sɨma dan̰ cɨnɨ na kɨya leen̰ gɨye bɨn̰ Kumu. Ɨŋ na ungo gɨ kan gagɨlaŋge a cay sɨya-gɨ-dagɨligɨŋ pɨna dan̰ Kɨris coŋ.

Galad 3:8

Magtubu di da Kumu ye koldi tumɔ ye gɨ Kumu na kɨya lɔɔ ɗe gɨ kalaŋ ga toyge na Jubɨ naŋ, naa kɨya bɨləŋge kalaŋ ga dan̰ durɔ ɗɨngar, kɨya cay aye gɨ kan ayge kuduroyge. Na toy di hɨn̰ wo̰ ma, Magtubu di da Kumu di nee le, tee bɛrnɛ di da kɔl-gɨ-ɗari gɨ nee le tumɔ bɨn̰ Abɨraham yey hɨn̰: «Kɨya can̰ na, te wɔɔ gɨ da kalaŋ nɔm ga a cay gɨsəŋ gaŋ, kɨya wɔɔge tɔrɛ-kɨbɨ.»

Galad 5:3

Ɨŋ jɨga ye kɔl gɨ kɛ le ɗaŋ coŋ, gɨ waŋ waŋ gɨ na ɗa gusi gɨ kan na walayi ban̰a, dan̰ wale ban̰a dan̰ te gɨyəŋ gɨ da gasɨn̰-kɔl gɨ da Moyis na, ojɨ gɨ ban gɨ lɔɔ kɨbɨ gasɨn̰-kɔl nɔm dɨɗe.

Əbɨro 10:11

Dan̰ wɔlɛ pɨna pɨna ka-bɔgɛ kɨbar nɔm ɨrege dan̰ tɨbayge daa kɨya loon̰ gɨye koge. Bɨdɨn̰ge Kumu hɨnga ga ni bogɨn̰ kɨbar ga toyge pɨna hage, ga kɨya ɓale dɔrɛ ɨsɨnan̰əŋ naŋ bɨrɨŋ le.

Əbɨro 10:4

Kɨya wa kɨbardi sɨn̰əŋ ga ban̰aŋ bɨ, kugan̰əŋ bɨ, ɓala dɔrɛ ɨsɨna koge le coŋ naŋ bɨrɨŋ.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.