Gɨye-lɔɔ 13:38 - Gabri Maja

³⁸ «Karmɨnɨ, kuɗa gɨ kɨŋ sɨla kɔl gɨ ni ba yəgɨŋ kɛ le kuɗa: Gasɨn̰-kɔl gɨ da Moyis le kɨya ɓale dɔrɛ kɔl caygɨŋ naŋ bɨrɨŋ. Ama labɨde, ni tee bɛrnɛ di da kuduroy jalɨwa cay ɨsɨna na kɨya cay Jesu.

Gɨye-lɔɔ 13:38 ပူးပေါင်းရင်းမြစ်များ

Matɨyo 1:21

Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 2:14

Kɨɗɨn̰ ga nee le bɨ, Pɨyɛr say ɨre daa dan̰ ka-gɨre-gɨye ga da Jesu ga mɔjɨ-cayge-pɨna le, ayɨn̰ noy daa teen̰ bɛrnɛ yen̰ dɨmdɨrdi kalaŋ le hɨn̰: «Kɨŋ kalaŋ ga ni Jubɨ bɨ, kɨŋ kalaŋ nɔm ga ba som a cay ƴaa-di-gumu di Jerusalɛm dɨŋ bɨ le, hɨnga ga ba lee gusɨge kɛ le, kuɗa gɨ kɨŋ sɨla toyge kuɗa bɨ, kɨŋ dɨra sɨmaygɨŋ kuɗa jan̰gɨŋ kɔl hɨnge bɨ.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 28:28

Bɨ Pol dɨbɨge cay nee yege hɨn̰: «Sɨlagɨŋ kuɗa caygɨŋ: Ay toy haw kɛ na, kɔl gɨ ni pɔɗɛ gɨ sayga gusi Kumu le, orɨn̰ge bɨn̰ na kalaŋ ga toyge na Jubɨ naŋ. Kan na, kan kɨya jɔɔge bɛrnɛ di nee le.»

Gɨye-lɔɔ 4:10

Naa hɨn̰ wo̰ na, kuɗa gɨ kɨŋ nɔm sɨla bɨ. Kuɗa gɨ te wɨn̰je gɨ da Ɨsɨrayɛl nɔm sɨlage bɨ. Jesu-Kɨris gɨ Najarɛt gɨ kɨŋ ba gagɨli cay sɨya-gɨ-dagɨli gɨŋ ma, Kumu ba boyi lɨbii duroy kalaŋ ga madɨrdaŋ gaŋ le. Na kɨya cayi bɨ, cay gusondi bɨ, ma ba-modo gɨ kɛ le wan̰ pɔɗɛ ɨrɨn̰ daa tumoygɨŋ kɛ.

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 4:32

Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

Kɔlɔs 1:14

Dan̰ te bugoŋ pɨna dan̰ Kurondi le, Kumu dornagɨŋ beenagɨŋ daa bɨ, ɗe kuduroyi jal cay ɨsɨna konagɨŋ gɨŋ bɨ.

Əbɨro 8:6

Ama gɨye gɨ da Jesu le, na gɨye gɨ gumu ɗɨn̰ gɨ da te ka-bɔgɛ kɨbar coŋ. Kɨya wa ban na ba ɨre duroynagɨŋ duroy saɗe kɨbɨ pɨna ɓɨse gusu gɨ kuɗa tɔgɨ ɗɨn̰, gɨ si toyi na a cay hɨnga ga Kumu ye gɨ ɗi na kɨya lɔɔ bɨge ga kuɗa ɗɨn̰ bɨ.

Əbɨro 9:22

Dan̰ gɨyəŋ gɨ da gasɨn̰-kɔl na, kondɨwadi hɨnga na dorge mɨra na dan̰ kɨbar bɨ, hɨn̰ gɨ kɨbar na bugoŋ dugo naŋ na, kuduroy jalɨwa unɔ bɨ.

1 Ja̰ 2:12

Ay, karɨnɨ kange, ɨŋ wal kɔl gɨ kɛ le bɨgɨŋ: «Kumu ɗe kuduroyi jal a cay ɨsɨna kogɨŋ gɨŋ ɨni kol cay guson̰ Jesu-Kɨris.»