Gɨye-lɔɔ 13:29 - Gabri Maja

²⁹ Kɨɗɨn̰ ga kan dɨɗɨge kɨbɨ hɨnga nɔm ga ojɨ cayi ga kan walge koldɨge duroy magtubu dɨŋ ɨni na, kan doriige cay sɨya-gɨ-dagɨli gɨŋ bɨ, orge dɨbiige boy umboŋ kamɨn̰aŋ gaŋ.

Gɨye-lɔɔ 13:29 ပူးပေါင်းရင်းမြစ်များ

Marg 15:42

Tɨwa le borundo ɨni, na wɔlɛ gɨ ni ƴomɨn̰ cay-tɨba, duroy na wɔlɛ gɨ ni dorɨn̰ gɨlale gɨ ƴomɨn̰ge cay tɨbay hɨnga ga ni wɔlɛ gɨ ni dɔrɛ gɨlale gɨ da Jubɨn̰əŋ.

Kɔl-gɨ-Ɗari gɨ Lug wal 23:50

Bɨ ga ma, ungo gɨ pɨna wo̰, gɨ gusondi na Jɨsɛb, ban na ungo gɨ a cay ƴaa-di-gumu di da Jubɨ di toge Arimate. Bara gɨ nee le, na ungo gɨ a duroy ka-bɔyɛ kɔl ga da Jubɨ. Ban na ungo gɨ kuɗa bɨ, ungo gɨ dan̰ durɔ ɗɨngar bɨ. Ban bugoŋ pɨna dan̰ ka-bɔyɛ kɔl cay kɔl gɨ kan boyge le naŋ bɨ, cay hɨnga ga kan ba lee le naŋ bɨ. Ban bee kuduroy cay dɔɔ-ƴaa di da Kumu di ba kɨya caga le.

Kɔl-gɨ-Ɗari gɨ Lug wal 23:53

Ban say dor gundi Jesu a cay sɨya-gɨ-dagɨli gɨŋ dugo bɨ, nɔngɨrii dan̰ bagɨda ga kɨledɨge osɨ bɨ, orɨn̰ danayi dɨbii boy umboŋdi kamɨn̰aŋ ga kan hɨrmege a gasbi garma gɨŋ gɨ cay pɨna kan dɨbɨge gundi ungo nee naŋ.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 19:28

Kardi nee, Jesu sol gɨ te hɨnga nɔm ayaŋ ɨni na, ban ye kɔl ɗe gɨ hɨnga ga kan ba walge duroy Magtubu di da Kumu dɨŋ le, na or kɨɗɨn̰dɨge gaŋ. Ban ye hɨn̰: «Gamase dəŋ.»

Kɔl-gɨ-Ɗari gɨ Ja̰ wal 19:30

Kɨɗɨn̰ ga Jesu ƴɨbe cɛrɛ gɨ dasi le sol ɨni na, ban ye hɨn̰: «Te hɨnga nɔm ayaŋ coŋ ɨni.» Ɨni na, ban de cayi dugo bɨ, hɨmbɨ.

Gɨye-lɔɔ 13:27

Kalaŋ ga Jerusalɛm bɨ, kɛrɨmbɛlɛŋ kage bɨ, sɨlage gɨ Jesu le naa Kɨris ban gɨ Kumu dorii kɨya poɗɨge le naŋ. Kan sɨlage te kɔl gɨ da ka-yɔɔ-kɔl-gɨ-Kumu-ba-yɔɔ, gɨ kalaŋ ba ɨre ɗongɨsɨge dan̰ wɔlɛ dɔrɛ gɨlale gɨ da Jubɨ nɔm le naŋ bɨ, kan say boyge kɔl gɨ ni tɨma cayi. Na hɨn̰ wo̰ ma kan leen̰ge hɨnga ga kan ba walge koldɨge, duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ojɨn̰ cayi le.

Gɨye-lɔɔ 2:23

Gɨlmi gɨ nee le, kɨŋ dobii kobɨ ka-lɔɔ terɨn̰ ɗe kan dɨɗiige a cay sɨya-gɨ-dagɨli gɨŋ, dan̰ gɨyəŋ gɨ Kumu ojɨ jɨne hayi.

Gɨye-lɔɔ 26:22

Ama na kɨya dɨbe gɨ Kumu dɨbɨ kobi canɨ amaŋ bɨrɨŋ gɨsɨn̰ labɨde le ma maŋ ɨrɨn̰ kɛ, ɨrɨn̰ leen̰ tɨmon̰ tɨnge tumoy kalaŋ nɔm ga gɨmdəŋ bɨ, ga n̰ən̰əŋ bɨ. Na kol hɨnga ga ka-yɔɔ-kɔl-gɨ-Kumu-ba-yɔɔ bɨ, Moyis ba yege gɨ naa wa wa kalɨn̰ ma, na kɨya lɔɔ gusɨge le, ma maŋ ye ɗɔɔ ƴɔbɨ.

Gɨye-lɔɔ 4:28

Kan leege hɨnga nɔm ga ji ba ojɨ tumɔ dan̰ dɔnɔ ton̰ bɨ, dan̰ kuduroy geye kon̰ bɨ le.

Gɨye-lɔɔ 5:30

Kumu gɨ da mon̰inagɨŋ le boy Jesu gɨ kɨŋ ba gagɨli cay sɨya-gɨ-dagɨli gɨŋ dɨɗii le lɨbii.

1 Korɛ̰t 15:4

Kɨris le kan ɨmgiige. Wɔlɛ sɨbɨdi gɨŋ na, Kumu boyii lɨbii hɨn̰ gɨ kan ba walge tumɔ duroy Magtubu di da Kumu dɨŋ le.