Gɨye-lɔɔ 13:27 - Gabri Maja

²⁷ Kalaŋ ga Jerusalɛm bɨ, kɛrɨmbɛlɛŋ kage bɨ, sɨlage gɨ Jesu le naa Kɨris ban gɨ Kumu dorii kɨya poɗɨge le naŋ. Kan sɨlage te kɔl gɨ da ka-yɔɔ-kɔl-gɨ-Kumu-ba-yɔɔ, gɨ kalaŋ ba ɨre ɗongɨsɨge dan̰ wɔlɛ dɔrɛ gɨlale gɨ da Jubɨ nɔm le naŋ bɨ, kan say boyge kɔl gɨ ni tɨma cayi. Na hɨn̰ wo̰ ma kan leen̰ge hɨnga ga kan ba walge koldɨge, duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ojɨn̰ cayi le.

Gɨye-lɔɔ 13:27 ပူးပေါင်းရင်းမြစ်များ

Matɨyo 22:29

Jesu dɨbɨge cay nee yege hɨn̰: «Ɨrɨmedɨgɨŋ ɨra dan̰ gɨyəŋdi naŋ. Kɨya gɨ kɨŋ sɨla Magtubu di da Kumu naŋ bɨ, dɔnɔ di da Kumu naŋ bɨ.

Kɔl-gɨ-Ɗari gɨ Lug wal 22:34

Jesu dɨbi cay nee yeyi hɨn̰: «Pɨyɛr, aŋ yen̰ da waŋ, labɨde, kuɗa kɨya bɔɔ ale ƴee bɨ ga ma, ji kɨya man̰e kɨbɨn̰ kol canɨ, yɔ gɨ ji na sɨlaŋ naŋ, can̰ sɨbɨ.»

Kɔl-gɨ-Ɗari gɨ Lug wal 23:13

Piladɨ te ka-cay ka-bɔgɛ kɨbar nɔm, dan̰ ka-dɔrɛ tumoyi kalaŋ, dan̰ kalaŋ ga cay ƴaa-di-gumu dɨŋ.

Kɔl-gɨ-Ɗari gɨ Lug wal 24:20

Ka-cay ka-bɔgɛ kɨbar kani nɔm, dan̰ ka-cay ka-dɔrɛ tumoyni ƴomiige dobiige kobɨ kalaŋ ga Rɔm, boyge kɔl tɨma si cay bɨ, asɨgarn̰əŋ gagɨli cay sɨya-gɨ-dagɨli gɨŋ bɨ.

Kɔl-gɨ-Ɗari gɨ Ja̰ wal 15:21

Ama hɨnga ga nee le nɔm, kan kɨya ləgɨŋge na kɨya cay gusoŋnɨ. Kɨya wa kan sɨlage ban gɨ ba gɨyigəŋ le naŋ.

Kɔl-gɨ-Ɗari gɨ Ja̰ wal 16:3

Kan kɨya lɔɔ hɨn̰ wo̰, na kɨya gɨ kan sɨlage Banɨ naŋ bɨ, sɨlaŋge ɨŋ-bandi naŋ bɨ.

Kɔl-gɨ-Ɗari gɨ Ja̰ wal 5:39

Kɨŋ madɨlde te kɔl duroy Magtubu di da Kumu di kan walge jɨne dɨŋ, kɨya wa kɨŋ ɨrɨm gɨ kɨŋ na kɨya sɔmɛ-bɨra dan̰ cɨndɨgɨŋ naa kol caa. Na magtubu di nee ba lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 8:28

Ɨni na, Jesu yege hɨn̰: «Kɨɗɨn̰ ga kɨŋ kɨya gagɨle Kurɨn̰-ungo a daa na, kɨŋ kɨya sɔlɛ gɨ ɨŋ naa ban le bɨ, gɨ ɨŋ na laa hɨnga pɨna wo̰ dan̰ cay gusɨnɨ hɨnge naŋ bɨ. Ama ɨŋ ye na kɔl gɨ Banɨ ba gɨləŋ.

Gɨye-lɔɔ 15:21

Kɨya wa ay toy na jɨne hayi bɨrɨŋ andɨn̰ haw kɛ, gɨ Moyis orɨn̰ dan̰ kalaŋ ka-tɔgɛ bɛrnɛ gasɨn̰-kɔl koyi duroy cay ƴaan̰əŋ ga gɨmdəŋ gaŋ pɨna pɨna bɨ, kan ɗongɨsɨn̰ge gasɨn̰-kɔl koyi boy ƴaa-daye-di-da-Jubɨn̰əŋ dɨŋ, dan̰ wɔlɛ dɔrɛ gɨlale nɔm bɨ.»

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 3:17

«Ama haw kɛ, karmɨnɨ ga ban̰aŋ dan̰ ga kandɨ, ɨŋ sol gɨ na sɔlɛ di naŋ ma, kɨŋ-gandi bɨ, kɨrɨmbɛlɛŋ kagɨŋ bɨ, ba leen̰ hɨnga ga nee le.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

1 Korɛ̰t 2:8

Ungo pɨna wo̰ duroy kɛrɨmbɛlɛŋ ga a cay gɨsəŋ gaŋ kɛ gɨ sol cɨn̰-muɗɔlɛ di nee le unɔ. Hɨn̰ gɨ kan ni na sɨlage na, Ba-gulɔŋ gɨ gusoŋ-tɔgɛ na toy le, kan ni kɨya gagɨliige a cay sɨya-gɨ-dagɨli gɨŋ naŋ.

2 Korɛ̰t 3:14

Ama kan ga nee le ɨrɨmedɨge lugoŋ. Bɨrɨŋ gɨsɨn̰ labɨde hɨn̰ gɨ kan na ɗɨngɨsa kɔl gɨ da saɗe kɨbɨ pɨna ɓɨse gusu gɨ ɨlgi bɨge na, kɨbɨ badɨge ga tool cɨn̰ le woy ɨrɨmedɨge gɨŋ narge sɔlɛ duroy kɔl kuɗa. Kɨbɨ badɨge le kɨya ayaŋ na hɨn̰ gɨ kan na bugoŋ pɨna dan̰ Kɨris dɨm.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

1 Timote 1:13

Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.