Gɨye-lɔɔ 13:26 - Gabri Maja

²⁶ «Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Gɨye-lɔɔ 13:26 ပူးပေါင်းရင်းမြစ်များ

Matɨyo 10:6

Ama ɨragɨŋ na gusi te kalaŋ ga ni Ɨsɨrayɛln̰əŋ ga woyge hɨn̰ gamge ga kayaŋge coŋ wo̰.

Matɨyo 3:9

Bɨ kɨŋ ɗɔɔ ba sɔmɛ gɨ ni ɨrɨme kuduroygɨŋ yɔ hɨn̰: “Abɨraham na mon̰ini” ƴɔbɨ naŋ. Ɗe aŋ yəgɨŋ daa waŋ, hɨn̰ gɨ Kumu na gey naga na, ban kɨya ɓale bɨle orun̰əŋ ga kɛ le, leen̰ karɨn̰aŋ bɨn̰ Abɨraham.

Kɔl-gɨ-Ɗari gɨ Lug wal 1:69

Ban andɨn̰ dan̰ ba-pɔɗɛ kalaŋ pɨna gɨ orɨn̰ dan̰ dɔnɔ bɨna. Ban andɨn̰ danayi na duroy te wɨn̰je gɨ da Dabid gɨŋ.

Kɔl-gɨ-Ɗari gɨ Lug wal 1:77

Kɨya leen̰ gɨ ɗe kalaŋ kayi na sɨlan̰ge Gɨ ban na ɨrgan̰ naa dan̰ pɔɗɛ, Kɨya cay kuduroyi ga ban ɗe jal A cay ɨsɨnan̰əŋ gaŋ.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Gɨye-lɔɔ 10:2

Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ.

Gɨye-lɔɔ 10:35

Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.»

Gɨye-lɔɔ 13:43

Kɨɗɨn̰ ga kalaŋ ga ba dayaŋge le busoŋge ɨni na, Jubɨ bɨ, kan ga bɨle gusɨge Jubɨ ga ka-n̰ɨre Kumu bɨ, kobɨge kardi Pol dan̰ Barnabas. Boy are-kɔl koge gɨŋ na, kan dobɨge bandɨ kuduroyge ɗe kan na ƴɨman̰ ɗarwa di Kumu ba lee danage le usa bɨ.

Gɨye-lɔɔ 13:46

Kɨɗɨn̰ ga nee le, Pol dan̰ Barnabas yege kɔl dan̰ cɨn̰-bandɨ yen̰ge hɨn̰: «Kumu ojɨ gɨ kɨŋ na ba ja kɔl koyi cay wase pa dɨm. Ama hɨn̰ gɨ kɨŋ ba jɨbɨ sɛdɨ coŋ bɨ, kɨŋ sol sɔmɛ-bɨra gɨ dan̰ cɨndɨgɨŋ hɨn̰ hɨnga ga uja caygɨŋ naŋ wo̰ bɨ le, na toy di hɨn̰ wo̰ ma haw kɛ na, ni kɨya bɨle gusɨni gusi kalaŋ ga toyge na Jubɨ naŋ le.

Gɨye-lɔɔ 16:17

Turmɔ ɗe-gɨye le ay te kɔbɛ kardini ni-gandi dan̰ Pol bɨ, den̰ sɨle ye hɨn̰: «Kalaŋ ga kɛ le, na ka-lɔɔ gɨye ga da Kumu gɨ ɗɨn̰ cay hɨnga nɔm! Kan kɨya gɨlgɨŋ na gɨyəŋ gɨ ungo na aya na, kɨya wan̰ pɔɗɛ.»

Gɨye-lɔɔ 22:5

Mangɨl gɨ da ka-cay ka-bɔgɛ kɨbar bɨ, dayaŋ gɨ da kan ga muɗoldoŋ bɨ, ɓalge lɔɔ tɨmon̰ danaŋ a cay kɔl gɨ nee le. Ɨŋ ƴee magtubu na kobɨge kan, kɨya orɨn̰ bɨn̰ karmɨni Jubɨ ga a cay ƴaa-di-gumu di Damas dɨŋ. Lee gɨ ɨŋ say orɨn̰ Damas, kɨya orɨn̰ ƴomɨn̰ ka-aye kudurɔ ga somge nee, kɨya ɨrgan̰ danage a cay ƴaa-di-gumu di Jerusalɛm dɨŋ, ɗe kan na gɨlge cɨn̰.»

Gɨye-lɔɔ 28:28

Bɨ Pol dɨbɨge cay nee yege hɨn̰: «Sɨlagɨŋ kuɗa caygɨŋ: Ay toy haw kɛ na, kɔl gɨ ni pɔɗɛ gɨ sayga gusi Kumu le, orɨn̰ge bɨn̰ na kalaŋ ga toyge na Jubɨ naŋ. Kan na, kan kɨya jɔɔge bɛrnɛ di nee le.»

Gɨye-lɔɔ 3:26

Na kɨya caygɨŋ ma Kumu dor marɨna ba-gɨye koyi gɨygi kɨya caygɨŋ pa dɨm ma kɨya torɨn̰-kɨbi caygɨŋ bɨ, kɨya bɨlɨn̰ waŋ waŋ kalɨn̰ ma a kɨbɨ gɨye-lɔɔdi gɨ ɨsɨni gɨŋ coŋ bɨ.»

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Gɨye-lɔɔ 5:20

«Nagɨŋ ɨragɨŋ ɨre duroy gulɔŋ ƴaa-di-da-Kumu dɨŋ bɨ, tɨgagɨŋ bɛrnɛ kol sɔmɛ-bɨra gɨ hɨrɨwa nɔm bɨn̰gɨŋ kalaŋ ga a boy nee.»

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Epɛs 1:13

Kɨŋ kalɨn̰ ma kɨɗɨn̰ ga kɨŋ ba je kɔl gɨ cɨndi, gɨ na Kɔl-gɨ-Ɗari gɨ kɨŋ wan̰ pɔɗɛ le, kɨŋ bee kuduroygɨŋ cay Kɨris. Ɨni na dan̰ gɨyəŋ gɨ da bugoŋ gɨ kɨŋ bugoŋ pɨna danayi le, Kumu ɗe kambe kayi gusɨgɨŋ. Kambe ga nee le na Turnɔ ɗe-kuduroy-bɛrɛ di ban ye gɨ ɗi na kɨya bɨn̰ kalaŋ kayi le.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.