Gɨye-lɔɔ 13:25 - Gabri Maja

²⁵ Kɨɗɨn̰ ga baa mɨnde gɨ Ja̰ ba-lɔɔ batɛm kɨya dɨɗe kɨbɨ gɨye koyi na, ban ye hɨn̰: “Kɛ kɨŋ ɨrɨm gɨ ɨŋ na waŋ ga? Ɨŋ na ungo gɨ kɨŋ som gamii le naŋ ƴee. Ama sɨlagɨŋ ungo gɨ pɨna wo̰, tɨlga karɨnɨ nee gɨ gangɨdi gɨyabe ga a tɨbayi kalɨn̰ ma ɨŋ ɓala pɨndɨre naŋ.”

Gɨye-lɔɔ 13:25 ပူးပေါင်းရင်းမြစ်များ

Matɨyo 3:11

Ɨŋ-bandi na, ɨŋ leegɨŋ batɛm na dan̰ kaŋ ɗe gɨl gɨ kɨŋ na bɨle gɨye-lɔɔdɨgɨŋ. Ama ban gɨ tɨlga karɨnɨ nee le, dɔnɔdi ɗəŋ bɨrɨŋ gɨ ɨŋ ɓala gɨ ni pɨndɨre gangɨdi gɨyabe ga a tɨbayi coŋ naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Marg 1:7

Ban tee bɛrnɛ ye hɨn̰: «Ban gɨ tɨlga karɨnɨ le dɔnɔ di ɗɨn̰ tɨnge coŋ. Ɨŋ ɓala gɨ ni lɨnge dugo pɨndɨre gangɨdi gɨyabe ga a tɨbayi naŋ.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 1:34

Ɨŋ-bandi ɨŋ sol dan̰ cɨnɨ bɨ, ɨŋ lee tɨmon̰ kol cayi bɨ, gɨ ban na Kurɨn̰-Kumu.»

Kɔl-gɨ-Ɗari gɨ Ja̰ wal 1:36

Kɨɗɨn̰ ga Ja̰ sol Jesu pɨde ɨni na, ban ye hɨn̰: «Sɨlagɨŋ kurɨn̰-dɨmangɨ gɨ da Kumu!»

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Kɔl-gɨ-Ɗari gɨ Ja̰ wal 7:18

Ungo gɨ ye kɔl dan̰ gusondi koyi gaŋ le, mal na gusoŋ-tɔgɛ koyi ban. Ama ungo gɨ ba male gusoŋ-tɔgɛ gɨ da ban gɨ ba gɨygii na, ban na ungo gɨ hɨnde, lee gɨ hɨnga ga dan̰ gɨyəŋdɨge naŋ unɔ kuduroy.

Gɨye-lɔɔ 13:36

«Dabid lee hɨnga nɔm ga kuduroy Kumu gey a boy ɨlgedi gɨŋ. Kardi nee ɨni na, ban ma bɨ, or wan̰ mon̰ii bɨ, gundi osɨn̰ bɨ.

Gɨye-lɔɔ 19:4

Ɨni na, Pol yege hɨn̰: «Batɛm di Ja̰ ba-lɔɔ batɛm ba leen̰ kalaŋ le, na batɛm di gɨl gɨ kalaŋ na bɨlege gɨye-lɔɔdɨge. Bɨ ban yen̰ karɨn̰ Ɨsɨrayɛl gɨ na ojɨ gɨ kan na bɨga kuduroyge a cay ungo gɨ ni ba kɨya ɨrga kardi le. Ungo gɨ nee le, na Jesu.»

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

2 Timote 4:7

Ɨŋ worɨn̰ wɔrɨn̰ɛ gɨ kuɗa bɨ, ɨŋ dɨɗɨ kɨbɨ gɨre hɨnge bɨ, ɨŋ gam aye kudurɔ hɨnge bɨ.

Wasɨn̰a 11:7

Ama kɨɗɨn̰ ga ka-lɔɔ tɨmon̰ ga sɔɔ le, na laage tɨmon̰ kage coŋ ɨni na, kɨmana gɨ sayga te umboŋ gɨ ɗɨgi mɨrɨg gɨ kagadi unɔ gɨŋ le, kɨya dɨbe kɨmbɨl danage bɨ, kɨya aye banga cayge bɨ, kɨya dɨɗɨge bɨ.