Gɨye-lɔɔ 13:2 - Gabri Maja

² Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 13:2 ပူးပေါင်းရင်းမြစ်များ

Matɨyo 17:21

[Ɗaŋ coŋ, turnɔ ga ɨsɨn ga hɨn̰ wo̰ le, kɨya andaŋge kalɨn̰ wo̰ naŋ, kɨya andaŋge na kɨɗɨn̰ ga ungo na ula Kumu bɨ, ungo na haya kɨbi bɨ, dɨm.»]

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 9:38

Na toy di hɨn̰ wo̰ ma, ulagɨŋ Kumu ba-gulɔŋ di yage ɗe gɨyɨn̰ dan̰ ka-lɔɔ gɨye daye cɨn̰ gasa daa le, jɨn̰ nee nee.»

Kɔl-gɨ-Ɗari gɨ Lug wal 10:1

Kardi nee na, Ba-gulɔŋ Jesu tor ka-aye-cay-tɨbayi ga ɗaŋ toyge-jurgum-cayge-sɔɔ, gɨyge sɔɔ sɔɔ tumoyi a cay ƴaa ga gɨmdəŋ gaŋ, dan̰ cay karɨn̰ ƴaa nɔm ga ban gey ɔrɛ nee.

Kɔl-gɨ-Ɗari gɨ Lug wal 2:37

Ɨni na, kudurɔɔ le ma. Ayɨn̰ toy a wɔlɛdi gɨ nee gɨŋ le, hɨndi som ban̰di-gulɔŋ gɨŋ ɨlge toy-margɨm-cay-poɗɨn̰. Hɨndi aya tɨbaa dɨbɨ doŋ ɗa ƴaa-di-da-Kumu coŋ naŋ. Hɨndi lee gɨye gɨ da Kumu duroy son̰do dan̰ tɨwa di ɨni bɨ. Dan̰ haye kɨbɨ bɨ, dan̰ ɔlɛ Kumu bɨ.

Gɨye-lɔɔ 10:19

Kɨɗɨn̰ ga Pɨyɛr som ɨrɨm kɔl a cay te hɨnga ga ba buyoŋ cɨndi hɨn̰ dḛḛ wo̰ le ban̰ nee ƴee bɨ ga ma, Turnɔ di da Kumu yey hɨn̰: «Sɨla, kalaŋ sɨbɨ ɨre malɨn̰ge kɛ.

Gɨye-lɔɔ 10:30

Ɨni na, Kɔrney jɨga dɨbi cay nee yey hɨn̰: «Ɓal wɔlɛ sɨbɨ labɨde, dan̰ tɨwa sɨbɨdi ni borundo na, ɨŋ som ol Kumu ƴaanɨ dɨŋ bɨ, bara gɨ pɨna wo̰ gɨ dobɨ badɨge ga jɨran̰de gusi andaŋ canɨ dus ɨre tumonɨ,

Gɨye-lɔɔ 13:3

Kɨɗɨn̰ ga kan hay kɨbɨge bɨ, olge Kumu bɨ ɨni na, kan dɨbɨge kobɨge cayge torɨn̰-kɨbɨge bɨ, ɗegege or.

Gɨye-lɔɔ 13:4

Barnabas bɨ, Sol bɨ le, na Turnɔ ɗe-kuduroy-bɛrɛ ba gɨyge ɗe gɨ kan na ɨrage Selesi. Kan nayge boy koburo gɨ gumu taa taa gɨŋ a kɨɗɨn̰ ga nee gaŋ le bɨ, kan say orge cɨndɨge jɨn̰ hɔgɨwa gɨ Sɨpɨr gɨŋ.

Gɨye-lɔɔ 14:26

A nee le kan nayge koburo gɨ gumu taa taa gan̰ge kuray gɨ gumu taa taa, kɨya bɨlɨn̰ jogɨn̰ a cay ƴaa-di-gumu di Antɨyɔs, di woy a cay gɨsəŋ ga Siri gaŋ. Na hɨn̰ wo̰ ma, kan bɨlege wan̰ ka-aye kudurɔ ga tumɔ olge Kumu kol cayge ɗe gɨ ban na gɨr cayge dan̰ ɗarwa toyi kɨɗɨn̰ ga kan orɨn̰ge kɨya loon̰ge gɨye gɨ haw kɛ kan dɨɗɨ kɨbi le.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

Gɨye-lɔɔ 6:4

Ama ni-gandi na, ni kɨya ɔrɛ cɨndɨni tumɔ kɨbɨ gɨye gɨ ni olɨn̰ Kumu bɨ, gɨ ni togɨn̰-bɛrnɛ bɨ.»

Gɨye-lɔɔ 8:29

Turnɔ di da Kumu yen̰ Pilib hɨn̰: «Ɨra tumɔ, ɨra mɨnde bongi pusu gɨ kɛ le.»

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

1 Korɛ̰t 12:11

Na Turnɔ di da Kumu di pɨnaa di nee le ba lɔɔ hɨnga ga nee le nɔm. Hɨndi gosɨn hɨnga ga ni bee-kalɨn̰ ga nee le bɨn̰ waŋ waŋ kalɨn̰ ma dan̰ kuduroy geye kɔɔ.

1 Korɛ̰t 7:5

Narɨn̰gɨŋ gusɨgɨŋ, gusɨgɨŋ naŋ. Ama hɨn̰ gɨ kɨŋ na ɗa gusɨgɨŋ dan̰ gɨyəŋ gɨ da bugoŋ pɨna gɨ ni tɨwa lam wo̰ gɨ ni ɗon̰ gusɨgɨŋ kɨbɨ ɔlɛ Kumu gɨŋ ƴɔbɨ. Bɨ kardi nee na jɨgagɨŋ bugoŋ pɨna naŋ na, ɓale ƴɔmɛ-gusɨgɨŋ naŋ, da haŋge gɨyəŋ bɨn̰ Sidan gɨ ni gɨybɨgɨŋ dan̰ hɨnga ga ni gɨybe kaa.

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

2 Korɛ̰t 6:5

Tenige bɨ, beenige dangay dɨŋ bɨ, gosɨrge kalaŋ cayni bɨ, ni lee gɨye ga osɨdəŋ osɨdəŋ bɨ, ni narɨn̰ cɨndɨni kuŋ bɨ, ni hay kɨbɨni bɨ.

Galad 1:15

Ama Kumu dan̰ ɗarwa toyi, ban dɔrɔŋ kɨɗɨn̰ ga ɨŋ ban̰ kuduroy ƴonɨ gaŋ ƴee bɨ, təŋ gɨ ɨŋ na laa gɨye bii.

Epɛs 3:7

Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari.

Kɔlɔs 4:17

Ɨni na, yan̰gɨŋ Argip ya hɨn̰: «Sɨma-bɨra a kɨbɨ gɨye gɨ Ba-gulɔŋ ba been̰ kobɨn̰ le, ɗe an̰ lee duroŋ cɨrɛɗ.»

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:11

Kumu bəŋ gɨye tɔgɛ bɛrnɛ Kɔl-gɨ-Ɗari gɨ nee le kɔbɔŋ. Lee gɨ ɨŋ na ba-gɨre-gɨye bɨ, ba-gɨlɨn̰ kalaŋ hɨnga bɨ.

2 Timote 2:2

Hɨnga ga naa ji ba tɨrabɨ gusɨnɨ cɨn̰ tɨmon̰ ga kondi le, bɨga kobɨ kalaŋ ga kuduroyge pɨna ga ɓalge gɨlɨn̰ kalaŋ ga ɗaŋ jɨn̰ tumɔ bɨ.

2 Timote 4:11

ama na Lug ba bɔɔ danaŋ kɛ ƴɔbɨ. Kuɗa gɨ Marg ɨre danan̰, kɨya wa ban kɨya jɨbe tonɨ boy gɨyen̰əŋ gaŋ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Əbɨro 5:4

Gɨye gɨ da mangɨl gɨ da ka-cay ka-bɔgɛ kɨbar bɨ hurɔmɔ di woy kol caa bɨ le, na ungo ba kɨya ɓale dɨbe cay gusi koyi gɨŋ gaŋ naŋ. Na Kumu ma na ba tɔgɛ kalaŋ kɨbɨ nee, hɨn̰ gɨ ban ba teen̰ Aro̰ wo̰.