Gɨye-lɔɔ 13:15 - Gabri Maja

¹⁵ Ungo gɨ pɨna wo̰, say ɗongɨsɨ magtubu gasɨn̰-kɔl gɨ da Moyis bɨ, di da ka-yɔɔ-kɔl-gɨ-Kumu-ba-yɔɔ bɨ. Kardi nee ɨni na, ka-sɔmɛ a cay ƴaa-daye-di-da-Jubɨn̰əŋ le, gɨyge yege hɨn̰: «Karmɨni, hɨn̰ gɨ kɨŋ na ɨran̰ dan̰ kɔl gɨ kɨya dɔbɛ bandɨ kuduroy kalaŋ ga ba dayaŋge kɛ le na, yanigɨŋ.»

Gɨye-lɔɔ 13:15 ပူးပေါင်းရင်းမြစ်များ

Marg 5:22

A kɨɗɨn̰ ga nee gaŋ le, gɨlmi gɨ pɨna wo̰ ɨrga gusii ban na ba-sɔmɛ a cay ƴaa-daye-di-da-Jubɨn̰əŋ gɨ pɨna duroy kamdi, gusondi na Jayrus. Kɨɗɨn̰ ga ban sɨlga Jesu na, ban poy gɨbayi dugo tumoyi.

Kɔl-gɨ-Ɗari gɨ Lug wal 16:16

«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.

Gɨye-lɔɔ 1:16

«Karmɨnɨ ga ban̰aŋ dan̰ ga kandɨ, kɔl gɨ Turnɔ ɗe-kuduroy-bɛrɛ ba ye dan̰ gɨyəŋ gɨ da Dabid duroy Magtubu di da Kumu dɨŋ di kan wal ojɨn̰ cay Judasɨ gɨ ba bɨle ba-dɔrɛ tumoy ka-ƴɔmɛ Jesu le, naa wa wa kalɨn̰ ma koldi na ɨra ɓalɨn̰a kɨɗɨn̰di gaŋ dɛj.

Gɨye-lɔɔ 13:27

Kalaŋ ga Jerusalɛm bɨ, kɛrɨmbɛlɛŋ kage bɨ, sɨlage gɨ Jesu le naa Kɨris ban gɨ Kumu dorii kɨya poɗɨge le naŋ. Kan sɨlage te kɔl gɨ da ka-yɔɔ-kɔl-gɨ-Kumu-ba-yɔɔ, gɨ kalaŋ ba ɨre ɗongɨsɨge dan̰ wɔlɛ dɔrɛ gɨlale gɨ da Jubɨ nɔm le naŋ bɨ, kan say boyge kɔl gɨ ni tɨma cayi. Na hɨn̰ wo̰ ma kan leen̰ge hɨnga ga kan ba walge koldɨge, duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ojɨn̰ cayi le.

Gɨye-lɔɔ 15:21

Kɨya wa ay toy na jɨne hayi bɨrɨŋ andɨn̰ haw kɛ, gɨ Moyis orɨn̰ dan̰ kalaŋ ka-tɔgɛ bɛrnɛ gasɨn̰-kɔl koyi duroy cay ƴaan̰əŋ ga gɨmdəŋ gaŋ pɨna pɨna bɨ, kan ɗongɨsɨn̰ge gasɨn̰-kɔl koyi boy ƴaa-daye-di-da-Jubɨn̰əŋ dɨŋ, dan̰ wɔlɛ dɔrɛ gɨlale nɔm bɨ.»

Gɨye-lɔɔ 15:7

Kɨɗɨn̰ ga kan man̰ge kɔl ɨl pɨvb ɨni na, Pɨyɛr say daa duroyge bɨ yege hɨn̰: «Karmɨnɨ, kɨŋ sol gɨ Kumu dɔrɔŋ karɨnɨ sɨngɨɗɨ cay wase duroygɨŋ bɨ, gɨyəŋ gusi kalaŋ ga toyge na Jubɨ naŋ, ɗe gɨ kan na jan̰ bɛrnɛ di da Kɔl-gɨ-Ɗari gɨ kɨya andaŋ kɨbɨnɨ bɨ, bɨgan̰ge kuduroyge cay nee.

Gɨye-lɔɔ 18:17

Kɨɗɨn̰ ga nee le, kan nɔm sayge ƴomge Sostɛn ba-sɔmɛ a cay ƴaa-daye-di-da-Jubɨn̰əŋ bɨ, bugoŋge cay teyige tumoy kalaŋ ga ba dayaŋge kɨɗɨn̰ bɔyɛ kɔl gɨŋ le. Ama dɨlan̰ Galɨyo̰ dḛ wo̰ naŋ bɨrɨŋ.»

Gɨye-lɔɔ 18:8

Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.

Gɨye-lɔɔ 2:29

«Karmɨnɨ ga ban̰aŋ dan̰ ga kandɨ, ɗe aŋ yəgɨŋ kɔl gɨ ojɨ cay mon̰ina Dabid daa waŋ: Dabid ma bɨ, ɨmgiige bɨ, labɨde cay kamɨn̰aŋdi woy a duroyna kɛ ƴee.

Gɨye-lɔɔ 2:37

Kɨɗɨn̰ ga kalaŋ le jege kɔl gɨ nee le na, ɗugoyge adɨldɨge been̰ been̰. Lee gɨ kan ɨngɨr Pɨyɛr bɨ, ka-gɨre-gɨye ga ɗaŋ bɨ yege hɨn̰: «Karmɨni, kɛ ni gɨ lɔɔ na mɨna ga?»

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 20:2

Ban kayde cay gɨsəŋ ga nee le bɨ, dobɨ bandɨ gɨɗaŋ kuduroy ka-aye kudurɔ ga somge nee. Ban say nee or bɨrɨŋ bugoŋ a cay gɨsəŋ ga Gɨrɛs gaŋ.

Gɨye-lɔɔ 22:1

Ban yege hɨn̰: «Karmɨnɨ bɨ, ban̰anɨ bɨ, Jagɨŋ kɔl gɨ ɨŋ ba kɨya yogɨŋ haw kɛ dorɨn̰ kɔl canɨ coŋ.»

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

Gɨye-lɔɔ 7:2

Ɨni na, Etɛn dɨbɨge cay nee yege hɨn̰: «Karmɨnɨ bɨ, ban̰anɨ bɨ, jagɨŋ. Kɨɗɨn̰ ga mon̰iigɨŋ Abɨraham ba ban̰ a cay gɨsəŋ ga Mesopotami gaŋ ƴee, pa dɨm ma kɨya sɔ orɨn̰ somɨn̰ Haran le, Kumu gɨ ba gusoŋ-tɔgɛ andaŋ cayi yey hɨn̰:

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 14:3

Ama ba-yɔɔ-kɔl-gɨ-Kumu-ba-yɔɔ le ye kɔl na dan̰ kalaŋ ɗe togɨyge na san̰ cay mɨga dɨŋ bɨ, na gɨ ni dobɨn̰ bandɨ kuduroyge bɨ, na gɨ ni jalɨn̰ kuduroyge bɨ.

2 Korɛ̰t 3:14

Ama kan ga nee le ɨrɨmedɨge lugoŋ. Bɨrɨŋ gɨsɨn̰ labɨde hɨn̰ gɨ kan na ɗɨngɨsa kɔl gɨ da saɗe kɨbɨ pɨna ɓɨse gusu gɨ ɨlgi bɨge na, kɨbɨ badɨge ga tool cɨn̰ le woy ɨrɨmedɨge gɨŋ narge sɔlɛ duroy kɔl kuɗa. Kɨbɨ badɨge le kɨya ayaŋ na hɨn̰ gɨ kan na bugoŋ pɨna dan̰ Kɨris dɨm.

1 Tesalonigɨ 2:3

Kɔl-gɨ-Ɗari gɨ ni tee bɛrnɛdi le, toy sa na te ɨrɨme gɨ ɨsɨni gɨŋ naŋ bɨ, gɨ mɨdagi gɨŋ naŋ bɨ, gɨ dan̰ jɨba naŋ bɨ,

Əbɨro 13:22

Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.