Gɨye-lɔɔ 13:12 - Gabri Maja

¹² Kɨɗɨn̰ ga ba-dɔɔ cay gɨsəŋ sol hɨnga ga ba lee gusɨge le ɨni na, ban ay kuduroy. Kɨya wa hɨnga ga ni gɨle ga da Ba-gulɔŋ le dor turnoyi.

Gɨye-lɔɔ 13:12 ပူးပေါင်းရင်းမြစ်များ

Matɨyo 27:54

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Kɔl-gɨ-Ɗari gɨ Lug wal 4:22

Kan nɔm yege kɔl gɨ ɗari kol cayi bɨ, kɔl kayge yɔd bɨ. Kɨya cay kɔl ga ɗadɨrdaŋ gɨ ba andaŋ a kɨbi le. Ama kardi nee na, kalaŋ ga pɨna duroyge yege hɨn̰: «Kɛ na ban kurɨn̰ Jɨsɛb le naŋ ga?»

Kɔl-gɨ-Ɗari gɨ Lug wal 7:16

Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!»

Kɔl-gɨ-Ɗari gɨ Ja̰ wal 7:46

Ka-ame ƴaa-di-da-Kumu le jɨgage dɨbɨge cay nee yege hɨn̰: «Cay pɨna wo̰ ungo ya kɔl hɨn̰ ungo gɨ nee le naŋ bɨrɨŋ.»

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Gɨye-lɔɔ 13:49

Kɔl gɨ da Ba-gulɔŋ, ƴee cay gɨsəŋ ga nee le nɔm.

Gɨye-lɔɔ 13:7

Ban na Serjus Pawlos gɨ na ba-dɔɔ cay gɨsəŋ le ba-pogii gɨ dɛj. Serjus Pawlos le, na ungo gɨ cay woy bɨra. Ban te Barnabas dan̰ Sol, kɨya wa ban orɨn̰ dan̰ tabɨlaŋdi jɔɔ kɔl gɨ da Kumu.

Gɨye-lɔɔ 13:8

Ama Elimas gɨ gusondi duroy na ba-lɔɔ tɨmba dan̰ kɨbɨ koge le, jɨbɨge sɛdɨ coŋ bɨ, mal gɨyəŋ gɨ ni gosɨrɛ ba-dɔɔ cay gɨsəŋ ɗe gɨ ban na gɨ aye kuduroy naŋ.

Gɨye-lɔɔ 15:35

Pol dan̰ Barnabas baage dugo a Antɨyɔs. Dan̰ kalaŋ ga ɗaŋ dan̰ kondɨwayge danage gɨlɨn̰ge kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Ba-gulɔŋ bɨ.

Gɨye-lɔɔ 15:36

Wɔlɛ dḛ kardi nee ɨni na, Pol yen̰ Barnabas hɨn̰: «Kuɗa gɨ na jogɨ sɔbɨrɛ karmɨna ga a boy cay ƴaa ga gɨmdəŋ gaŋ nɔm ga na ba teen̰ bɛrnɛ kɔl gɨ da Ba-gulɔŋ boy nee le. Ana solɨn̰ kɛ, kan bee kuduroyge cay Kumu ban̰ nee hage ga?»

Gɨye-lɔɔ 18:12

Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ,

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 19:20

Na toy di hɨn̰ wo̰ ma, dan̰ gɨyəŋ gɨ da dɔnɔ di da Ba-gulɔŋ, kɔl gɨ da Kumu ƴee kɨɗɨn̰ jɨn̰ tumɔ tumɔ bɨ, osɨ boy nee bɨ.

Gɨye-lɔɔ 19:38

Hɨn̰ gɨ Demetrɨyus dan̰ ka-gɨye kay kɔl na dayage dan̰ kalaŋ ga pɨna na, wɔlɛ gɨ ni bon̰ kɔl woy kɛ bɨ, ka-dɔɔ cay ƴaa woyge kɛ bɨ. Kɨɗɨn̰ ga kuɗa gɨ kan kɨya ɔrɛ segi nee woy nee bɨ.

Gɨye-lɔɔ 19:7

Kalaŋ ga nee le nɔm ɓalge na hɨn̰ kalaŋ mɔjɨ-cayge-sɔɔ wo̰.

Gɨye-lɔɔ 28:7

Kɨɗɨn̰ ga ni ba somɨn̰ nee le woy mɨnde dan̰ ƴaa bɨ, cay gɨsəŋ ga da ungo gɨ pɨna wo̰ gɨ kan teeyige Pubəlɨyus bɨ. Ban na ba-dɔɔ cay ƴaa di woy a hɔgɨwa gɨ nee gɨŋ le. Ban ƴomni gusi kuɗa bɨ, bɨni kɨɗɨn̰, ni won̰ nee wɔlɛ sɨbɨ bɨ.

Gɨye-lɔɔ 6:10

Ama kan ɗɨn̰ge cayi dan̰ man̰e gɨ da kɔl naŋ, kɨya wa cɨn̰-muɗɔlɛ di ban ba yen̰ kɔl le, na Turnɔ ɗe-kuduroy-bɛrɛ ba bii.

Gɨye-lɔɔ 8:25

Kɨɗɨn̰ ga Pɨyɛr dan̰ Ja̰ leege tɨmon̰ di da Ba-gulɔŋ bɨ, teen̰ge bɛrnɛ kɔl koyi bɨ ɨni na, kan jogɨge Jerusalɛm. A te gɨyəŋ jɔgɛdɨge gɨŋ na, kan tee bɛrnɛ Kɔl-gɨ-Ɗari boy cay ƴaan̰əŋ dan̰ kondige ga a cay gɨsəŋ ga Samari gaŋ.