Gɨye-lɔɔ 12:7 - Gabri Maja

⁷ Ɨni na, kɨɗɨn̰di ga nee gaŋ le bɨ, ba-ƴɔbɛ gɨ daa nii gɨ da Ba-gulɔŋ gɨ pɨna wo̰ andaŋ cay hɨrɨj bɨ, asɨn̰a ƴee duroy ƴaa dangay bɨ. Ba-ƴɔbɛ gɨ daa nii le ɨsɨbɨ Pɨyɛr a gasɨbi lɨbii daa bɨ, yeyi hɨn̰: «Sa kɨlaw daa.» Kɨɗɨn̰di ga nee gaŋ le bɨ, mɔrɨyɔŋ ga a kobi le turoŋ bugoŋ dugo.

Gɨye-lɔɔ 12:7 ပူးပေါင်းရင်းမြစ်များ

Matɨyo 2:13

Kɨɗɨn̰ ga ka-sɔlɛ hɨnga duroy dɛsɨɗɛŋ dɨŋ say orge coŋ bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cay Jɨsɛb duroy sɔndɛ gɨŋ bɨ yey hɨn̰: «Sa daa, aya kɨye bɨ, ƴoyi bɨ, gɨrɨn̰ ɨran̰ danage a cay gɨsəŋ ga Ejɨpt gaŋ. Bɨ sɨman̰ nee bɨrɨŋ gɨsɨn̰ gɨ ɨŋ na yan̰ pa dɨm ma man̰ jɨgan̰ danage ƴee. Kɨya gɨ Ɛrɔd mal gɨ ni dɨɗe kɨye le coŋ.»

Kɔl-gɨ-Ɗari gɨ Lug wal 2:9

Ɨni na, ba-ƴɔbɛ gɨ daa nii gɨ da Ba-gulɔŋ Kumu andaŋ cayge hɨrɨj bɨ, asɨn̰a gɨ da Ba-gulɔŋ Kumu asɨn̰ cayge wɨlɨn̰ nɔm, gaa ma gusɨge n̰orge rag rag dan̰ hundɔrɔ.

Kɔl-gɨ-Ɗari gɨ Lug wal 24:4

Kɨɗɨn̰ ga kan ba ɨrɨmge bɨrɨŋ wayan̰ge cay tɨbayge naŋ bɨ ga ma, kan solge kalaŋ won̰ge sɔɔ dan̰ badɨge ga jɨran̰de andaŋge cayge dus.

Gɨye-lɔɔ 10:30

Ɨni na, Kɔrney jɨga dɨbi cay nee yey hɨn̰: «Ɓal wɔlɛ sɨbɨ labɨde, dan̰ tɨwa sɨbɨdi ni borundo na, ɨŋ som ol Kumu ƴaanɨ dɨŋ bɨ, bara gɨ pɨna wo̰ gɨ dobɨ badɨge ga jɨran̰de gusi andaŋ canɨ dus ɨre tumonɨ,

Gɨye-lɔɔ 12:23

Kɨɗɨn̰di ga nee gaŋ le bɨ, ba-ƴɔbɛ gɨ daa nii gɨ da Ba-gulɔŋ andɨ Ɛrɔd kɨya wa ban dɨbɨ gusoŋ-tɔgɛ a cay Kumu naŋ. Bɨ suboŋn̰əŋ bugoŋge kuduroy dii muɗɔgɨ dɨɗii coŋ.

Gɨye-lɔɔ 12:6

Duroy son̰do di tumɔ pa dɨm ma Ɛrɔd kɨya dorɨn̰ Pɨyɛr cɨn̰ dɨmdɨrdi kalaŋ ƴee na, saɗɨdege Pɨyɛr dan̰ mɔrɨyɔŋ won̰ sɔɔ bɨ ban woy duroy asɨgarn̰əŋ gaŋ won̰ge sɔɔ bɨ. Ama asɨgarn̰əŋ ga ɗaŋ ɨrege kɨbɨ ƴaa dangay dɨŋ amɨn̰ge kɨɗɨn̰.

Gɨye-lɔɔ 12:8

Kardi nee ɨni na, ba-ƴɔbɛ gɨ daa nii le yeyi hɨn̰: «Saɗa sɔndurɔŋ kon̰ daa bɨ, tɨba gaybe tɨban̰ bɨ.» Pɨyɛr lee hɨn̰ wo̰. Ɨni na, ba-ƴɔbɛ gɨ daa nii le yey hɨn̰: «Dɨba gɔdɔŋ kon̰ gusɨn̰ bɨ, kɨban̰ karɨnɨ.»

Gɨye-lɔɔ 16:26

Kɔl gɨ kɨbɨna kɛ bɨ, cay gɨsəŋ yɨbagde gusɨge dan̰ togɨyge yɨbag yɨbag lee gɨ te ƴaa dangay yɨbagdaŋ bɨ, kɨbɨ ƴaa dangay haŋdaŋ nɔm bɨ, hɨnga nɔm ga kan saɗɨdɨn̰ge tɨbay ka-dangay le pɨndɨrdoŋ nɔm coŋ bɨ.

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Gɨye-lɔɔ 5:19

Ama dan̰ duroy son̰dodo dɨŋ na, ba-ƴɔbɛ gɨ daa nii gɨ da Ba-gulɔŋ gɨ pɨna wo̰ ɨrga haŋgɨ kɨbɨ ƴaa dangayn̰əŋ bɨ, dorge orɨn̰ danage doŋ bɨ, yege hɨn̰:

Gɨye-lɔɔ 9:3

Kɨɗɨn̰ ga ban baa gɨyəŋ, bay mɨnde gɨ ban kɨya andaŋ a Damas ɨni na, kɨɗɨn̰ ga nee le bɨ, asɨn̰a andɨgaŋ daa nii ɨrga nɨwɨre cayi.

Epɛs 5:14

Kɨya wa hɨnga nɔm ga ungo sɨɗɨgɨ toyge daa le, kɨya bɨləŋ na kɨɗɨn̰ ga asɨn̰. Na toy di hɨn̰ wo̰ ma kan yege hɨn̰: «Sa cay kuŋ gaŋ, ji ba wɔyɛ kuŋ le, Sa daa duroy kalaŋ ga madɨrdaŋ gaŋ, Ɨni na, Kɨris kɨya asɨn̰e can̰.»

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Wasɨn̰a 18:1

Kardi nee na, ɨŋ sol ba-ƴɔbɛ gɨ daa nii gɨ ɗaŋ sayga gɨɗɨgɨ-Kumu gɨŋ gɨsɨngɨ dugo. Togii kondɨ bɨ asɨn̰adi lee gɨ kɨɗɨn̰ asɨn̰ a cay gɨsəŋ gaŋ bɨ.