Gɨye-lɔɔ 12:4 - Gabri Maja

⁴ Ban ƴom Pɨyɛr dɨbii dangay dɨŋ bɨ, ɗe asɨgarn̰əŋ mɔjɨ-cayge-jii ƴeege te gusɨge poɗɨn̰-poɗɨn̰ gamiige. Ban ɨrɨm gɨ ni dorii doŋ bɔyɛ kɔl cayi cɨn̰ dɨmdɨrdi kalaŋ kardi kɨdɨrɛ gɨ ni Pakɨ.

Gɨye-lɔɔ 12:4 ပူးပေါင်းရင်းမြစ်များ

Matɨyo 24:9

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ.

Matɨyo 26:5

Ama kan yen̰ge gusɨge yege hɨn̰: «Na ƴomiigɨŋ cay wɔlɛ gɨ ni kɨɗɨrɛ gɨŋ naŋ, ana mɨn̰gɨŋ do̰ di kɨya bɔɔ duroy kalaŋ.»

Marg 14:1

Wɔlɛ gɨ ni leen̰ kɨdɨrɛ gɨ kan teeyige Pakɨ dan̰ kɨɗɨrɛ gɨ ni leen̰ mapa gɨ kan laage dan̰ subugu naŋ baa mɨnde. Wɔlɛ sɔɔ tumoy wɔlɛ gɨ nee le na, ka-cay ka-bɔgɛ kɨbar dan̰ ka-gɨlɨn̰ kalaŋ gasɨn̰-kɔl gɨ da Moyis, malge gɨyəŋ gɨ ni ƴomɨn̰ Jesu dan̰ jɨba bɨ dɨɗii.

Kɔl-gɨ-Ɗari gɨ Lug wal 21:12

«Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Kɔl-gɨ-Ɗari gɨ Lug wal 22:33

Pɨyɛr dɨbi cay nee yeyi hɨn̰: «Ba-gulɔŋ, ɨŋ som cay tɨbanɨ dɨŋ kɨya ɔrɛ danan̰ dangay dɨŋ bɨ, naa tɨma kalɨn̰ ma ɨŋ kɨya mare danan̰ bɨ.»

Kɔl-gɨ-Ɗari gɨ Ja̰ wal 19:23

Kɨɗɨn̰ ga asɨgarn̰əŋ gagɨlge Jesu a cay sɨya-gɨ-dagɨli gɨŋ coŋ ɨni na, kan donge badɨge kayi gosɨnɨge kɨɗɨn̰ poɗɨn̰ ojɨn̰ cayge pɨna pɨna. Baa na badɨge kayi ga ni cay ga ƴen̰ gaŋ: Badɨge ga nee le ɨran̰ dan̰ kɨɗɨn̰ cɔngɨɗɛdɨge naŋ. Na kɨbɨ badɨge ga pɨna ƴɔbɨ, ga sayga daa bɨrɨŋ andaŋ dugo.

Kɔl-gɨ-Ɗari gɨ Ja̰ wal 21:18

Jagɨŋ! Aŋ yəgɨŋ daa waŋ na cɨndi, kɨɗɨn̰ ga ji ba marɨna ƴee na, ji saɗɨ wɨrdɨn̰ kon̰ dan̰ sɔndurɔŋ bɨ, ji orɨn̰ kɨɗɨn̰ ga kuduron̰ gey gaŋ bɨ. Ama kɨɗɨn̰ ga ji na laa gɨ esi na, ungo gɨ ɗaŋ ba kɨya saɗɨn̰ te wɨrdɨn̰ bɨ, orɨn̰ danan̰ kɨɗɨn̰ ga kuduron̰ gey naŋ gaŋ bɨ.»

Gɨye-lɔɔ 12:3

Bɨ kɨɗɨn̰ ga ban ba sol gɨ hɨnga ga ban lee le ƴee cɨn̰ Jubɨn̰əŋ na, ban ay noyi bɨge gɨ kan na ƴɨma Pɨyɛr nee coŋ. Na boy wɔlɛ gɨ kan kɨya leen̰ kɨdɨrɛ gɨ da mapa gɨ kan laage dan̰ subugu naŋ le.

Gɨye-lɔɔ 12:5

Pɨyɛr woy dangay dɨŋ, ama kalaŋ ga Ka-Daye olge Kumu ye man̰ kɔl cayi.

Gɨye-lɔɔ 4:28

Kan leege hɨnga nɔm ga ji ba ojɨ tumɔ dan̰ dɔnɔ ton̰ bɨ, dan̰ kuduroy geye kon̰ bɨ le.

Gɨye-lɔɔ 4:3

Kan ƴomgege bɨ, beegege dangay dɨŋ bɨrɨŋ kɨɗɨn̰ wolge daa, kɨya wa tɨwa ɗobɨ ɨni.

Gɨye-lɔɔ 5:18

Kan donge ka-gɨre-gɨye beegege dangay dɨŋ di woy ojɨ cay kalaŋ nɔm.

Gɨye-lɔɔ 8:3

Ama Sol na lɨgɨ cɨndi daa mɨjag gɨ ni mondɨn̰ Ka-Daye coŋ. Ban andɨdaŋ duroy ƴaan̰əŋ gaŋ kɨya torɨn̰ ban̰aŋ dan̰ kandɨ dan̰ dɔnɔ bogɨge dangay.