Gɨye-lɔɔ 12:3 - Gabri Maja

³ Bɨ kɨɗɨn̰ ga ban ba sol gɨ hɨnga ga ban lee le ƴee cɨn̰ Jubɨn̰əŋ na, ban ay noyi bɨge gɨ kan na ƴɨma Pɨyɛr nee coŋ. Na boy wɔlɛ gɨ kan kɨya leen̰ kɨdɨrɛ gɨ da mapa gɨ kan laage dan̰ subugu naŋ le.

Gɨye-lɔɔ 12:3 ပူးပေါင်းရင်းမြစ်များ

Matɨyo 26:17

Ka-aye-cay-tɨbayi Jesu ɨrgage ɨngɨriige dan̰ wɔlɛ gɨ cay wase gɨ da kɨdɨrɛ gɨ da mapa gɨ laage dan̰ subugu naŋ yeyige hɨn̰: «Kɛ na boy kɨɗɨn̰ ga ani ma mɨn̰ gey gɨ ni na ɨra ƴɔmɛ cay tɨbay hɨnga ga ni dɔɔ gɨ da kɨdɨrɛ gɨ ni Pakɨ gɨ da Jubɨn̰əŋ le nee ga?»

Kɔl-gɨ-Ɗari gɨ Ja̰ wal 12:43

Kɨya wa kan geyge mɨlawe gɨ da kalaŋ, ɗɨn̰ mɨlawe gɨ sayga a gusi Kumu.

Kɔl-gɨ-Ɗari gɨ Ja̰ wal 19:11

Ɨni na, Jesu jɨga dɨbi cay nee yeyi hɨn̰: «Tumɔ, ban gɨ som daa nii le ni na bɨn̰ dɔnɔ naŋ na, ji ni kɨya ɓale lɔɔ hɨnga pɨna danaŋ naŋ. Na toy di hɨn̰ wo̰ ma, ɨsɨna gɨ da ban gɨ ba dɔbɔŋ kobɨn̰ le gumu tɔgɨ dɨn̰ kon̰ coŋ.»

Kɔl-gɨ-Ɗari gɨ Ja̰ wal 21:18

Jagɨŋ! Aŋ yəgɨŋ daa waŋ na cɨndi, kɨɗɨn̰ ga ji ba marɨna ƴee na, ji saɗɨ wɨrdɨn̰ kon̰ dan̰ sɔndurɔŋ bɨ, ji orɨn̰ kɨɗɨn̰ ga kuduron̰ gey gaŋ bɨ. Ama kɨɗɨn̰ ga ji na laa gɨ esi na, ungo gɨ ɗaŋ ba kɨya saɗɨn̰ te wɨrdɨn̰ bɨ, orɨn̰ danan̰ kɨɗɨn̰ ga kuduron̰ gey naŋ gaŋ bɨ.»

Gɨye-lɔɔ 12:4

Ban ƴom Pɨyɛr dɨbii dangay dɨŋ bɨ, ɗe asɨgarn̰əŋ mɔjɨ-cayge-jii ƴeege te gusɨge poɗɨn̰-poɗɨn̰ gamiige. Ban ɨrɨm gɨ ni dorii doŋ bɔyɛ kɔl cayi cɨn̰ dɨmdɨrdi kalaŋ kardi kɨdɨrɛ gɨ ni Pakɨ.

Gɨye-lɔɔ 2:14

Kɨɗɨn̰ ga nee le bɨ, Pɨyɛr say ɨre daa dan̰ ka-gɨre-gɨye ga da Jesu ga mɔjɨ-cayge-pɨna le, ayɨn̰ noy daa teen̰ bɛrnɛ yen̰ dɨmdɨrdi kalaŋ le hɨn̰: «Kɨŋ kalaŋ ga ni Jubɨ bɨ, kɨŋ kalaŋ nɔm ga ba som a cay ƴaa-di-gumu di Jerusalɛm dɨŋ bɨ le, hɨnga ga ba lee gusɨge kɛ le, kuɗa gɨ kɨŋ sɨla toyge kuɗa bɨ, kɨŋ dɨra sɨmaygɨŋ kuɗa jan̰gɨŋ kɔl hɨnge bɨ.

Gɨye-lɔɔ 20:6

Ni-gandi na, ni nay koburo gɨ gumu taa taa gɨŋ a Pilib na a kardi kɨdɨrɛ gɨ ojɨ cay mapa gɨ kan laage dan̰ subugu naŋ. Leen̰ wɔlɛ bay a cay kaŋ gaŋ dɨm ma mani wayge a Tɨrowas ƴee. Ni somɨn̰ danage ɓal dɨmasɨ pɨna.

Gɨye-lɔɔ 24:27

Lee ɨlge sɔɔ ɨni na, Porsɨyus Pɛstus ɨrga ƴee ban̰di Peligɨs. Ama Peligɨs gey gɨ kalaŋ ga ni Jubɨ, gusɨge na mooge cayi, lee gɨ ban ɗe Pol dangay dɨŋ mɨjag.

Gɨye-lɔɔ 25:9

Pɛstus mal gɨ kuduroy kalaŋ ga ni Jubɨ na mooge cayi, lee gɨ ban ɨngɨr Pol hɨn̰: «Kɛ, ji gey ɔrɛ Jerusalɛm ɗe gɨ kan na or bɔyɛ kɔl kon̰ a cɨnɨ ga?»

Gɨye-lɔɔ 4:13

Kɨɗɨn̰ ga ka-bɔyɛ kɔl solge gɨ Pɨyɛr dan̰ Ja̰ yege kɔl dan̰ cɨn̰-bandɨ na, kan solge gɨ kan naa kalaŋ ga kalɨn̰ wo̰, ga cay pɨna ɨrage kɨɗɨn̰ tɨrabe hɨnga gaŋ naŋ ɨni na, kɔl say kayge sɛl sɛl. Kan solge leen̰ cɨndi gɨ kan naa ka-gɔrɛ dan̰ Jesu.

Galad 1:10

Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.