Gɨye-lɔɔ 12:15 - Gabri Maja

¹⁵ Kan dubooge cay nee yooge hɨn̰: «Me dɨngal.» Ama hɨndi ƴom kɨbo osɨ ye hɨn̰ na cɨndi. Ɨni na, kan yege hɨn̰: «Gɨ lɔɔ na ba-ƴɔbɛ gɨ daa nii gɨ ba game Pɨyɛr.»

Gɨye-lɔɔ 12:15 ပူးပေါင်းရင်းမြစ်များ

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Marg 16:11

Hɨndi yege hɨn̰: «Jesu som-bɨra bɨ, ɨŋ solii dan̰ cɨnɨ bɨ.» Ama kɨɗɨn̰ ga kan ba jege kɔl gɨ hɨndi ba yege le ɨni na, kan bɨgage kuduroyge cay nee naŋ.

Marg 16:14

Kardi nee ɨni na, ban andaŋ dus a cay kan ga mɔjɨ-cayge-pɨna, kɨɗɨn̰ ga somge kɨbɨ hɨnga ga ni dɔɔ gaŋ. Ban san̰ danage kɨya cay bɔgɛ kudurɔ koge cay kɔl gɨŋ naŋ bɨ, kɨya cay kuduroy-dɨmbɨrwa koge bɨ. Kɨya wa kan kan̰ bɔgɛ kuduroyge a cay kɔl gɨ da kalaŋ ga soliige kɨɗɨn̰ ga ban boy lɨbɨ.

Kɔl-gɨ-Ɗari gɨ Lug wal 22:59

Somge ɓal karɨn̰ tɨwa pɨna wo̰ bɨ ga ma, bara gɨ ɗaŋ coŋ ye ƴɔmɨn̰ toy nee ye hɨn̰: «Na cɨndi yɔd, ungo gɨ kɛ le, na gɨ danayi, kɨya wa ban na ungo gɨ cay gɨsəŋ ga Galile.»

Kɔl-gɨ-Ɗari gɨ Lug wal 24:11

Ama ka-gɨre-gɨye ga da Jesu jege kɔl gɨ kan ba dorge le, hɨn̰ kɔl gɨ ni sɔndɛ wo̰. Kan bɨgage kuduroyge cay nee naŋ.

Gɨye-lɔɔ 12:16

Ama Pɨyɛr woy te dɔgɛ kɨbɨ-ƴaa hurɔg bɨrɨŋ gɨsɨn̰ gɨ kan haŋgii. Kɨɗɨn̰ ga kan soliige na, kɔl kayge sɛl sɛl.

Gɨye-lɔɔ 26:24

Pol dor kɔl dorɨn̰ kɔl cay kɨɗɨn̰ ga nee gaŋ le, ɨni na Pɛstus yey dan̰ tumoyi di daa ye hɨn̰: «Pol, ji sɨwagɨ! Tɨrabe kon̰ gɨ kondi le dɨbɨ sɨwagɨ can̰!»