Gɨye-lɔɔ 11:30 - Gabri Maja

³⁰ Kɨɗɨn̰ ga kan lee hɨnga ga kan ojɨ lɔɔ le ɨni na, kan ayge hɨnga wɔɔdɨge le beege kobɨ Barnabas kan dan̰ Sol, ɗe kan na ɨran̰ge bɨn̰ kan ga muɗoldoŋ ga a cay gɨsəŋ ga Jude gaŋ.

Gɨye-lɔɔ 11:30 ပူးပေါင်းရင်းမြစ်များ

Gɨye-lɔɔ 12:1

Boy ɨlgedi gɨ nee gɨŋ le, kɨlma gɨ cay wase Ɛrɔd ay te gɨlɨn̰ ka-aye kudurɔ ga pɨna ga duroy Ka-Daye cɨn̰-n̰age.

Gɨye-lɔɔ 12:25

Kɨɗɨn̰ ga Barnabas dan̰ Sol, dɨɗɨge kɨbɨ gɨye gɨ kan gɨyge koldɨge le, a boy cay ƴaa-di-gumu di Jerusalɛm dɨŋ ɨni na, kan bɨle cayge jogɨ. Barnabas dan̰ Sol, golge Ja̰ gɨ tɨrɨmbalay na Marg le kobɨge.

Gɨye-lɔɔ 14:23

A duroy Ka-Daye gaŋ pɨna pɨna na, kan torge kalaŋ ga muɗoldoŋ duroy nee bɨn̰ ka-aye kudurɔ. Kardi nee ɨni na, kan hayge kɨbɨge bɨ, olge Kumu bɨ, pa dɨm ma kan beegege kobɨ Ba-gulɔŋ gɨ kan beege kuduroyge cayi le ƴee.

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 15:4

Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 15:6

Ka-gɨre-gɨye bɨ, kan ga muɗoldoŋ bɨ, dayge cayge kɨya kobɨn̰ te kɔl gɨ nee le sɔlɛ.

Gɨye-lɔɔ 16:4

A boy cay ƴaa nɔm ga kan pɨde nee le, Pol dan̰ Sɨlas yege kol te tumɔ di ka-gɨre-gɨye bɨ, kan ga muɗoldoŋ ga a cay ƴaa-di-gumu di Jerusalɛm ba ayge bɨge bɨ le. Bɨ kan ɨngɨrge gɨ kan na bɨgage kɔl cay nee, laan̰ gɨye.

Gɨye-lɔɔ 20:17

Kɨɗɨn̰ ga ni ɨre Mile na, Pol ƴobɨ tee kan ga muɗoldoŋ ga a duroy Ka-Daye ga Epɛs ɗe kan na ɨrgage wayi.

Gɨye-lɔɔ 21:18

Wan̰dodo dɨŋ ɨni na, Pol say or danani a da Jag, kɨɗɨn̰ ga nee gaŋ le, kan ga muɗoldoŋ nɔm dayge cayge a nee.

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

1 Timote 4:14

Hɨnga ga Kumu bɨn̰ kalɨn̰ dan̰ gɨyəŋ gɨ da kɔl gɨ kan ɗege kɨbɨ ka-yɔɔ-kɔl-gɨ-Kumu-ba-yɔɔ gɨ kan yege kol can̰ bɨ, dan̰ gɨyəŋ gɨ da dayaŋ gɨ da kan ga muɗoldoŋ ga ɗege kobɨge can̰ bɨ le, ji ɗɔɔ ba aye ɨrɨmedɨn̰ cay nee coŋ naŋ.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

1 Timote 5:19

Ji ɗɔɔ ba geye kɔl gɨ sige cay ungo gɨ muɗol naŋ. Ama hɨn̰ gɨ naa tɨmon̰ sɔɔ, wala sɨbɨ na ba yage kol cayi pa dɨm ma mɨn̰ gey danage ƴee.

Titɨ 1:5

Ɨŋ ɗen̰ a cay gɨsəŋ ga Kɨrɛtɨ gaŋ na ɗe gɨ an̰ na ɗen̰ hɨnga ga ba baa ƴee le dan̰ durɔ bɨ, ɗe an̰ na ɗen̰ ka-muɗɔlɛ a cay ƴaa ga gɨmdəŋ gaŋ pɨna pɨna hɨn̰ gɨ ɨŋ ba yen̰ le bɨ.

Magtubu di Jag wal 5:14

Kɛ ungo pɨna gusi leeyi ga? Kuɗa gɨ ban tɨga kalaŋ ga muɗoldoŋ ga duroy Ka-Daye gaŋ, ɗe yoɗiige sɔŋ cayi dan̰ guson̰ Ba-gulɔŋ pa dɨm ma olɨn̰ge Kumu kol cayi ƴee.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

2 Ja̰ 1:1

Na ɨŋ-bandi gɨ muɗoli ba wale magtubu di kɛ le gɨyɨn̰ bɨn̰ tama di Kumu dɔrɔɔ, dan̰ karɨndo. Ɨŋ geyge leen̰ cɨndi. Na ɨŋ-bandi ƴɔbɨ ba geyge naŋ, ama kalaŋ nɔm ga solge kɔl gɨ cɨndi le, geygege bɨ.

3 Ja̰ 1:1

Na ɨŋ-bandi gɨ muɗoli ba wale magtubu di kɛ le, gɨyɨn̰ bɨn̰ ji-bandi Gayus gɨ ɨŋ geyɨn̰ dan̰ kuduronɨ ga pɨna le.