Gɨye-lɔɔ 11:26 - Gabri Maja

²⁶ Kɨɗɨn̰ ga ban wayi ɨni na, ban ɨrgan̰ danayi a Antɨyɔs. Kan sɔɗɨmɔŋ toge dɨŋ ɨlgɨge daa pɨna, duroy kalaŋ ga Ka-Daye ga a Antɨyɔs bɨ, gɨlɨn̰ge dɨmdɨrdi kalaŋ kɔl tɔgɨ bɨ. Cay wase cɨg cɨg na, na a cay ƴaa-di-gumu di Antɨyɔs dɨŋ ma kalaŋ ayge te tɔgɛ ka-aye-cay-tɨbay Jesu, naa kalaŋ ga ka-kɔbɛ Kɨris.

Gɨye-lɔɔ 11:26 ပူးပေါင်းရင်းမြစ်များ

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Kɔl-gɨ-Ɗari gɨ Ja̰ wal 2:2

Jesu kalɨn̰ ma molige a kɨɗɨn̰ gɔrɛ ƴaa gɨŋ dan̰ ka-aye-cay-tɨbayi bɨ.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 11:22

Kɔl gɨ nee le, baa a sɨmay Ka-Daye ga Jerusalɛm, lee gɨ kan gɨyge Barnabas a Antɨyɔs.

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Gɨye-lɔɔ 14:20

Ama kɨɗɨn̰ ga ka-aye kudurɔ dayaŋge cayi ɨni na, ban de say daa bɨ jogɨ cay ƴaa-di-gumu dɨŋ. Wan̰dodo dɨŋ ɨni na, ban say or Dɛrbɨ dan̰ Barnabas.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 14:23

A duroy Ka-Daye gaŋ pɨna pɨna na, kan torge kalaŋ ga muɗoldoŋ duroy nee bɨn̰ ka-aye kudurɔ. Kardi nee ɨni na, kan hayge kɨbɨge bɨ, olge Kumu bɨ, pa dɨm ma kan beegege kobɨ Ba-gulɔŋ gɨ kan beege kuduroyge cayi le ƴee.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 14:28

Bɨ Pol dan̰ Barnabas somge dan̰ ka-aye-cay-tɨbay Jesu ɓal kɔl lam a cay ƴaa di Antɨyɔs dɨŋ.

Gɨye-lɔɔ 18:27

Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 20:1

Kɨɗɨn̰ ga do̰ di baa le tɔɔ ayaŋ ɨni na, Pol te ka-aye-cay-tɨbay Jesu bɨ, dobɨ bandɨ kuduroyge bɨ. Kardi nee ɨni na, ban leege lapɨya bɨ ay gɨyəŋ orɨn̰ Masedɨwan.

Gɨye-lɔɔ 20:30

Bɨ duroygɨŋ kɨŋ-gandi gusɨgɨŋ kogɨŋ gaŋ kalɨn̰ ma, kalaŋ ga pɨna kɨya sɔ gɨ ni dɔrɛ kɔl poy gɨ ni dorɨn̰ ka-aye-cay-tɨbay Jesu bogɨge kardɨge bɨ.

Gɨye-lɔɔ 21:4

Ni way ka-aye-cay-tɨbay Jesu a nee, lee gɨ ni som danage lee wɔlɛ jurgum. Turnɔ di da Kumu jɨbɨge lee gɨ kan yen̰ Pol hɨn̰: «Ɔrɛ a cay ƴaa-di-gumu di Jerusalɛm dɨŋ naŋ.»

Gɨye-lɔɔ 26:28

Ɨni na, Agɨripa jɨga yen̰ Pol ye hɨn̰: «Baa mɨnde gɨ ji kɨya bɔgɛ kɔl kuduronɨ ɗe gɨ ɨŋ na bɨlɨn̰ ba kɔbɛ Kɨris ɨni!»

Gɨye-lɔɔ 6:1

Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Gɨye-lɔɔ 6:5

Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Gɨye-lɔɔ 9:19

Kardi nee kɨɗɨn̰ ga ban dii hɨnga ɨni na, ban jɨga wayi togi. Ban som ɓal wɔlɛ lam dan̰ ka-aye-cay-tɨbay Jesu ga a Damas.

Gɨye-lɔɔ 9:38

Ka-aye-cay-tɨbay Jesu ga somge a cay ƴaa-di-gumu di Jope le, jege gɨ Pɨyɛr na woy a cay gɨsəŋ ga Lida gaŋ. Sɔ Lida ɔrɛ Jope na mɨnde. Kan gɨyge kalaŋ sɔɔ ɗe gɨ kan na ɨra yay hɨn̰: «Kɔgɨɗɔ, ɨre haw wayani.»

1 Korɛ̰t 11:18

Hɨnga ga cay wase na yəŋge gɨ kɨɗɨn̰ ga kɨŋ na daya caygɨŋ kɨɗɨn̰ dayaŋ gaŋ na, puyoŋ na woy duroygɨŋ. Bɨ ɨŋ sol kuɗa gɨ na kɔl gɨ ni poy nɔm naŋ.

1 Korɛ̰t 12:12

Kɨŋ sol gɨ kuyoŋdi-gusɨna na pɨna hayi ama kɨway kondɨ. Bɨ kɨway gusɨna ga kondi na dayaŋge daa na bɨləŋge na kuyoŋdi-gusu gɨ pɨna ƴɔbɨ. Woy gɨlɨn̰ na hɨn̰ wo̰ bɨ kɨya cay Kɨris.

1 Korɛ̰t 14:23

Kɨradi-kɔl, hɨn̰ gɨ kɨŋ-gandi nɔm kɨŋ na ɨr kɨɗɨn̰ dayaŋ gaŋ ma kɨŋ-gandi nɔm kɨŋ na aya te yɔ kɨbɨ gɨ ungo sɨla naŋ na. Kɛ kalaŋ ga sɨla hɨnga naŋ, naŋ le kan ga ayage kuduroyge naŋ na andaŋge ƴen̰ kardɨgɨŋ na kɨya solgɨŋge leen̰ na ka-sɨwage naŋ ga?

1 Korɛ̰t 4:17

Na toy di hɨn̰ wo̰ ma, maŋ gɨyɨn̰ dan̰ Timote gusɨgɨŋ le. Ban na kuronɨ gɨ ɨŋ lee-toyi tɔgɨ gɨ ɨre a cay tɨbayi dɨŋ te Ba-gulɔŋ. Hal ga ɨŋ kobɨ kardɨge a te bugoŋ pɨna dan̰ Kɨris le, ban kɨya hɨne kuduroygɨŋ cay nee. Na hɨnga ga ɨŋ gɨlɨn̰ kalaŋ duroy Ka-Daye gaŋ nɔm le.

Epɛs 3:15

Kumu na te wɔɔ gɨ da kalaŋ pɨna pɨna nɔm bayge, ga gɨɗɨgɨ-Kumu gaŋ bɨ, ga cay gɨsəŋ gaŋ bɨ.

Magtubu di Jag wal 2:7

Kɛ na kan ba yagɨdege gusoŋ gɨ ɗari gɨ ye caygɨŋ le naŋ ga?

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.

1 Pɨyɛr 4:16

Ama hɨn̰ gɨ ungo na sɨla cɨn̰-gɨle-cɨn̰ kɨya gɨ ban naa ungo gɨ ba-kɔbɛ Kɨris na, ɗɔɔ gɨ dasi doyi naŋ. Ama kuɗa gɨ ban hɨrama Kumu kɨya guson̰ ba-kɔbɛ Kɨris gɨ ba ye cayi le.

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.