Gɨye-lɔɔ 11:20 - Gabri Maja

²⁰ Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 11:20 ပူးပေါင်းရင်းမြစ်များ

Matɨyo 27:32

Kan andaŋge orɨn̰ge danayi a kardi cay ƴaa-di-gumu dɨŋ ɨni na, kan wayge ungo gɨ pɨna wo̰ gɨ teeyige Simo, ban na ungo gɨ kan wooyge a cay ƴaa-di-gumu di Sirɛn dɨŋ. Kan usboŋge danayi bɨ ƴomiige dan̰ dɔnɔ gɨ ban na aya sɨya-gɨ-dagɨli gɨ da Jesu.

Kɔl-gɨ-Ɗari gɨ Ja̰ wal 7:35

Ayɨn̰ toy a wɔlɛ gɨ nee gɨŋ le, Jubɨn̰əŋ ɨngɨrɨn̰ge gusɨge kɔl duroyge yege hɨn̰: «Kɛ, ban kɨya ɔrɛ na ani mana kɨya wayigɨŋ naŋ le ga? Kɛ ban kɨya ɔrɛ wan̰ na Jubɨn̰əŋ ga sugdoŋge duroy Gɨrɛgn̰əŋ gaŋ ga? Kɛ ban kɨya ɔrɛ gɨlɨn̰ na Gɨrɛgn̰əŋ hɨnga ga?

Gɨye-lɔɔ 11:19

Kalaŋ ga kan gɨlge cɨn̰-kɨɗɨn̰ ga kan dɨɗɨn̰ Etɛn le, busdoŋge a cay kɨɗɨn̰ gaŋ. Ga pɨna duroyge orge bɨrɨŋ andaŋge a cay gɨsəŋ ga Pinisi gaŋ bɨ, ga Sɨpɨr gaŋ bɨ, cay ƴaa-di-gumu di Antɨyɔs dɨŋ bɨ. Kan tee bɛrnɛ kɔl gɨ da Kumu bɨn̰ kalaŋ, ama kan tee bɨn̰ na Jubɨn̰əŋ ƴɔbɨ.

Gɨye-lɔɔ 11:22

Kɔl gɨ nee le, baa a sɨmay Ka-Daye ga Jerusalɛm, lee gɨ kan gɨyge Barnabas a Antɨyɔs.

Gɨye-lɔɔ 11:26

Kɨɗɨn̰ ga ban wayi ɨni na, ban ɨrgan̰ danayi a Antɨyɔs. Kan sɔɗɨmɔŋ toge dɨŋ ɨlgɨge daa pɨna, duroy kalaŋ ga Ka-Daye ga a Antɨyɔs bɨ, gɨlɨn̰ge dɨmdɨrdi kalaŋ kɔl tɔgɨ bɨ. Cay wase cɨg cɨg na, na a cay ƴaa-di-gumu di Antɨyɔs dɨŋ ma kalaŋ ayge te tɔgɛ ka-aye-cay-tɨbay Jesu, naa kalaŋ ga ka-kɔbɛ Kɨris.

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 14:26

A nee le kan nayge koburo gɨ gumu taa taa gan̰ge kuray gɨ gumu taa taa, kɨya bɨlɨn̰ jogɨn̰ a cay ƴaa-di-gumu di Antɨyɔs, di woy a cay gɨsəŋ ga Siri gaŋ. Na hɨn̰ wo̰ ma, kan bɨlege wan̰ ka-aye kudurɔ ga tumɔ olge Kumu kol cayge ɗe gɨ ban na gɨr cayge dan̰ ɗarwa toyi kɨɗɨn̰ ga kan orɨn̰ge kɨya loon̰ge gɨye gɨ haw kɛ kan dɨɗɨ kɨbi le.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 15:30

Kɨɗɨn̰di ga nee gaŋ le, kan ɗe kan ga kan ba gɨyge le orge. Bɨ kɨɗɨn̰ ga kan or bugoŋ a Antɨyɔs na, kan dayge cay ka-aye kudurɔ pɨna bɨ, bɨgege magtubu le ɨni na, kɨɗɨn̰ ga kan ɗongɨsu na, kɔl gɨ a boy nee le bɨn̰ kalaŋ nɔm tɔgɨ, lee gɨ gusi kalaŋ nɔm mooge tɔgɨ bɨ.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 18:22

Kɨɗɨn̰ ga ban gɨsɨn a Sejare ɨni na, ban or a Jerusalɛm leen̰ Ka-Daye lapɨya. Kardi nee ɨni na, ban say or a Antɨyɔs.

Gɨye-lɔɔ 2:10

Pɨrɨji bɨ, Pampili bɨ, Ejɨpt bɨ, kan ga saygage cay ƴaa di Sirɛn di woy a cay gɨsəŋ ga Libi gaŋ bɨ, kan ga Rɔm bɨ,

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

Gɨye-lɔɔ 5:42

Kan gɨlɨn̰ kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Jesu-Kɨris bɨ, dan̰ wɔlɛ pɨna pɨna a duroy gulɔŋ ƴaa-di-da-Kumu dɨŋ bɨ, a duroy ƴaadɨge dɨŋ bɨ.

Gɨye-lɔɔ 6:1

Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Gɨye-lɔɔ 6:5

Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Gɨye-lɔɔ 6:9

Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.

Gɨye-lɔɔ 8:35

Dan̰ gɨyəŋ gɨ da kɔl gɨ woy duroy Magtubu di nee dɨŋ le, Pilib ay kɔl teen̰ bɛrnɛ Kɔl-gɨ-Ɗari gɨ da Jesu bɨn̰ ungo gɨ Etɨyopi le.

Gɨye-lɔɔ 8:5

Pilib or a cay ƴaa-di-gumu di pɨna wo̰ di woy a cay gɨsəŋ ga Samari gaŋ teen̰ bɛrnɛ di da Kɨris ban gɨ Kumu dorii le a nee.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Gɨye-lɔɔ 9:29

Ban ar kɔl dan̰ Jubɨ ga ka-yɔɔ kɨbɨ Gɨrɛg bɨ, man̰ kɔl danage bɨ. Ɨni na, kan ga nee le malge gɨyəŋ gɨ ni dɨɗii.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

Galad 2:11

Ama kɨɗɨn̰ ga Kepas ɨrga bugoŋ a cay ƴaa-di-gumu di Antɨyɔs dɨŋ na, ɨŋ ƴeyi daa ɗalii, kɨya cay gɨye-lɔɔdi gɨ ɨra dan̰ gɨyəŋdi naŋ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.