Gɨye-lɔɔ 11:12 - Gabri Maja

¹² Turnɔ di da Kumu yəŋ ɨŋ na sa ɨra danage dɨle ɗɔɔ ɗugonɨ alaŋ. Karmɨnɨ ga jii ga ba ɨrege kɛ ga ɨŋ ɨrgan̰ danage le bəŋge a Sejare bɨ, ni andaŋ nɔm toni dɨŋ a duroy ƴaa di da Kɔrney dɨŋ bɨ.

Gɨye-lɔɔ 11:12 ပူးပေါင်းရင်းမြစ်များ

Matɨyo 1:20

Kɨɗɨn̰ ga ban woy te ɨrɨme ƴee bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cayi duroy sɔndɛ gɨŋ, yeyi hɨn̰: «Jɨsɛb, kungay Dabid, ji ɗɔɔ ba hundɔrɔ gɨ ni kan̰e ƴɔɔ Mari coŋ naŋ. Kɨya wa kur gɨ hɨndi ƴee le, na dan̰ gɨyəŋ gɨ da Turnɔ ɗe-kuduroy-bɛrɛ.

Kɔl-gɨ-Ɗari gɨ Ja̰ wal 16:13

Kɨɗɨn̰ ga Turnɔ di da kɔl gɨ cɨndi kɨya caga na, hɨndi kɨya gɨlgɨŋ kɔl gɨ cɨndi nɔm. Kɨya wa hɨndi kɨya yɔɔ kɔl wo̰ dan̰ cay gusoo naŋ, ama hɨndi kɨya yɔ na kɔl gɨ hɨndi je bɨ, hɨndi kɨya yəgɨŋ kol hɨnga nɔm ga kɨya caga bɨ.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 10:23

Kɨɗɨn̰di ga nee gaŋ le, Pɨyɛr orɨn̰ danage ƴen̰ bɨ, bɨge kɨɗɨn̰ ga ni won̰. Wan̰dodo ɨni na, ban baa or danage. Karmɨge ga pɨna ga a Jope beeyige orɨn̰ danayi.

Gɨye-lɔɔ 10:45

Duroy ka-aye kudurɔ ga bɨgɨgage Pɨyɛr ga na Jubɨn̰əŋ le, kɔl kayge sɛl sɛl kɨya wa kalaŋ ga toyge na Jubɨ naŋ kalɨn̰ ma wayige Turnɔ ɗe-kuduroy-bɛrɛ di Kumu bee.

Gɨye-lɔɔ 11:13

Kɔrney dorni kardɨ sɔlɛ gɨ ban sol ba-ƴɔbɛ gɨ daa nii le. Ungo le ɨrga ɨre duroy ƴaadi gɨŋ bɨ yey hɨn̰: «Ban na gɨy kalaŋ a Jope kardi Simo gɨ tɨrɨmbalay na Pɨyɛr le, ɗe na ɨrga.

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 13:4

Barnabas bɨ, Sol bɨ le, na Turnɔ ɗe-kuduroy-bɛrɛ ba gɨyge ɗe gɨ kan na ɨrage Selesi. Kan nayge boy koburo gɨ gumu taa taa gɨŋ a kɨɗɨn̰ ga nee gaŋ le bɨ, kan say orge cɨndɨge jɨn̰ hɔgɨwa gɨ Sɨpɨr gɨŋ.

Gɨye-lɔɔ 15:7

Kɨɗɨn̰ ga kan man̰ge kɔl ɨl pɨvb ɨni na, Pɨyɛr say daa duroyge bɨ yege hɨn̰: «Karmɨnɨ, kɨŋ sol gɨ Kumu dɔrɔŋ karɨnɨ sɨngɨɗɨ cay wase duroygɨŋ bɨ, gɨyəŋ gusi kalaŋ ga toyge na Jubɨ naŋ, ɗe gɨ kan na jan̰ bɛrnɛ di da Kɔl-gɨ-Ɗari gɨ kɨya andaŋ kɨbɨnɨ bɨ, bɨgan̰ge kuduroyge cay nee.

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 28:15

Karmɨni ga somge a Rɔm jege koldi ni ɨni na, ga pɨna yalgage cɨndɨni bɨrɨŋ andɨn̰ge kɨɗɨn̰ sugu ga kan teege «Apayus» bɨ, ga ɗaŋ waynige a kɨɗɨn̰ ga teege naa «karɨn̰ ƴaa ga sɨbɨ ga ni ƴomɨn̰ kɨrge» bɨ. Kɨɗɨn̰ ga Pol solge ɨni na, ban leen̰ Kumu ho’o bɨ, ɗugoy ba dugo po̰ bɨ.

Gɨye-lɔɔ 8:29

Turnɔ di da Kumu yen̰ Pilib hɨn̰: «Ɨra tumɔ, ɨra mɨnde bongi pusu gɨ kɛ le.»

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

2 Tesalonigɨ 2:2

Hɨn̰ gɨ ungo na ya hɨn̰ wɔlɛ gɨ da Ba-gulɔŋ na bugoŋ ɨni na, kɨŋ ɗɔɔ caygɨŋ bɨrɨn̰e cɛd naŋ bɨ, hundɔrɔgɨŋ naŋ bɨ. Bɔgɛgɨŋ kuduroygɨŋ cay kɔl koyi gɨŋ naŋ, ko ban na ya gɨ ɗi na ye naa kɔl gɨ Kumu ba yɔ, wala na duroy tɔgɛ bɛrnɛ dɨŋ. Ko kan na gɨlgɨŋ magtubu hɨn̰ ni-gandi naa ba wale wo̰ kalɨn̰ ma, ɨrɨmegɨŋ gɨ naa ni-gandi naŋ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.