Gɨye-lɔɔ 10:43 - Gabri Maja

⁴³ Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 10:43 ပူးပေါင်းရင်းမြစ်များ

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 1:45

Pilib way Natanɨyɛl bɨ, yeyi hɨn̰: «Ni way ban gɨ kan walge koldi, ɗe duroy magtubu Gasɨn̰-kɔl gɨ da Moyis gɨŋ bɨ, duroy magtubu da ka-yɔɔ-kɔl-gɨ-Kumu-ba-yɔɔ gɨŋ bɨ le. Na Jesu kurɨn̰ Jɨsɛb gɨ Najarɛt.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 26:22

Ama na kɨya dɨbe gɨ Kumu dɨbɨ kobi canɨ amaŋ bɨrɨŋ gɨsɨn̰ labɨde le ma maŋ ɨrɨn̰ kɛ, ɨrɨn̰ leen̰ tɨmon̰ tɨnge tumoy kalaŋ nɔm ga gɨmdəŋ bɨ, ga n̰ən̰əŋ bɨ. Na kol hɨnga ga ka-yɔɔ-kɔl-gɨ-Kumu-ba-yɔɔ bɨ, Moyis ba yege gɨ naa wa wa kalɨn̰ ma, na kɨya lɔɔ gusɨge le, ma maŋ ye ɗɔɔ ƴɔbɨ.

Gɨye-lɔɔ 3:16

Ungo gɨ kɨŋ ba solii dan̰ cindɨgɨŋ nɔm kɛ bɨ, gɨ kɨŋ ba solii kuɗa bɨ le, na guson̰ Jesu gɨ ban bee kuduroyi cay nee, ba lɔɔ ma tɨbay osɨdəŋ kəŋ kəŋ. Aye kudurɔ gɨ ban ay bɨn̰ Jesu jaŋ ƴɔbɨ, ba bii dan̰ pɔɗɛ gɨ ni kuyoŋdi-gusi caŋ caŋ tumoygɨŋ nɔm kɛ.

Gɨye-lɔɔ 3:18

Kumu ye tumɔ dan̰ noy ka-yɔɔ-kɔl-gɨ-Kumu-ba-yɔɔ nɔm, gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰. Na hɨnga ga nee le ma ban lee ɗe or kɨɗɨn̰dɨge gaŋ.

Magtubu di Pol wal bɨn̰ kalaŋ ga Rɔm 10:11

Magtubu di da Kumu ye hɨn̰: «Waŋ waŋ gɨ na bɨga kuduroy a cayi na, Dasi kɨya doyi naŋ bɨrɨŋ.»

Magtubu di Pol wal bɨn̰ kalaŋ ga Rɔm 3:21

Ama haw kɛ na, Kumu wasɨn̰ gɨyəŋ gɨ ban bɨlɨn̰ kalaŋ leen̰ kalaŋ ga dan̰ durɔ ɗɨngar a cɨndi dɨle gasɨn̰-kɔl. Gɨyəŋ gɨ nee le gasɨn̰-kɔl gɨ da Moyis bɨ, magtubu da ka-yɔɔ-kɔl-gɨ-Kumu-ba-yɔɔ bɨ, naa leege tɨmon̰di.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Kɔlɔs 1:14

Dan̰ te bugoŋ pɨna dan̰ Kurondi le, Kumu dornagɨŋ beenagɨŋ daa bɨ, ɗe kuduroyi jal cay ɨsɨna konagɨŋ gɨŋ bɨ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

1 Pɨyɛr 1:11

Turnɔ di da Kɨris di woy kuduroyge le gɨlge gɨle-cɨn̰ da Kɨris tumɔ haa bɨ, gusoŋ-tɔgɛ gɨ ban ba kɨya wɔɔ kardi gɨle-cɨn̰ di nee dɨŋ le bɨ. Kan malge toyi gɨɗaŋ kɨya solɨn̰ge gɨ hɨnga nɔm ga nee le na kɨya ɨrga naa dan̰ wɔlɛ gɨ ani gɨŋ bɨ, dan̰ gɨyəŋ gɨ mɨna bɨ ga?

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»