Gɨye-lɔɔ 10:38 - Gabri Maja

³⁸ Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 10:38 ပူးပေါင်းရင်းမြစ်များ

Matɨyo 12:15

Jesu je kɔl gɨ nee le ɨni na, dor gusi a kɨɗɨn̰ ga nee gaŋ bɨ, dɨmdɨrdi kalaŋ kobɨge kardi. Ban poɗɨ kalaŋ ka-hɔmɨn̰ɛ nɔm.

Matɨyo 12:28

Ama naa dan̰ Turnɔ di da Kumu ma maŋ na tayan̰ turnɔn̰əŋ ga ɨsɨndəŋ na, dɔɔ-ƴaa di da Kumu ɨrga waygɨŋ ɨni.

Matɨyo 9:19

Jesu say daa kobɨ kardi dan̰ ka-aye-cay-tɨbayi.

Matɨyo 9:35

Jesu gor a cay ƴaa ga gɨmdəŋ gɨmdəŋ gaŋ bɨ, cay karɨn̰ ƴaa ƴaa gaŋ bɨ. Ban gɨlɨn̰ kalaŋ hɨnga duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ da dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, ka-modoŋ nɔm bɨ.

Marg 6:6

Kɔl kayi Jesu sɛl sɛl kɨya cay aye kudurɔ koge gɨ wɨyge. Ɨni na, Jesu gor a cay gulɔŋ ga nɨwɨre cay Najarɛt gɨlɨn̰ kalaŋ hɨnga nee.

Kɔl-gɨ-Ɗari gɨ Lug wal 3:22

Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Kɔl-gɨ-Ɗari gɨ Lug wal 9:42

Kɨɗɨn̰ ga kuroŋ le ɨrga jɨn̰ gusi Jesu na, turnɔ di ɨsɨni le ayi nayi leeyi gɨ ban sɨngalde. Ama Jesu sayɨn̰ dan̰ turnɔ di ɨsɨni bɨ, tayoo kuduroy kuroŋ le coŋ. Bɨ poɗɨn̰ dan̰ kɨye le ayi bɨn̰ bay.

Kɔl-gɨ-Ɗari gɨ Lug wal 9:56

Bɨ kan orge cay karɨn̰ ƴaa ga ɗaŋ gaŋ.

Kɔl-gɨ-Ɗari gɨ Ja̰ wal 10:32

Ama Jesu yege ɗaŋ coŋ ye hɨn̰: «Ɨŋ lee gɨye nɔm gɨ kuɗudaŋ gɨɗaŋ, a cɨndɨgɨŋ dan̰ gɨyəŋ gɨ da dɔnɔ di da Banɨ. Duroy gɨye nɔm gɨ nee le, na gɨ ani ma magɨŋ mal gɨ ni wɔrɨn̰ɔŋ dan̰ gujulu oru dɨɗəŋ koldi le ga?»

Kɔl-gɨ-Ɗari gɨ Ja̰ wal 16:32

Sɨlagɨŋ, tɨwadi kɨya caga bɨ, hɨndi caga ɨni bɨ. A boy tɨwadi di nee le, kan kɨya sugudɨgɨŋge pɨna pɨna. Waŋ waŋ kalɨn̰ ma kɨya ɔrɛ a kɨɗɨn̰di gaŋ kɨɗɨn̰di gaŋ. Kɨŋ kɨya ɗɔŋ ɨŋ-bandi kan̰nɨ haŋge. Ama ɨŋ na kan̰nɨ naŋ, kɨya wa Banɨ woy danaŋ.

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 3:34

Kɨya wa ungo gɨ Kumu gɨygii le, Kumu bii Turnɔ di kagado unɔ, lee gɨ ban ye na kɔl gɨ da Kumu.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Gɨye-lɔɔ 10:37

Kɨŋ sol hɨnga ga ba lee gusɨge ƴen̰ kɨɗɨn̰ a cay gɨsəŋ ga Jude gaŋ nɔm, ayɨn̰ toy a cay gɨsəŋ ga Galile gaŋ kardi batɛm di Ja̰ ba tee bɛrnɛdo le, kuɗa.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Əbɨro 1:9

Ji gey gɨye-lɔɔ gɨ dan̰ durɔ ɗɨngar bɨ, Ji jɨbɨ gɨye-lɔɔ gɨ ɨsɨni sɛdɨ coŋ bɨ, Na toy di hɨn̰ wo̰ ma, ay Kumu, Kumu kon̰ dorɨn̰ sɨn̰ dan̰ cɨndɨn̰, N̰ɨgɨn̰ sɔŋ gɨ ni gusi-mɔwa can̰ bɨ, Sɨn̰ jam cɨndi gaŋ a duroy ka-pogɨn̰ɨn̰ bɨ.»

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

1 Ja̰ 2:20

Ama kɨŋ-gandi na, kɨŋ gɨlɨn̰ hɨn̰ kan wo̰ naŋ. Kɨris n̰ɨgɨ Turnɔ ɗe-kuduroy-bɛrɛ caygɨŋ hɨn̰ gɨ kan n̰ɨgɨn̰ sɔŋ a cay ungo wo̰, lee gɨ kɨŋ-gandi nɔm kɨŋ orɨn̰ dan̰ hɨnga-sɔlɛ.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.