Gɨye-lɔɔ 10:35 - Gabri Maja

³⁵ Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.»

Gɨye-lɔɔ 10:35 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:28

Ba-ƴɔbɛ gɨ daa nii le, andaŋ ƴen̰ gusi tɨmbali le bɨ, yo hɨn̰: «Sɨma dan̰ gusi-mɔwa me-hɨndi di Kumu lee kuduroy-ɗarwa dɛnɛɛ, Ba-gulɔŋ baa dɛnɛɛ.»

Gɨye-lɔɔ 10:2

Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ.

Gɨye-lɔɔ 10:28

Ban yege hɨn̰: «Kɨŋ sol kuɗa gɨ ungo gɨ ni Jubɨ gɨ ani ani kalɨn̰ ma, kan nariige ƴɔmɛ pɔgɨn̰ɛ dan̰ ungo gɨ ni Jubɨ naŋ bɨ, nariige dɨbe tɨbay duroy ƴaadi dɨŋ bɨ. Ama Kumu lee gɨ ɨŋ na gɨ sɔlɛ ungo loon̰ ungo gɨ mɨdagi naŋ bɨ, loon̰ ungo gɨ ungo ɓala ɔrɛ tayi naŋ bɨ.

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Magtubu di Pol wal bɨn̰ kalaŋ ga Rɔm 2:13

Kalaŋ ga woyge dan̰ durɔ ɗɨngar tumoyi Kumu le, na kan ga ka-jɔɔ gasɨn̰-kɔl ga kɛ le dan̰ sɨmayge ƴɔbɨ naŋ, ama kalaŋ ga woyge dan̰ durɔ ɗɨngar le, na kan ga ka-lɔɔ hɨnga ga gasɨn̰-kɔl ojɨ.

Magtubu di Pol wal bɨn̰ kalaŋ ga Rɔm 2:14

Kɨɗɨn̰ ga kalaŋ ga toyge na Jubɨ naŋ ga sɨlage gasɨn̰-kɔl gɨ da Moyis naŋ, ama sayge dan̰ kuduroy geye koge leege hɨnga ga gasɨn̰-kɔl ojɨ na, ko kan na ɨran̰ dan̰ gasɨn̰-kɔl naŋ kalɨn̰ ma, kan bɨle woy hɨn̰ gɨ kan na orɨn̰ dan̰ gasɨn̰-kɔl a kuyoŋdi-gusɨge koge gɨŋ wo̰.

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Epɛs 1:6

Ɗe gɨ ana na hɨramii kɨya cay gusoŋ-tɔgɛ koyi bɨ, kɨya cay ɗarwa di gumu di ban lee danana kɨya cay bugoŋ gɨ na bugoŋ pɨna dan̰ kurondi, ungo gɨ ban lee-toy tɔgɨ.

Epɛs 5:21

Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

1 Ja̰ 2:29

Hɨn̰ gɨ kɨŋ na sɨla gɨ ban naa ungo gɨ dan̰ durɔ ɗɨngar na, kɨŋ sol gɨ waŋ waŋ gɨ na laa hɨnga ga dan̰ durɔ ɗɨngar na, na ungo gɨ bɨləŋ kurɨn̰ Kumu ɨni.