Gɨye-lɔɔ 10:33 - Gabri Maja

³³ Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.»

Gɨye-lɔɔ 10:33 ပူးပေါင်းရင်းမြစ်များ

Matɨyo 18:4

Ungo gɨ na bɨl gusi laan̰ kɨye gɨ n̰əŋ bɨ, bɨl wɨya hɨn̰ kɨye gɨ kɛ le na, ban mana gɨ gumu a boy dɔɔ-ƴaa di daa nii dɨŋ.

Matɨyo 19:30

Ama kondɨwadi kalaŋ duroy kan ga cay wase kɨya bɨlege wɔyɛ kalaŋ ga karu bɨ, kondɨwadi kalaŋ duroy kan ga karu, kɨya bɨlege wɔyɛ kalaŋ ga cay wase bɨ.

Marg 10:15

Aŋ yəgɨŋ daa waŋ na cɨndi: «Waŋ waŋ gɨ na ƴaa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Gɨye-lɔɔ 10:32

Hɨn̰ wo̰ na gɨy kalaŋ a cay ƴaa-di-gumu di Jope dɨŋ kardi Simo gɨ tɨrɨmbalay na Pɨyɛr le, ɗe ɨrga. Ban som na a da Simo gɨ ɗaŋ gɨ gɨye-lɔɔdi na wɔngɨsɛ ɓala gɨ ƴaadi woy a bongi kuray gɨ gumu taa taa gɨŋ le.”

Gɨye-lɔɔ 10:34

Ɨni na, Pɨyɛr haŋgɨ kɨbi bɨ ye hɨn̰: «Haw kɛ na, ɨŋ sol leen̰ cɨndi gɨ Kumu dɨra cɨn̰ ungo naŋ ɨni.

Gɨye-lɔɔ 28:28

Bɨ Pol dɨbɨge cay nee yege hɨn̰: «Sɨlagɨŋ kuɗa caygɨŋ: Ay toy haw kɛ na, kɔl gɨ ni pɔɗɛ gɨ sayga gusi Kumu le, orɨn̰ge bɨn̰ na kalaŋ ga toyge na Jubɨ naŋ. Kan na, kan kɨya jɔɔge bɛrnɛ di nee le.»

1 Korɛ̰t 3:18

Ɗɔɔ gɨ ungo pɨna wo̰ cɨndi narii naŋ. Hɨn̰ gɨ ungo duroygɨŋ na ɨrɨm gɨ ban naa ba cɨn̰-muɗɔlɛ hɨn̰ kalaŋ ga cay gɨsəŋ gaŋ kɛ na, ɗa gɨ ban bɨl ba dɨngale kɨya bɨlɨn̰ ungo gɨ ba cɨn̰-muɗɔlɛ.

Galad 4:14

Hɔmɨn̰ɛ gɨ ba ləŋ le na kandi gɨwase ga kɨŋ-gandi nɔm, kɨŋ ni kɨya dɔrɔŋ n̰ərə bɨ, kan̰aŋ bɨ, koldi. Ama kɨŋ laa hɨn̰ wo̰ naŋ, kɨŋ ƴɔmɔŋ gusɨgɨŋ hɨn̰ ba-ƴɔbɛ gɨ daa nii gɨ da Kumu wo̰ bɨ, hɨn̰ Jesu-Kɨris gusi wo̰ bɨ.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

Magtubu di Jag wal 1:19

Karmɨnɨ ga ban̰aŋ dan̰ ga kandɨ, ga ɨŋ lee-toygɨŋ. Hɨngɨŋ kuɗa cay kɔl gɨ ɨŋ ba kɨya yɔ kɛ: Dɨragɨŋ sɨmaygɨŋ kuɗa jan̰gɨŋ kɔl haw, ama yɔɔgɨŋ kɔl haw naŋ bɨ, lɔɔgɨŋ kuduroy-hɔmɛ haw naŋ bɨ.

Magtubu di Jag wal 1:21

Na toy di hɨn̰ wo̰ ma, ɗagɨŋ hɨnga ga lee kɨni nɔm coŋ bɨ, hɨnga ga ni kuduroy-ɨndɨwa nɔm coŋ bɨ. Ama kɔl gɨ Kumu ba gɨsɨ kuduroygɨŋ le, ƴaygɨŋ dan̰ kaledɨgɨŋ ga jali. Kɨya wa kɔl gɨ nee le, orɨn̰ dan̰ dɔnɔ di ni poɗɨn̰ turnoygɨŋ.