Gɨye-lɔɔ 10:22 - Gabri Maja

²² Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 10:22 ပူးပေါင်းရင်းမြစ်များ

Matɨyo 1:19

Jɨsɛb ba-kujɔdo le na ungo gɨ dan̰ durɔ ɗɨngar, ban gey dɨbe dasi caa cɨn̰ kalaŋ naŋ. Lee gɨ ban ɨrɨm dɔrɛ kobi jaŋ coŋ guso.

Matɨyo 2:12

Ɨni na, Kumu andaŋ cayge duroy sɔndɛ gɨŋ gɨ kan na gɨ jɔgɛ ɔrɛ gusi Ɛrɔd naŋ. Lee gɨ kan jogɨge ɨndi tage dan̰ te gɨyəŋ gɨ doŋ.

Marg 6:20

Kɨya wa Ɛrɔd been̰ Ja̰ ba-lɔɔ batɛm kɔl nee, kɨya gɨ ban sol Ja̰ naa ungo gɨ dan̰ durɔ ɗɨngar bɨ, naa ungo gɨ woy dan̰ cɨndi bɨ, lee gɨ ban gamii. Na cɨndi kɔl gɨ da Ja̰ lee gɨ ɨrɨmedi or jɨn̰ kɛ kɛ, ama naa hɨn̰ wo̰ kalɨn̰ ma Ɛrɔd dor sɨmayi jen̰ kɔl koyi dan̰ gusi-mɔwa.

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Lug wal 2:25

Sɨlagɨŋ! Wɔlɛdi gɨ nee le, bara gɨ pɨna wo̰ som a cay ƴaa-di-gumu di Jerusalɛm dɨŋ gusondi na Simin̰o. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ. Ban som gam na jɨne hayi, ban gɨ Ba-jale ɗugɔ te wɨn̰je gɨ da Ɨsɨrayɛl. Turnɔ ɗe-kuduroy-bɛrɛ le baa dan̰ Simin̰o.

Kɔl-gɨ-Ɗari gɨ Lug wal 23:50

Bɨ ga ma, ungo gɨ pɨna wo̰, gɨ gusondi na Jɨsɛb, ban na ungo gɨ a cay ƴaa-di-gumu di da Jubɨ di toge Arimate. Bara gɨ nee le, na ungo gɨ a duroy ka-bɔyɛ kɔl ga da Jubɨ. Ban na ungo gɨ kuɗa bɨ, ungo gɨ dan̰ durɔ ɗɨngar bɨ. Ban bugoŋ pɨna dan̰ ka-bɔyɛ kɔl cay kɔl gɨ kan boyge le naŋ bɨ, cay hɨnga ga kan ba lee le naŋ bɨ. Ban bee kuduroy cay dɔɔ-ƴaa di da Kumu di ba kɨya caga le.

Kɔl-gɨ-Ɗari gɨ Lug wal 9:26

Hɨn̰ gɨ ungo na daa dasi, kɨɗɨn̰ ga kan na tɨga gusoŋnɨ bɨ kɨɗɨn̰ ga kan na dɨra kɔl hɨnge bɨ na, ɨŋ-bandi Kurɨn̰-ungo le, ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a tɨnge bɨ, dan̰ asɨn̰a da Banɨ bɨ, dan̰ asɨn̰a da ka-ƴɔbɛ ga daa nii ga woyge dan̰ cɨndɨge bɨ.

Kɔl-gɨ-Ɗari gɨ Ja̰ wal 13:20

Jagɨŋ! Aŋ yəgɨŋ daa waŋ na cɨndi: «Waŋ waŋ gɨ na ƴɨma ban gɨ ɨŋ gɨyi kuɗa gusi na, ƴɔmɔŋ na ɨŋ-bandi gusi bɨ. Waŋ waŋ gɨ ƴɔmɔŋ kuɗa gusi le, ƴom na ban gɨ gɨyəŋ kuɗa gusi bɨ.»

Kɔl-gɨ-Ɗari gɨ Ja̰ wal 17:20

Ɨŋ olɨn̰ na kɨya cayge kan ɗɔ ƴɔbɨ naŋ, ama na kɨya cay kan ga ba kɨya bɔgɛge kuduroyge canɨ dan̰ gɨyəŋ gɨ da kɔl gɨ kan kɨya yɔɔ ojɨn̰ canɨ bɨ.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Gɨye-lɔɔ 10:2

Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ.

Gɨye-lɔɔ 10:21

Kɨɗɨn̰ ga nee le bɨ, Pɨyɛr gɨsɨn dugo ɨrga wayge bɨ, yege hɨn̰: «Ɨŋ na ungo gɨ kɨŋ ba malii le, kɛ kɨŋ ɨrga na kɨya wa ga?»

Gɨye-lɔɔ 10:30

Ɨni na, Kɔrney jɨga dɨbi cay nee yey hɨn̰: «Ɓal wɔlɛ sɨbɨ labɨde, dan̰ tɨwa sɨbɨdi ni borundo na, ɨŋ som ol Kumu ƴaanɨ dɨŋ bɨ, bara gɨ pɨna wo̰ gɨ dobɨ badɨge ga jɨran̰de gusi andaŋ canɨ dus ɨre tumonɨ,

Gɨye-lɔɔ 10:33

Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.»

Gɨye-lɔɔ 10:6

Ban na kɨrga gɨ da Simo gɨ gɨye-lɔɔdi na wɔngɨsɛ ɓala gɨ ƴaa toyi woy a bongi kuray gɨ gumu taa taa gɨŋ.»

Gɨye-lɔɔ 11:14

Ban kɨya yon̰ kɔl gɨ kɨya poɗɨn̰ ji-bandi gusɨn̰ bɨ, ka-ƴaadɨn̰ nɔm bɨ.»

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 24:15

Ɨŋ bee ɨrɨmenɨ a cay Kumu hɨn̰ gɨ kan kalɨn̰ ma ba been̰ge kuduroyge cayi wo̰ bɨ. Gɨ kalaŋ ga dan̰ durɔ ɗɨngar bɨ, ga dan̰ durɔ ɗɨngar naŋ bɨ, ga mage le, Kumu kɨya boyge lɨbge.

Gɨye-lɔɔ 6:3

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

2 Korɛ̰t 5:18

Hɨnga ga nee le nɔm sayga na gusi Kumu gɨ ba bogɨna pɨna danayi dan̰ gɨyəŋ gɨ da Kɨris bɨ, gɨ ba bogɨna gɨye bɔgɛ kalaŋ pɨna danayi, kobɨna bɨ.

1 Timote 3:7

Ɗaŋ coŋ, naa wa wa kalɨn̰ ma, kuɗa gɨ kalaŋ ga doŋ yage koldi kuɗa, naŋ na dasi kɨya bɔɔ cayi bɨ, ban kɨya bɔɔ boy boy da Haban̰ dɨŋ bɨ.

Əbɨro 10:38

Ungo gɨ na ungo hɨnge gɨ dan̰ durɔ ɗɨngar le, Kɨya sɔmɛ-bɨra leen̰ cɨndi kɨya cay aye kudurɔ. Ama hɨn̰ gɨ ban na dɨra toyi karu na, Gusɨnɨ kɨya mɔŋ danayi naŋ.»

Əbɨro 11:2

Na kɨya cay aye kudurɔ koge ma, mon̰iinagɨŋ ga jɨne le Kumu lee tɨmon̰ kuɗa kol cayge.

Əbɨro 12:23

Kɨŋ sɨygɨ na gusi Ka-Daye ga da karɨn̰aŋ ga woogege cay wase ga da Kumu bɨ, ga walge gusondɨge gɨɗɨgɨ-Kumu gɨŋ bɨ, kɨŋ sɨygɨ na gusi Kumu gɨ ba-bɔyɛ kɔl cay kalaŋ nɔm bɨ, gusi turnɔ da kalaŋ ga dan̰ durɔ ɗɨngar ga madɨrdaŋge ga woyge a gɨɗɨgɨ-Kumu gɨŋ gɨ Kumu bɨlge kuɗudaŋge duroŋ cɨrɛɗ bɨ.

2 Pɨyɛr 3:2

Ɨrɨmgɨŋ a cay kɔl gɨ ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge yege tumɔ le bɨ, cay te tumɔ da Ba-gulɔŋ bɨ Ba-pɔɗɛ kalaŋ bɨ ga ka-gɨre-gɨye kagɨŋ gɨlgɨŋge le bɨ.

3 Ja̰ 1:12

Kol cay Demetrɨyus na, kalaŋ nɔm leege tɨmon̰ di ɗari kol cayi. Bɨ kɔl gɨ cɨndi kalɨn̰ ma, lee tɨmon̰ di ɗari kol cayi bɨ. Ama ni-gandi kalɨn̰ ma, ni lee tɨmon̰ di ɗari kol cayi bɨ. Ji Gayus, ji sol gɨ tɨmon̰ di ni ba lee le naa cɨndi.

Wasɨn̰a 14:10

ba-gulondi kɨya sɔɔ cɛrɛ di suru kuduroy-hɔmɛ di da Kumu bɨ. Beege cɛrɛ di suru le boy kobo kuduroy-hɔmɛ di da Kumu dɨŋ dɨle pɔlɨn̰ɛ dan̰ hɨnga ga ɗaŋ nee. Lee gɨ hɨnga ga ni mɨrɨn̰tɨn̰i kɨya lɔɔ ba-gulondi duroy tɨwa dɨŋ bɨ, duroy kɨrbaŋdi hɨnga ga ƴee hɨn̰ tɨwa wo̰ bɨ, tumoy ka-ƴɔbɛ ga daa nii ga woyge dan̰ cɨndɨge bɨ, tumoy Kurɨn̰-dɨmangɨ bɨ.