Gɨye-lɔɔ 10:2 - Gabri Maja

² Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ.

Gɨye-lɔɔ 10:2 ပူးပေါင်းရင်းမြစ်များ

Matɨyo 25:17

Guyɔŋ gɨ orɨn̰ dan̰ gursu di ni lɔr aru sɔɔ le, lee na hɨn̰ gɨ mɨgayi ba leen̰ le wo̰ bɨ, wan̰ kaŋdo aru sɔɔ cay nee.

Kɔl-gɨ-Ɗari gɨ Lug wal 18:1

Jesu say dor kɨradi-kɔl gɨ pɨna wo̰, kɨya gɨlge gɨ kuɗa gɨ kan na ula Kumu daa daa, dɨle dɔrɛ gɨlale.

Kɔl-gɨ-Ɗari gɨ Lug wal 2:25

Sɨlagɨŋ! Wɔlɛdi gɨ nee le, bara gɨ pɨna wo̰ som a cay ƴaa-di-gumu di Jerusalɛm dɨŋ gusondi na Simin̰o. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ. Ban som gam na jɨne hayi, ban gɨ Ba-jale ɗugɔ te wɨn̰je gɨ da Ɨsɨrayɛl. Turnɔ ɗe-kuduroy-bɛrɛ le baa dan̰ Simin̰o.

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 10:31

bɨ yəŋ hɨn̰: “Kɔrney, Kumu je ɔlɛ kon̰ bɨ, kuduroyi hala gɨybəŋ cay hɨnga ga ni bee ga ji bɨn̰ ka-n̰age le naŋ bɨ.

Gɨye-lɔɔ 10:35

Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.»

Gɨye-lɔɔ 10:4

Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ.

Gɨye-lɔɔ 10:7

«Kɨɗɨn̰ ga ba-ƴɔbɛ gɨ daa nii gɨ ba ar kɔl danayi le say jogɨ ɨni na, Kɔrney te ka-gɨye kay won̰ge sɔɔ bɨ, te asɨgar pɨna duroy asɨgarn̰əŋ ga ka-ɨre mɨnde gusii ga hɨndarge Kumu le bɨ.

Gɨye-lɔɔ 11:14

Ban kɨya yon̰ kɔl gɨ kɨya poɗɨn̰ ji-bandi gusɨn̰ bɨ, ka-ƴaadɨn̰ nɔm bɨ.»

Gɨye-lɔɔ 13:16

Ɨni na, Pol say daa leege kobi gɨ kan na sɨma kɨɗɨn̰ pɨna bɨ yege hɨn̰: «Kɨŋ kalaŋ ga Ɨsɨrayɛl, kɨŋ ka-bɔgɛ kɔl cay Kumu, jagɨŋ kɔl hɨnge.

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 18:8

Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.

Gɨye-lɔɔ 2:5

A boy wɔlɛdi gɨ nee le, kalaŋ ga ni Jubɨ ga jege kɔl kɨbɨ Kumu somge a cay ƴaa-di-gumu di Jerusalɛm dɨŋ. Kan saygage na duroy te wɔɔ gɨ da kalaŋ nɔm ga a cay gɨsəŋ gaŋ ɨrgage somge nee.

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 8:2

Kalaŋ ga gɨye-lɔɔdɨge bugoŋ pɨna dan̰ Kumu ɨmgege Etɛn bɨ, iliige hal bɨ,

Gɨye-lɔɔ 9:11

Ba-gulɔŋ jɨga yey hɨn̰: «Sa ɨra a te gɨyəŋ gɨ kan teege naa gɨyəŋ gɨ dan̰ durɔ ɗɨngar bɨ, andaŋ a boy duroy gulɔŋ gɨ da Judasɨ gɨŋ bɨ, ɨngɨr kol ungo gɨ pɨna wo̰ gɨ kan teeyige na Sol gɨ Tars. Kɨya wa haw kɛ ban som ol Kumu a kɨɗɨn̰ ga nee gaŋ.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Kɔlɔs 4:2

Ay karmɨnɨ, ƴɨmagɨŋ te ɔlɛ bɨ, sɨmagɨŋ-bɨra toy nee bɨ, laan̰gɨŋ Kumu ho’o jɨn̰ tumɔ tumɔ bɨ.

1 Tesalonigɨ 5:17

Ulagɨŋ Kumu daa daa bɨ.

Magtubu di Jag wal 1:5

Hɨn̰ gɨ ungo pɨna duroygɨŋ cɨn̰-muɗɔlɛ na wɨyi na, kuɗa gɨ ban ɨngɨrɨn̰ Kumu, ban kɨya bii. Kɨya wa ban na ba bɨn̰ kalaŋ nɔm hɨnga, dan̰ kuduroy ga pɨna dɨle son̰ danage.

Wasɨn̰a 15:4

Ay Ba-gulɔŋ, Kɛ na mɨna ma ungo gɨ hundɔrɔ gusondɨn̰ naŋ ga? Kɛ na mɨna ma ungo gɨ dɨbɨn̰ gusoŋ-tɔgɛ can̰ naŋ ga? Kɨya gɨ ji-bandi kan̰dɨn̰ han̰ ba wɔyɛ dan̰ cɨndɨn̰. Te kalaŋ nɔm kɨya ɨrgage bɔyɛ mɨregi tumon̰, Kɨya gɨ kan solge gɨye-lɔɔdɨn̰ nɔm Gɨ dan̰ durɔ ɗɨngar a duroy hɨnga ga ji lee.»