Gɨye-lɔɔ 10:1 - Gabri Maja

¹ Bara gɨ pɨna wo̰ gusondi na Kɔrney, som a cay ƴaa-di-gumu di Sejare dɨŋ. Ban na gumu gɨ da asɨgarn̰əŋ ga aru ga da kalaŋ ga Rɔm, kan woyge duroy te asɨgarn̰əŋ ga aru jii, ga kan teege naa Itali.

Gɨye-lɔɔ 10:1 ပူးပေါင်းရင်းမြစ်များ

Matɨyo 27:27

Asɨgar ga da Piladɨ tolge Jesu orɨn̰ge danayi kɨɗɨn̰ bɔyɛ kɔl gɨ da ba-kɨbɨ kɨlma gɨ gumu gɨŋ, bɨ dayge te asɨgarn̰əŋ nɔm a cayi.

Matɨyo 27:54

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Marg 15:16

Asɨgarn̰əŋ ga da Piladɨ tolge Jesu orɨn̰ge danayi duroy gulɔŋ gɨ da kɨɗɨn̰ bɔyɛ kɔl gɨŋ gɨ da ba-kɨbɨ kɨlma gɨ gumu. Bɨ kan teege te asɨgarn̰əŋ ga baa nɔm cayi.

Kɔl-gɨ-Ɗari gɨ Lug wal 7:2

A cay ƴaa di nee le, guyɔŋ gɨ da gumu gɨ da asɨgar gɨ na ungo gɨ Rɔm gusi leeyi tɔgɨ, woy kɨbɨ tɨma dɨŋ. Ama guyɔŋ koyi gɨ nee le ban geyii tɔgɨ.

Kɔl-gɨ-Ɗari gɨ Ja̰ wal 18:12

Kɨɗɨn̰ ga nee le, te asɨgarn̰əŋ dan̰ kondige dan̰ ba-aye cayge bɨ, ka-game ƴaa-Kumu gɨ da Jubɨn̰əŋ bɨ, ƴomge Jesu saɗɨdiige.

Kɔl-gɨ-Ɗari gɨ Ja̰ wal 18:3

Ɨni na, Judasɨ baa tumoy te asɨgarn̰əŋ ga dan̰ kondige bɨ, dan̰ asɨgarn̰əŋ ga ka-ame ƴaa-Kumu bɨ, ga na ka-cay ka-bɔgɛ kɨbar dan̰ Parɨsɨn̰an̰əŋ ba gɨygɨge. Judasɨ orɨn̰ danage boy yage gɨ kan busoŋge hayaŋ boy nee le. Kalaŋ ga nee le orɨn̰ge dan̰ lamba bɨ, dan̰ dɨngɛ bɨ, dan̰ hɨnga ga ni wɔrɨn̰ɛ bɨ kobɨge.

Gɨye-lɔɔ 10:24

Ɗaŋdo ɨni na, Pɨyɛr bugoŋ a Sejare. Kɔrney day cay ka-wandɨ kayi bɨ, ka-pogɨn̰ii ga ban sige jam cɨndi gaŋ bɨ, lee gɨ kan nɔm somge gamiige.

Gɨye-lɔɔ 21:31

Kɨɗɨn̰ ga kan gey gɨ ni dɨɗii ɨni na, koldi or bɔɔ a sɨmay gumu gɨ ba-sɔmɛ cay asɨgarn̰əŋ ga dubu le, lee gɨ kan yeyge hɨn̰ kalaŋ nɔm nɔm ga a cay ƴaa-di-gumu di Jerusalɛm dɨŋ, orge na lɨwdɨn̰ lɨwdɨn̰ cay gusɨge.

Gɨye-lɔɔ 21:8

Wan̰dodo dɨŋ na, ni or a cay ƴaa-di-gumu di Sejare dɨŋ bɨ, ni gɨsɨn a da Pilib ba tɔgɛ bɛrnɛ Kɔl-gɨ-Ɗari. Ban na ungo gɨ pɨna wo̰, duroy ban̰aŋ ga jurgum ga kan torge kɨya jɨbe te Ka-Daye le.

Gɨye-lɔɔ 22:25

Kɨɗɨn̰ ga kan ɨre saɗɨde Pol kɨya somdiige na, ba-cay asɨgarn̰əŋ ga aru gɨ pɨna wo̰ ɨre durdi bɨ, Pol yey hɨn̰: «Kɛ a boy Gasɨn̰-kɔl gaŋ le, ojɨ gɨ kɨŋ kɨya sɔmdɛ kɨye ba-cay ƴaa di Rɔm, wase dɨle bɔyɛ kɔl cay ga?»

Gɨye-lɔɔ 23:23

Kardi nee ɨni na, ba-sɔmɛ cay asɨgarn̰əŋ ga dubu le, te ka-sɔmɛ cay asɨgarn̰əŋ kage ga aru won̰ge sɔɔ bɨ, yege hɨn̰: «Dɨnagɨŋ asɨgarn̰əŋ aru sɔɔ bɨ, ka-hɨndɛrɛŋ toyge-jurgum bɨ, ka-dagɗɨ ga dan̰ tɨbayge aru sɔɔ bɨ, kɨŋ ƴɨman̰ cay-tɨbaygɨŋ kɨya hɨn̰ gɨ tɨwa dɨngɛsə di ni son̰do na, kɨŋ kɨya ɔrɛ Sejare.

Gɨye-lɔɔ 23:33

Kɨɗɨn̰ ga ka-hɨndɛrɛŋ bugoŋ Sejare ƴɔbɨ na, kan bɨn̰ge ba-kɨbɨ kɨlma magtubu bɨ, dobɨge Pol kobi bɨ.

Gɨye-lɔɔ 25:1

Kɨɗɨn̰ ga Pɛstus bugoŋ a kɨɗɨn̰ dɔɔ cay ƴaa toy dɨŋ ɨni na, kardi nee ban lee wɔlɛ sɨbɨ bɨ, ban say a Sejare or a cay ƴaa-di-gumu di Jerusalɛm dɨŋ.

Gɨye-lɔɔ 25:13

Ɓal wɔlɛ lam wo̰ kardi nee ɨni na, kɨlma Agɨripa dan̰ tɨmdi Bɛrnis ɨrgage bugoŋ a Sejare bɨ, orge kɨya leen̰ Pɛstus lapɨya.

Gɨye-lɔɔ 27:1

Wɔlɛ gɨ kan ayge noyge gɨ ni ayɨn̰ koburo gɨ gumu taa taa orɨn̰ Itali ɓal ɨni na, kan dobɨge Pol dan̰ kamdi dangayn̰əŋ ga pɨna wo̰, a kobɨ gumu gɨ da asɨgarn̰əŋ gɨ pɨna wo̰, gɨ gusondi na Julɨyus. Ban na gumu gɨ da asɨgarn̰əŋ ga aru ga sayga na duroy te ka-wɔrɨn̰ɛ ga kan teege naa ka-wɔrɨn̰ɛ ga da «Kɨlma gɨ gumu.»

Gɨye-lɔɔ 27:31

Ɨni na, Pol yen̰ ba-cay asɨgarn̰əŋ ga aru bɨ, asɨgarn̰əŋ bɨ le, yege hɨn̰: «Hay, hɨn̰ gɨ kalaŋ ga nee le na sɨmage boy koburo gɨ gumu taa taa gɨŋ naŋ na, kɨŋ kɨya ɓale pɔɗɛ naŋ.»

Gɨye-lɔɔ 27:43

Ama ba-cay asɨgarn̰əŋ ga aru le gey pɔɗɛ Pol. Lee gɨ ban narge lɔɔ hɨnga ga kan ojɨ lɔɔ le coŋ. Bɨ ban ay noyi bɨn̰ kan ga ba sol tɔgɛ nale le, na hɨŋɗɨdɨge bugoŋ duroy kaŋ gaŋ tɨgage nale ɨrage wase kɨbɨ gɨba gɨŋ.

Gɨye-lɔɔ 8:40

Pilib na de andaŋ na a cay ƴaa-di-gumu di Ajot dɨŋ. Kardi nee ɨni na, ban gor dan̰ cay ƴaa ƴaa bɨ, teen̰ bɛrnɛ Kɔl-gɨ-Ɗari boy cay ƴaa ga gɨmdəŋ nɔm ga ban pɨde nee bɨrɨŋ andɨn̰ a cay ƴaa-di-gumu di Sejare dɨŋ.