Gɨye-lɔɔ 1:9 - Gabri Maja

⁹ Kɨɗɨn̰ ga ban yege kɔl gɨ nee le hɨn̰ wo̰ bɨ ga ma, kan soliige gɨ ban say cɨndɨge or daa nii. Kardi nee ɨni na, kan ɨre sol kardi hɨrɨm bɨ, gɨrɨmbale ɨrga tol cɨndɨge narge solii coŋ.

Gɨye-lɔɔ 1:9 ပူးပေါင်းရင်းမြစ်များ

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 21:27

Ɨni na, kalaŋ ga cay gɨsəŋ gaŋ kɨya sɔlɔŋge ɨŋ-bandi Kurɨn̰-ungo dan̰ tɨdɨge, ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Kɔl-gɨ-Ɗari gɨ Ja̰ wal 6:62

Ma hɨn̰ gɨ kɨŋ na sɨla Kurɨn̰-ungo dan̰ cɨndɨgɨŋ, saa ɨra sɨma a kɨɗɨn̰ sɔmɛdi ga tumɔ gaŋ le kɛ, gɨ ƴomgɨŋ isi cɨla coŋ naŋ ga?

Gɨye-lɔɔ 1:11

bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»

Gɨye-lɔɔ 1:2

bɨrɨŋ andɨn̰ a boy wɔlɛdi gɨ Kumu ayi orɨn̰ danayi daa nii le. Tumɔ pa dɨm ma gɨ ban kɨya ɔrɛ ƴee na, Jesu gɨlɨn̰ ka-gɨre-gɨye kayi ga ban torge le hɨnga, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

1 Tesalonigɨ 4:17

Kardi nee ɨni na, na-gandi ga na baa dan̰ cɨndɨna a cay gɨsəŋ gaŋ ƴee le, Kumu kɨya orɨn̰ danana pɨna danage nɔm duroy gɨrɨmbale gaŋ, ɗe ana na yalɨn̰ cɨn̰ Ba-gulɔŋ duroy gɨɗɨgɨ-Kumu gɨŋ bɨ, ɗe ana na somɨn̰ dan̰ Ba-gulɔŋ dan̰ tumoyna bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.

Wasɨn̰a 11:12

Ɨni na, ka-yɔɔ-kɔl-gɨ-Kumu-ba-yɔɔ ga sɔɔ le, jege noy ungo gɨ sayga gɨɗɨgɨ-Kumu gɨŋ ye hɨn̰: «Nagɨŋ daa gusɨnɨ kɛ!» Kɨɗɨn̰di ga nee gaŋ le bɨ, kan nayge a cɨn̰ ka-baadɨge orɨn̰ gɨɗɨgɨ-Kumu gɨŋ, duroy gɨrɨmbale gaŋ.

Wasɨn̰a 14:4

Kan na kalaŋ ga dɨbage gusɨge duroy kɨni gɨŋ malan̰ge kandɨ naŋ, kɨya wa sɨlage kandɨ naŋ. Kan ga nee le na ka-kɔbɛ kurɨn̰-dɨmangɨ a kɨɗɨn̰ gaŋ nɔm ga ban orɨn̰ nee. Kan na kalaŋ ga ban boy cayge duroy kalaŋ ga ɨndəŋ bɨ, kan woy gɨlɨn̰ na hɨn̰ hɨnga ga cay wase ga walge duroy yage gɨŋ ɗege dan̰ cɨndɨge gɨ ni aye bɨn̰ Kumu bɨ, bɨn̰ kurɨn̰-dɨmangɨ bɨ.