Gɨye-lɔɔ 1:7 - Gabri Maja

⁷ Jesu jɨga dɨbɨge cay nee yege hɨn̰: «Na kɔl kogɨŋ gɨ ni sɔlɛ wɔlɛdi, wala tɨwadi di Banɨ ba ɔjɛ dan̰ dɔnɔ toyi le naŋ.

Gɨye-lɔɔ 1:7 ပူးပေါင်းရင်းမြစ်များ

Matɨyo 20:23

Ɨni na, Jesu yege hɨn̰: «Kɨŋ kɨya sɔ hɨnga ga boy kobo gɨle-cɨn̰ hɨnge gɨŋ leen̰ cɨndi. Ama gɨ ni sɔmɛ cay kɔbɔŋ gɨ bara gɨŋ, naŋ le, cay kɔbɔŋ gɨ masa gɨŋ na, na ɨŋ-bandi ba kɨya bɨn̰ kalaŋ ga nee le naŋ. Ama woy na kɨya cay kalaŋ ga Banɨ ƴom cay tɨbayige kɨya bɨge le.»

Matɨyo 24:36

«Ama kɔl gɨ ojɨ cay wɔlɛdi bɨ, tɨwadi bɨ le, ungo pɨna nɛŋ sɨla naŋ. Ka-ƴɔbɛ ga daa sɨlage naŋ bɨ, Kuroŋ sɨla naŋ bɨ, ama na Kɨye bayi pɨna hayi ƴɔbɨ ba sɔlɛ.

Marg 10:40

Ama gɨ ni sɔmɛ a cay kɔbɔŋ gɨ bara gɨŋ naŋ le, cay kɔbɔŋ gɨ masa gɨŋ na, na ɨŋ-bandi ba kɨya bɨn̰ kalaŋ ga nee le naŋ, ama woy ojɨ na cay kalaŋ ga Kumu ɗe hɨnga ga nee le a cay kobi gɨŋ kol cayge.»

Marg 13:32

«Ama kɔl gɨ ojɨ cay wɔlɛdi bɨ tɨwadi bɨ le, ungo pɨna nɛŋ sɨla naŋ. Ka-ƴɔbɛ ga daa nii sɨlage naŋ bɨ, Kuroŋ sɨla naŋ bɨ, ama na Kɨye Bayi pɨna hayi ƴɔbɨ ba sɔlɛ.

Kɔl-gɨ-Ɗari gɨ Lug wal 21:24

Kan kɨya dɨɗɨge dan̰ pəlɨm bogɨge dugo bɨ, kan kɨya donge orɨn̰ danage dangay a cay gɨsəŋ ga ɗaŋ gaŋ bɨ, te wɔɔ gɨ da kalaŋ ga toyge na Jubɨ naŋ kɨya cagage ɗɔdɨrdɛ Jerusalɛm dugo dan̰ tɨbayge bɨrɨŋ gɨsɨn̰ wɔlɛ gɨ da kalaŋ ga toyge na Jubɨ naŋ kɨya ɔrɛ kɨɗɨn̰di gaŋ.

Gɨye-lɔɔ 17:26

«Na dan̰ gɨyəŋ gɨ da ungo gɨ pɨna hayi kəɗ kəɗ ma ban ɗen̰ te wɔɔ gɨ da kalaŋ nɔm ga somge a cay gɨsəŋ gaŋ bɨ. Ban ojɨ wɔlɛ gɨ hɨnga nɔm kɨya loon̰ gusɨge bɨ, gɨsɨ cay kɨɗɛlɛ gɨ kan kɨya somɨn̰ nee bɨ.

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

1 Timote 6:15

Ban kɨya gɨle gusi doŋ na duroy tɨwa di Kumu ba ojɨ ɨni. Na Ban pɨna hayi ma na Ba-cay hɨnga bɨ, Kumu gɨ orɨn̰ dan̰ tumoy wolwa bɨ, Kɨlma cay kɛrɨmbɛlɛŋ bɨ, Ba-gulɔŋ cay ba-gulɔŋn̰əŋ bɨ.

2 Timote 3:1

Hɨnga ga ojɨ gɨ ji gɨ sɔlɛ kuɗa ba kɛ: Boy wɔlɛ gɨ te kɨɗɨn̰ kɨya ayaŋ na, hɨnga nɔm ga osɨdəŋ kɨya lɔɔ gusɨge.