Gɨye-lɔɔ 1:3 - Gabri Maja

³ Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Gɨye-lɔɔ 1:3 ပူးပေါင်းရင်းမြစ်များ

Matɨyo 21:43

Na toy di hɨn̰ wo̰ ma aŋ yəgɨŋ, kan kɨya ƴɔɔ dɔɔ-ƴaa di da Kumu kobɨgɨŋ kɨya bɨn̰ te wɔɔ gɨ da kalaŋ ga kɨya ɨrgan̰ge dan̰ kaŋdo.

Matɨyo 28:9

Kɨɗɨn̰ ga kan orge kɨya dɨbɨn̰ koldi sɨmay ka-aye-cay-tɨbayi bɨ ga ma, Jesu yalga cɨndɨge bɨ yege hɨn̰: «Ɨŋ leegɨŋ lapɨya!» Kan ɨrgage gusi ƴomge tɨbayi bɨ, n̰ɨriige.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 4:2

Ban hay kɨbi wɔlɛ toyi-poɗɨn̰ duroy kɨɗɨn̰ ga woli gaŋ bɨ, wɔlɛ toyi-poɗɨn̰ duroy son̰do dɨŋ bɨ ɨni na, kurɔŋ leeyi.

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Ja̰ wal 20:26

Dɨmasɨ di ɗaŋ dɨŋ na, ka-aye-cay-tɨbayi jɨgage dayaŋge ɗaŋ coŋ a duroy ƴaa gɨ nee gɨŋ le. Tomas woy danage boy wɔlɛdi gɨ nee le, kɨbɨ-ƴaa lugudoŋ gag gag daa. Naa hɨn̰ wo̰ kalɨn̰ ma, Jesu andaŋ ɨre duroyge, leege lapɨya yege hɨn̰: «Gusi-dɔbɛ baa danagɨŋ.»

Kɔl-gɨ-Ɗari gɨ Ja̰ wal 21:1

Kardi hɨnga nɔm ga nee le na, Jesu jɨga andaŋ ɗaŋ coŋ a cay ka-aye-cay-tɨbayi a kɨbɨ kuray gɨ gumu taa taa gɨŋ gɨ Tiberɨyadɨ. Gɨyəŋ gɨ ban ba andɨn̰ cayge ba kɛ.

Kɔl-gɨ-Ɗari gɨ Ja̰ wal 21:14

Na gɨ ni tɨba sɨbɨdi ɨni, gɨ Jesu gɨlɨn̰ ka-aye-cay-tɨbayi gusi, ayɨn̰ toy gɨ ban boy lɨbɨ duroy kalaŋ ga madɨrdaŋ gaŋ le.

Gɨye-lɔɔ 13:31

Kalaŋ ga gorge dan̰ Jesu saygan̰ge danayi cay gɨsəŋ ga Galile gaŋ ɨrgan̰ge cay ƴaa-di-gumu di Jerusalɛm dɨŋ le, Jesu gɨl gusi bɨge wɔlɛ kondɨ. Haw kɛ na, kan na ka-lɔɔ tɨmon̰ toyi tumoy karɨn̰ Ɨsɨrayɛl.

Gɨye-lɔɔ 19:8

Pol or boy ƴaa-daye-di-da-Jubɨn̰əŋ dɨŋ bɨ, dor kɔl dan̰ cɨn̰-bandɨ ɓal kɨdɨrɛ sɨbɨ. Ban dor kɔl gɨ ojɨ cay dɔɔ-ƴaa di da Kumu, malɨn̰ gɨyəŋ gɨ ni ɨrgan̰ dan̰ kan ga ka-jɔɔ kɔl koyi le, a te gɨyəŋ gɨŋ.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 28:31

Ban tee bɛrnɛ di da dɔɔ-ƴaa di da Kumu bɨ, gɨlɨn̰ kalaŋ kɔl gɨ ojɨ cay Ba-gulɔŋ Jesu-Kɨris dan̰ kuduroy ga pɨna bɨ, ungo pɨna naray cay nee naŋ bɨ.

Gɨye-lɔɔ 8:12

Ama kɨɗɨn̰ ga Pilib tee bɛrnɛ di da Jesu-Kɨris bɨ di da dɔɔ-ƴaa di da Kumu bɨ na, kalaŋ ga Samari beege kuduroyge a cay Kɔl-gɨ-Ɗari gɨŋ. Lee gɨ ban̰aŋ bɨ, kandɨ bɨ, ɨrgage gusi ɗe ban na leege batɛm nɔm.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

1 Ja̰ 1:1

Ni wal magtubu bɨgɨŋ ojɨn̰ na cay ban gɨ ba-bee sɔmɛ-bɨra le. Ban som nee tumɔ ɓɨrag, pa dɨm ma Kumu ɗen̰ hɨnga nɔm ƴee. Ni-gandi, ni je kɔl gɨ ban ye bɨ, ni solii dan̰ cɨndɨni bɨ, ni ɗe cɨndɨni cayi kuɗa bɨ, ni ɨsɨbii dan̰ kobɨni bɨ.