Gɨye-lɔɔ 1:13 - Gabri Maja

¹³ Kɨɗɨn̰ ga kan bugoŋge a cay ƴaa-di-gumu di nee dɨŋ le ɨni na, kan nayge orge duroy kulu gɨ woy a cay mɨgay gɨŋ daa gɨ kan daydɨn̰ge nee daa daa le. Ka-gɨre-gɨye ga dayge cayge a duroy kulu gɨ nee gɨŋ le, na: Pɨyɛr bɨ, Ja̰ bɨ, Jag bɨ, Andɨre bɨ, Pilib bɨ, Tomas bɨ, Bartelemi bɨ, Matɨyo bɨ, Jag kurɨn̰ Alpe bɨ, Simo kɨye ba-ƴaa gɨ gey dɔrɛ kalaŋ kayi kobɨ ka-dɔɔ cayge bɨ, Jud kurɨn̰ Jag bɨ.

Gɨye-lɔɔ 1:13 ပူးပေါင်းရင်းမြစ်များ

Matɨyo 9:9

Jesu sayga kɨɗɨn̰ ga nee gaŋ ma pɨde na, ban sol gɨlmi gɨ pɨna wo̰, ɨre kɨɗɨn̰ ƴɔɔ hɔgɛ lambo gaŋ. Gɨlmi gɨ nee le gusondi na Matɨyo. Ban yeyi hɨn̰: «Kɨba karɨnɨ!» Ɨni na, Matɨyo de say daa cud bɨ, kobɨn̰ kardi.

Marg 14:15

Bɨ ban kɨya gɨlgɨŋ kulu gɨ gumu gɨ a cay mɨgay gɨŋ daa, gɨ kan n̰an duroy kaga gɨ hɨnga nɔm woy boy nee ɨni. Na nee ma magɨŋ kɨya ƴɔmɛ cay tɨbay dɔɔ gɨ ni Pakɨ boy nee kol cayna.»

Marg 14:33

Ban tee Pɨyɛr bɨ, Jag bɨ, Ja̰ bɨ, orɨn̰ danage danayi. Kɨɗɨn̰ ga nee le hundɔrɔ ay te looyi bɨ, ɗugoyi adɨldii bɨ.

Marg 2:14

Kɨɗɨn̰ ga ban pɨde te gɨyəŋ gɨŋ na, ban sol Lebi kurɨn̰ Alpe som a boy kɨɗɨn̰ ga kalaŋ hogɨn̰ lambo nee gaŋ. Ɨni na, Jesu yeyi hɨn̰: «Kɨba karɨnɨ.» Kɨɗɨn̰ ga nee le Lebi de say daa cud bɨ kobɨ kardi.

Marg 5:37

Ban ɗa ungo gɨ ɗaŋ ɨra danayi naŋ, ama na Pɨyɛr bɨ, Jag bɨ, Ja̰ gɨ na Jag kurɨndi bɨ ƴɔbɨ.

Marg 9:2

Wɔlɛ jii kardi nee ɨni na, Jesu ay Pɨyɛr bɨ, Ja̰ bɨ, Jag bɨ, orɨn̰ danage a cay garma gɨ sɨngɨɗɨ gɨ pɨna wo̰ gɨŋ kan̰dɨge. Ɨni na, cɨndi bɨle ɗaŋ tumoyge.

Kɔl-gɨ-Ɗari gɨ Lug wal 22:12

Bɨ ban kɨya gɨlgɨŋ kulu gɨ gumu gɨ a cay mɨgay gɨŋ daa, gɨ hɨnga nɔm woy boy nee. Na boy nee ma, magɨŋ kɨya ƴɔmɛ cay tɨbay dɔɔ gɨ ni Pakɨ boy nee.»

Kɔl-gɨ-Ɗari gɨ Ja̰ wal 11:16

Ɨni na, Tomas «gɨ kan teeyige Mɨgɨna le», yen̰ kamdi ka-aye-cay-tɨbay Jesu yege hɨn̰: «Na-gandi kalɨn̰ ma, ɨranagɨŋ ana orgɨŋ mare danayi.»

Kɔl-gɨ-Ɗari gɨ Ja̰ wal 14:22

Judasɨ, gɨ na Judasɨ Isikarɨyɔt naŋ, yeyi hɨn̰: «Ba-gulɔŋ, lee na mɨna ma ji kɨya gɨlni gusɨn̰ bɨ, ji kɨya gɨlɨn̰ kalaŋ ga a cay gɨsəŋ gaŋ gusɨn̰ naŋ ga?»

Kɔl-gɨ-Ɗari gɨ Ja̰ wal 18:17

Tama ɗe-gɨye, ɗe game kɨbɨ-ƴaa le, ɨngɨrɨn̰ Pɨyɛr yeyi hɨn̰: «Ji-bandi, ji na ba-aye-cay-tɨbay gɨlmi gɨ nee le bɨ naŋ ga?» Ɨni na, ban dɨboo cay nee yoo hɨn̰: «Cə cə!»

Kɔl-gɨ-Ɗari gɨ Ja̰ wal 21:2

Simo Pɨyɛr bɨ, Tomas gɨ tɨrɨmbalayi na Mɨgɨna bɨ, Natanɨyɛl gɨ a cay ƴaa di Kana di woy a cay gɨsəŋ ga Galile gaŋ bɨ, karɨn̰ Jebede bɨ, ka-aye-cay-tɨbayi ga ɗaŋ won̰ge sɔɔ bɨ, kan nɔm somge kɨɗɨn̰ pɨna.

Gɨye-lɔɔ 12:17

Ban leege kobi gɨ kan na sɨgɨyage dugo. Bɨ ban dorge te gɨyəŋ gɨ Ba-gulɔŋ ba lee dorii dangay dɨŋ le bɨge. Bɨ ban yege ɗaŋ coŋ hɨn̰: «Ɨragɨŋ yan̰ Jag dan̰ karmɨna ga ɗaŋ koldi.» Kardi nee ban andaŋ or kɨɗɨn̰ ga ɗaŋ gaŋ.

Gɨye-lɔɔ 15:13

Kɨɗɨn̰ ga kan dɨɗɨge kɨbɨ kɔl koge ɨni na, Jag ay kɔl bɨ yege hɨn̰: «Karmɨnɨ, jagɨŋ kɔl hɨnge!

Gɨye-lɔɔ 2:14

Kɨɗɨn̰ ga nee le bɨ, Pɨyɛr say ɨre daa dan̰ ka-gɨre-gɨye ga da Jesu ga mɔjɨ-cayge-pɨna le, ayɨn̰ noy daa teen̰ bɛrnɛ yen̰ dɨmdɨrdi kalaŋ le hɨn̰: «Kɨŋ kalaŋ ga ni Jubɨ bɨ, kɨŋ kalaŋ nɔm ga ba som a cay ƴaa-di-gumu di Jerusalɛm dɨŋ bɨ le, hɨnga ga ba lee gusɨge kɛ le, kuɗa gɨ kɨŋ sɨla toyge kuɗa bɨ, kɨŋ dɨra sɨmaygɨŋ kuɗa jan̰gɨŋ kɔl hɨnge bɨ.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 20:8

Ƴaa di woy a cay mɨga dɨŋ daa di ni ba dayaŋ boy nee le, tɨwa di ni lamba kondɨ asɨn̰ kɨɗɨn̰ boy nee.

Gɨye-lɔɔ 4:13

Kɨɗɨn̰ ga ka-bɔyɛ kɔl solge gɨ Pɨyɛr dan̰ Ja̰ yege kɔl dan̰ cɨn̰-bandɨ na, kan solge gɨ kan naa kalaŋ ga kalɨn̰ wo̰, ga cay pɨna ɨrage kɨɗɨn̰ tɨrabe hɨnga gaŋ naŋ ɨni na, kɔl say kayge sɛl sɛl. Kan solge leen̰ cɨndi gɨ kan naa ka-gɔrɛ dan̰ Jesu.

Gɨye-lɔɔ 4:19

Ama Pɨyɛr dan̰ Ja̰ dɨbɨge cay nee yege hɨn̰: «Kɨŋ gusɨgɨŋ bɨyagɨŋ duroy kɔl gɨ kɛ le: Jɔɔ kɔl kɨbɨgɨŋ ma na hɨnga ga dan̰ durɔ ɗɨngar cɨn̰ Kumu wala, na jɔɔ kɔl kɨbɨ Kumu ga?

1 Korɛ̰t 15:7

Kardi nee ban andaŋ dus gusi Jag bɨ, gusi ka-gɨre-gɨye nɔm bɨ.

Galad 1:19

A wɔlɛdi gɨ nee gɨŋ le, ɨŋ usɨboŋ dan̰ ba-gɨre-gɨye gɨ ɗaŋ pɨna wo̰ naŋ, ama na Jag Ba-gulɔŋ kurɨndi ƴɔbɨ.

Galad 2:9

Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

2 Ja̰ 1:1

Na ɨŋ-bandi gɨ muɗoli ba wale magtubu di kɛ le gɨyɨn̰ bɨn̰ tama di Kumu dɔrɔɔ, dan̰ karɨndo. Ɨŋ geyge leen̰ cɨndi. Na ɨŋ-bandi ƴɔbɨ ba geyge naŋ, ama kalaŋ nɔm ga solge kɔl gɨ cɨndi le, geygege bɨ.

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.