Gɨye-lɔɔ 1:11 - Gabri Maja

¹¹ bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»

Gɨye-lɔɔ 1:11 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 24:30

Kɨɗɨn̰di ga nee gaŋ le na, hɨnga ga kɨya gɨle cay Kurɨn̰-ungo kɨya andɨgaŋ gɨɗɨgɨ-Kumu gɨŋ. Duroy wɔlɛdi gɨ nee gɨŋ le, te wɨn̰jen̰əŋ ga cay gɨsəŋ gaŋ nɔm kɨya ɨlege gusɨge togɨn̰ge ɗugoyge bɨ, kɨya sɔlɛge Kurɨn̰-ungo te ɨrgadi gɨŋ cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Marg 13:26

Ɨni na, kalaŋ ga cay gɨsəŋ gaŋ kɨya sɔlɛge Kurɨn̰-ungo le dan̰ tɨdɨge te ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a di gumu bɨ.

Marg 14:70

Bɨ ban man̰ kɨbi ɗaŋ coŋ. Lam wo̰ kardi nee ɨni na, kalaŋ ga ba ɨrege nee le, sɨygɨge gusi Pɨyɛr bɨ yeyige hɨn̰: «Ji na ungo gɨ a duroyge leen̰ cɨndi, kɨya wa ji na ungo gɨ a cay gɨsəŋ ga Galile gaŋ.»

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 21:27

Ɨni na, kalaŋ ga cay gɨsəŋ gaŋ kɨya sɔlɔŋge ɨŋ-bandi Kurɨn̰-ungo dan̰ tɨdɨge, ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Kɔl-gɨ-Ɗari gɨ Lug wal 24:5

Hundɔrɔ lee kandɨ le bɨrɨŋ gɨ kan dobɨ cayge dugo. Ama kalaŋ le yege hɨn̰: «Na kɨya wa ma magɨŋ mal ungo gɨ som-bɨra dan̰ cɨndi duroy kalaŋ ga madɨrdaŋ gaŋ ga?

Kɔl-gɨ-Ɗari gɨ Ja̰ wal 14:3

Kɨɗɨn̰ ga ɨŋ na ɨra n̰ana kɨɗɨn̰ kɨya caygɨŋ ɨni na, ɨŋ kɨya bɨlgɨ jɨga kɨya lobgɨŋ gusɨnɨ, ɗe agɨŋ somɨn̰ kɨɗɨn̰ ga ɨŋ somɨn̰ nee gaŋ bɨ.

Gɨye-lɔɔ 1:2

bɨrɨŋ andɨn̰ a boy wɔlɛdi gɨ Kumu ayi orɨn̰ danayi daa nii le. Tumɔ pa dɨm ma gɨ ban kɨya ɔrɛ ƴee na, Jesu gɨlɨn̰ ka-gɨre-gɨye kayi ga ban torge le hɨnga, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Gɨye-lɔɔ 1:9

Kɨɗɨn̰ ga ban yege kɔl gɨ nee le hɨn̰ wo̰ bɨ ga ma, kan soliige gɨ ban say cɨndɨge or daa nii. Kardi nee ɨni na, kan ɨre sol kardi hɨrɨm bɨ, gɨrɨmbale ɨrga tol cɨndɨge narge solii coŋ.

Gɨye-lɔɔ 13:31

Kalaŋ ga gorge dan̰ Jesu saygan̰ge danayi cay gɨsəŋ ga Galile gaŋ ɨrgan̰ge cay ƴaa-di-gumu di Jerusalɛm dɨŋ le, Jesu gɨl gusi bɨge wɔlɛ kondɨ. Haw kɛ na, kan na ka-lɔɔ tɨmon̰ toyi tumoy karɨn̰ Ɨsɨrayɛl.

Gɨye-lɔɔ 2:7

Hɨnga ga nee le, dor turnoyge bɨ, kɔl kayge sɛl sɛl nee bɨ. Lee gɨ kan yege hɨn̰: «Kalaŋ ga ba yege kɔl kɛ le, na kalaŋ ga saygage na cay gɨsəŋ ga Galile gaŋ naŋ ga?

Gɨye-lɔɔ 3:12

Kɨɗɨn̰ ga Pɨyɛr ba sol hɨn̰ wo̰ na, ban yen̰ dɨmdɨrdi kalaŋ le hɨn̰: «Kalaŋ ga Ɨsɨrayɛl, na kɨya wa ma kɔl kaygɨŋ sɛl sɛl kɨya cay pɔɗɛ gɨ da ba-modo le ga? Kɨya wa ma magɨŋ solni gəɗəɗə hɨn̰ gɨ ni na ba looyi ɗoy sɔ ɔrɛ daa dan̰ tɔgɨ toni bɨ, dan̰ gɨyəŋ ɔrɛ di ni gɨ bugoŋ pɨna dan̰ Kumu bɨ wo̰ ga?

Gɨye-lɔɔ 3:21

Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Tesalonigɨ 4:16

Kɨya wa gumu gɨ da marɨne ga daa nii kɨya aye noyi be bɨ, burun̰ji di da Kumu kɨya yɔ bɨ, ɨni na Ba-gulɔŋ gusi kɨya andɨgaŋ gɨɗɨgɨ-Kumu gɨŋ kɨya ɨrga. Lee gɨ kalaŋ ga bugoŋge pɨna dan̰ Kɨris pa dɨm ma mage le, kɨya bɔyɛge lɨbe tumɔ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.