Əbɨro 9:28 - Gabri Maja

²⁸ Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Əbɨro 9:28 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

Kɔl-gɨ-Ɗari gɨ Ja̰ wal 14:3

Kɨɗɨn̰ ga ɨŋ na ɨra n̰ana kɨɗɨn̰ kɨya caygɨŋ ɨni na, ɨŋ kɨya bɨlgɨ jɨga kɨya lobgɨŋ gusɨnɨ, ɗe agɨŋ somɨn̰ kɨɗɨn̰ ga ɨŋ somɨn̰ nee gaŋ bɨ.

Gɨye-lɔɔ 1:11

bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 5:15

Ama hɨnga ga ni bee ga Kumu bɨna kalɨn̰ le, wɨya gɨlɨn̰ na hɨn̰ ga da Adam wo̰ naŋ. Na kol hɨnga ga dan̰ gɨyəŋdɨge naŋ ga ungo pɨna hayi ƴɔbɨ lee le ma, kalaŋ kondɨ marɨn̰ge. Ɗarwa di da Kumu gumu ɗɨn̰ hɨnga ga dan̰ gɨyəŋdɨge naŋ ƴee coŋ. Ɗarwa le ɨrga na dan̰ gɨyəŋ gɨ da ungo pɨna hayi, Jesu-Kɨris, hɨndi lee kuduroy-ɗarwa gɨɗaŋ dan̰ kondɨwadi kalaŋ.

Magtubu di Pol wal bɨn̰ kalaŋ ga Rɔm 6:10

Tɨma di ban ma le, na kɨya dorɨn̰ ɨsɨna a sarnaygɨŋ bɨ, na tɨba pɨna nɛŋ ƴɔbɨ bɨ. Ama haw kɛ gɨ ban somɨn̰-bɨra le, ban lee hɨnga nɔm na kɨya cay Kumu.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

1 Korɛ̰t 1:7

Lee gɨ hɨnga ga ni ɗarwa di da Kumu ga ban bee le, pɨna wo̰ ga wɨygɨŋ unɔ, kɨŋ ga kɨŋ ba som gam tɨwa di Ba-gulondɨna Jesu-Kɨris kɨya andɨn̰ dus le.

1 Korɛ̰t 15:54

Kɨɗɨn̰ ga kuyoŋdi-gusɨna gɨ ba kɨya ɔsɨn̰ɛ na dɨba ban gɨ ba kɨya ɔsɨn̰ɛ naŋ bɨ, ban gɨ ba kɨya mare na dɨba ban gɨ ba kɨya mare naŋ bɨ ɨni na, na kɨɗɨn̰ ga nee le ma kɔl gɨ walge a duroy Magtubu di da Kumu dɨŋ kɨya ɔrɛ kɨɗɨn̰dɨge gaŋ: «Banga ƴom kɨbɨ tɨma yɔd coŋ ɨni.»

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

2 Tesalonigɨ 2:1

Karmɨnɨ ga ban̰aŋ dan̰ ga kandɨ, kɔl gɨ ojɨ cay jɨga gɨ da Ba-gulondɨna Jesu-Kɨris bɨ, cay dayaŋ kona gusii bɨ le, ni olgɨŋ gɨ:

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Əbɨro 4:15

Na cɨndi, na orɨn̰ dan̰ mangɨl gɨ da ka-cay ka-bɔgɛ kɨbar gɨ ɓal gɨle-cɨn̰ danana duroy gabaŋ kona. Hɨnga nɔm ga ba gɨybɨnagɨŋ le, gɨybii bɨ ama ban laa ɨsɨna naŋ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Əbɨro 7:27

Jesu wɨya gɨlɨn̰ na hɨn̰ te mangɨl gɨ da ka-cay ka-bɔgɛ kɨbar ga ɗaŋ wo̰ naŋ. Ban na ba-bɔgɛ kɨbar gɨ dan̰ wɔlɛ pɨna pɨna kol ɨsɨna koyi bɨ, kol ɨsɨna gɨ da karɨn̰ Ɨsɨrayɛl bɨ, naŋ. Ban bee kɨbar gɨ nee le, na cay pɨna wo̰ ƴɔbɨ, kɨɗɨn̰ ga ban ay gusi be leen̰ hɨnga ga ni bogɨn̰ kɨbar.

Əbɨro 9:25

Mangɨl gɨ da ka-cay ka-bɔgɛ kɨbar le, andaŋge a kɨɗɨn̰ ga woy dan̰ cɨndɨge gaŋ ɨlge dan̰ ɨlge, dan̰ kɨbar di nare. Ama Kɨris andaŋ boy nee na kɨya aye gusi bogɨn̰ kɨbar tɨba nee nee naŋ.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

2 Pɨyɛr 3:12

Gamagɨŋ bɨ, sɨbɨrgɨŋ wɔlɛ caga gɨ da Kumu bɨ. Wɔlɛdi gɨ nee le, kan kɨya mɔndɛ gɨɗɨgɨ-Kumu na dan̰ tɨwa bɨ, hɨnga ga Kumu ɗege ga tɨwa di daa woy boy nee le, kɨya mundoŋge coŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

Magtubu di Jud wal 1:21

Kɨŋ-gandi gusɨgɨŋ amagɨŋ gusɨgɨŋ ɨrɨn̰gɨŋ a cay geye gɨ Kumu geygɨŋ gɨŋ le, gaman̰ sɔmɛ-bɨra gɨ dan̰ tumoyi gɨ Ba-gulondɨna Jesu-Kɨris kɨya bɨna dan̰ gɨyəŋ gɨ da sɔlɛ cɨn̰-n̰age toyi le.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.