Əbɨro 9:10 - Gabri Maja

¹⁰ Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

Əbɨro 9:10 ပူးပေါင်းရင်းမြစ်များ

Marg 7:4

Kɨɗɨn̰ ga kan na sa te sugu dɨŋ na, kɨya pɨlege gusɨge dan̰ gɨyəŋ gɨ da hada pa dɨm ma kɨya dɨn̰ge dɔɔ ƴee. Kan kobɨge te hada ga ɗaŋ kondɨ, hɨn̰ pɨle kobon̰əŋ, dan̰ tagɨlɨn̰n̰əŋ, dan̰ ɨmbɨlɨn̰n̰əŋ ga leege dan̰ nare gɨ ni kɨwɨbɨr, dan̰ [gasɨlaŋn̰əŋ bɨ, dan̰ gɨyəŋ gɨ da hada ɗe arɨn̰.]

Galad 4:9

Ama haw kɛ na, kɨŋ sol Kumu bɨ, leen̰ cɨndi na, Kumu ba solgɨŋ. Ama na mɨna ma magɨŋ bɨle kɨya lɔɔ gɨye lɔɔ gɨ da tɔgɨn̰əŋ ga a cay gɨsəŋ gaŋ, ga na kula ga ɓalage lɔɔ hɨnga naŋ le ga? Kɛ kɨŋ gey jɔgɛ bɨləŋ gɔyɔŋ kage ɗaŋ coŋ ga?

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 2:15

Dan̰ gɨyəŋ gɨ da tɨmaydi na, Jesu lee gɨ na kɔbɛ gɨ da gasɨn̰-kɔl bɨ, te tumɔ bɨ, naa ba kɨya lɔɔ gɨ Kumu na kɨya ƴomna gusi naŋ. Ban lee hɨnga ga nee le, ɗe Jubɨn̰əŋ bɨ, kalaŋ ga toyge na Jubɨ naŋ bɨ, na bɨləŋge te kalaŋ ga hɨrɨwa ga bugoŋge pɨna dan̰ Kɨris bɨ, ɗe gusi-dɔbɛ na woy duroyge bɨ.

Kɔlɔs 2:16

Kɨya cay kɔl nɔm gɨ nee le na, kɨŋ ɗɔɔ ungo wo̰ dɨbe kɔl caygɨŋ naŋ, ojɨn̰ cay hɨnga ga ni dɔɔ naŋ le, hɨnga ga ni sɔɔ naŋ le, cay lɔɔ kɨdɨrɛ gɨ da kɨdɨrɛn̰əŋ naŋ le, ojɨn̰ cay lɔɔ kɨdɨrɛ gɨ da kɨdɨrɛn̰əŋ ga andaŋ hɨrɨwa naŋ le, ojɨn̰ cay wɔlɛ gɨ ni dorɨn̰ gɨlale gɨ da Jubɨn̰əŋ bɨ.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

Əbɨro 2:5

Na cɨndi, wɔlɛ gɨ hɨrɨwa dan̰ gɨye-lɔɔdi gɨ hɨrɨwa gɨ ni ba ye koldɨge le, Kumu dɨbage na te dɔnɔ di da ka-ƴɔbɛ ga daa nii gaŋ naŋ.

Əbɨro 6:2

hɨnga ga ni gɨle ga ojɨ cay batɛm ga toyge kan̰dɨge kan̰dɨge bɨ, cay dɨbe-kɔbɔ cay kalaŋ bɨ, cay kalaŋ ga ma ga kɨya bɔyɛge lɨbe bɨ, cay bɔyɛ kɔl gɨ dan̰ tumoyi yɔd bɨ.

Əbɨro 6:5

kan talge kuɗadi kɔl gɨ da Kumu solge dɔnɔdi bɨ, ɨsɨbɨge belin̰əŋ di da dɔɔ-ƴaa da Kumu gɨ ba kɨya caga le haw kɛ solge bɨ.

Əbɨro 7:12

Hɨn̰ gɨ na ƴage gɨye gɨ da ka-bɔgɛ kɨbar ga a te wɨn̰je gɨ da Lebi gɨŋ bɨn̰ge te wɨn̰je gɨ ɗaŋ na, naa wa wa kalɨn̰ ma gasɨn̰-kɔl kalɨn̰ ma kɨya bɨləŋ ɗaŋ bɨ.

Əbɨro 7:16

Ba-bɔgɛ kɨbar gɨ ɗaŋ gɨ nee le bɨləŋ ba-bɔgɛ kɨbar na dan̰ gɨyəŋ gɨ da te tumɔ di ye gɨ ba-bɔgɛ kɨbar na kɨya ɨrga naa a te wɨn̰je gɨ pɨna gɨŋ da kalaŋ ga ɨndəŋ naŋ. Ama ban bɨləŋ ba-bɔgɛ kɨbar na dan̰ gɨyəŋ gɨ da dɔnɔ di ni somɨn̰-bɨra di kɨya mundoŋ naŋ le.

Əbɨro 9:1

Saɗe kɨbɨ pɨna ɓɨse gusu gɨ cay wase orɨn̰ dan̰ gasaŋ ga ojɨ cay lɔɔ gɨye bɨn̰ Kumu bɨ, orɨn̰ dan̰ ƴaa-di-da-Kumu di cay gɨsəŋ gaŋ kɛ bɨ.