Əbɨro 7:18 - Gabri Maja

¹⁸ Mondɨge te tumɔ di ɨlgi coŋ na hɨn̰ wo̰, kɨya wa gɨ tɔgɔɔ unɔ bɨ, wɨya gɨ ni loon̰ gɨye naŋ bɨ.

Əbɨro 7:18 ပူးပေါင်းရင်းမြစ်များ

Gɨye-lɔɔ 13:39

Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Magtubu di Pol wal bɨn̰ kalaŋ ga Rɔm 3:31

Naa hɨn̰ wo̰ na, kɛ dan̰ gɨyəŋ gɨ da aye kudurɔ le ni bɨle gasɨn̰-kɔl gɨ da Moyis leen̰ hɨnga ga kalɨn̰ wo̰ dugo ga? Cə, na hɨn̰ wo̰ naŋ bɨrɨŋ. Na nee dɨm ma, mani boo tɔgɔɔ cay mɨgaa ƴee.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Galad 3:15

Ay, karmɨnɨ ga ban̰aŋ dan̰ ga kandɨ, ɨŋ ay gɨye-lɔɔ gɨ da kalaŋ ga ɨndəŋ, kɨya gɨlgɨŋ hɨnga pɨna. Hɨn̰ gɨ ungo na gɨsɨ gɔsɨnɛ hɨnga kayi ga kɨya bɔɔ ban̰di dan̰ gɨyəŋdɨge na, ungo gɨ ɗaŋ kɨya ɓale mɔndɛ coŋ naŋ bɨ, dɔrɛ kɔl boy nee coŋ naŋ bɨ, dɨbe koyi cay nee naŋ bɨ.

Galad 3:17

Kɔl gɨ ɨŋ ba ye le toy ba kɛ: Kumu gɨsɨ hɨnga kayi ga ni lɔɔ ban̰di dan̰ gɨyəŋdɨge bɨ, ye gɨ hɨnga ga ban ye gɨ ɗi na kɨya lɔɔ le na kɨya wɔyɛ jaŋ ban̰di nee bɨ. Gasɨn̰-kɔl gɨ ba ɨrga ɨlge aru poɗɨn̰ dan̰ toy-sɨbɨ kardi nee le, kɨya ɓale mɔndɛ naŋ bɨ, kɨya ɓale dɔrɛ coŋ naŋ bɨ.

Galad 3:21

Kɛ gasɨn̰-kɔl kɨya mɔndɛ hɨnga ga Kumu ye gɨ ɗi na kɨya lɔɔ le ga? Cə, na hɨn̰ wo̰ naŋ bɨrɨŋ! Tumɔ hɨn̰ gɨ kalaŋ na ɓalage wɔɔ sɔmɛ-bɨra gɨ dan̰ cɨndi dan̰ gɨyəŋ gɨ da kɔbɛ gɨ kan kobɨ gasɨn̰-kɔl nɔm gɨ Kumu bɨge na, kan ni kɨya bɨlege kalaŋ ga dan̰ durɔ ɗɨngar dan̰ gɨyəŋ gɨ da gɨye-lɔɔ gɨ nee le ɨni.

Galad 4:21

Yaŋgɨŋ ƴee bɨ, kɨŋ ga ka-geye tɔbɛ caygɨŋ te gasɨn̰-kɔl gɨ da Moyis gɨŋ le, kɛ kɨŋ sol duroy kɔl gɨ gasɨn̰-kɔl gɨ nee le ye hagɨŋ ga? Ɨŋ sɨla naŋ.

Galad 4:9

Ama haw kɛ na, kɨŋ sol Kumu bɨ, leen̰ cɨndi na, Kumu ba solgɨŋ. Ama na mɨna ma magɨŋ bɨle kɨya lɔɔ gɨye lɔɔ gɨ da tɔgɨn̰əŋ ga a cay gɨsəŋ gaŋ, ga na kula ga ɓalage lɔɔ hɨnga naŋ le ga? Kɛ kɨŋ gey jɔgɛ bɨləŋ gɔyɔŋ kage ɗaŋ coŋ ga?

1 Timote 4:8

Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.