Əbɨro 6:2 - Gabri Maja

² hɨnga ga ni gɨle ga ojɨ cay batɛm ga toyge kan̰dɨge kan̰dɨge bɨ, cay dɨbe-kɔbɔ cay kalaŋ bɨ, cay kalaŋ ga ma ga kɨya bɔyɛge lɨbe bɨ, cay bɔyɛ kɔl gɨ dan̰ tumoyi yɔd bɨ.

Əbɨro 6:2 ပူးပေါင်းရင်းမြစ်များ

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Matɨyo 3:14

Ama Ja̰ say mal gɨyəŋ gɨ ni kan̰e, bɨ yen̰ Jesu hɨn̰: «Na ɨŋ-bandi ba orɨn̰ dan̰ n̰age gɨ ji na laaŋ batɛm, ma na mɨna ma mɨn̰ ɨrga gusɨnɨ ga?»

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Marg 7:4

Kɨɗɨn̰ ga kan na sa te sugu dɨŋ na, kɨya pɨlege gusɨge dan̰ gɨyəŋ gɨ da hada pa dɨm ma kɨya dɨn̰ge dɔɔ ƴee. Kan kobɨge te hada ga ɗaŋ kondɨ, hɨn̰ pɨle kobon̰əŋ, dan̰ tagɨlɨn̰n̰əŋ, dan̰ ɨmbɨlɨn̰n̰əŋ ga leege dan̰ nare gɨ ni kɨwɨbɨr, dan̰ [gasɨlaŋn̰əŋ bɨ, dan̰ gɨyəŋ gɨ da hada ɗe arɨn̰.]

Marg 7:8

Kɨŋ ɗe te tumɔ ga da Kumu coŋ bɨ, kobɨn̰ te hada ga da kalaŋ.»

Kɔl-gɨ-Ɗari gɨ Lug wal 11:38

Kɨɗɨn̰ ga Parɨsɨn̰a le, ba sol gɨ Jesu ba dii dɔɔ dɨle pɨle kobi hɨn̰ gɨ Jubɨ ba leedege na, kɔl kayi!

Kɔl-gɨ-Ɗari gɨ Lug wal 12:50

Ama tumɔ pa dɨm na, ɨŋ kɨya wɔɔ batɛm di kɨya dɔbɔŋ boy gɨle-cɨn̰ dɨŋ. Ɨrɨmenɨ kɨya bɔɔ cay mɨgayi gɨŋ naŋ bɨrɨŋ gɨsɨn̰ gɨ hɨnga ga nee le kɨya lɔɔ gusɨge.

Kɔl-gɨ-Ɗari gɨ Lug wal 14:14

Hɨn̰ gɨ ji na laa hɨn̰ wo̰ na, tumoy wolwa woy kol can̰, kɨya gɨ kan le kɨya ɓale molɨn̰ ɔrɛ dɔɔ dɔɔ ban̰di nee naŋ. Ama Kumu ba kɨya bɨn̰ cay kobɨn̰ wɔlɛ gɨ kalaŋ ga ka-lɔɔ hɨnga ga dan̰ durɔ ɗɨngar kɨya bɔyɛ lɨbe duroy kalaŋ ga madɨrdaŋ gaŋ.»

Kɔl-gɨ-Ɗari gɨ Lug wal 3:16

Ɨni na, Ja̰ yege hɨn̰: «Ɨŋ-bandi le, Ɨŋ leegɨŋ batɛm na dan̰ kaŋ ƴɔbɨ. Ama ungo gɨ pɨna wo̰ gɨ dɔnɔdi ɗɨn̰ tɨnge tɨlga karɨnɨ nee. Ɨŋ ɓala gɨ ni pɨndɨre gangɨdi gɨyabe ga a tɨbayi naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Kɔl-gɨ-Ɗari gɨ Ja̰ wal 1:33

Tumɔ ɨŋ sɨla hɨn̰ gɨ naa ban ma, maŋ naa na ye koldi naŋ, ama ban gɨ ba gɨyigəŋ loon̰ kalaŋ batɛm boy kaŋ gaŋ le, yəŋ hɨn̰: «“Ungo gɨ ji na sɨla Turnɔ di da Kumu na se daa ɨre gɨsɨn sɨma cayi na, na ban gɨ ba-leen̰ kalaŋ batɛm dan̰ Turnɔ ɗe-kuduroy-bɛrɛ dɨŋ le”.

Kɔl-gɨ-Ɗari gɨ Ja̰ wal 5:29

Kan ga leege hɨnga ga kuɗudaŋ le, kɨya bɔyɛge lɨbe gɨ ni somɨn̰-bɨra dan̰ cɨndɨge, ama kan ga leege hɨnga ga ɨsɨndəŋ le, kɨya bɔyɛge lɨbe ɗe gɨ kan na bon̰ kɔl cayge.»

Gɨye-lɔɔ 10:47

«Kalaŋ ga ba kɛ le, wayige Turnɔ ɗe-kuduroy-bɛrɛ hɨn̰ na-gandi wo̰ bɨ, kɛ ungo gɨ ɓale nare gɨ kan na laage batɛm coŋ ga?»

Gɨye-lɔɔ 13:3

Kɨɗɨn̰ ga kan hay kɨbɨge bɨ, olge Kumu bɨ ɨni na, kan dɨbɨge kobɨge cayge torɨn̰-kɨbɨge bɨ, ɗegege or.

Gɨye-lɔɔ 16:15

Kan looge batɛm dan̰ ka-ƴaado pɨna bɨ, hɨndi molni, yeni hɨn̰: «Hɨn̰ gɨ kɨŋ na sɨla gɨ ɨŋ naa ɗe-aye kudurɔ bɨn̰ Ba-gulɔŋ na, kɨŋ ɨre sɨma tange.» Hɨndi loɗɨdɨde toyni bɨrɨŋ gɨ ni ɨrga som a taa.

Gɨye-lɔɔ 16:33

Ba-game ka-dangay le donge orɨn̰ danage duroy son̰dodo di nee dɨŋ le pɨle cɨn̰ ɨya toge bɨ, kardi nee ɨni na, kan leeyige batɛm kɨɗɨn̰di ga nee gaŋ le, dan̰ ka-ƴaadi nɔm.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 23:6

Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

Gɨye-lɔɔ 24:15

Ɨŋ bee ɨrɨmenɨ a cay Kumu hɨn̰ gɨ kan kalɨn̰ ma ba been̰ge kuduroyge cayi wo̰ bɨ. Gɨ kalaŋ ga dan̰ durɔ ɗɨngar bɨ, ga dan̰ durɔ ɗɨngar naŋ bɨ, ga mage le, Kumu kɨya boyge lɨbge.

Gɨye-lɔɔ 24:21

Gajanaŋ na nonɨ di ɨŋ dor daa duroyge yen̰ kɔl le ma: “Kan gey gɨ ni bɔyɛ kɔl canɨ labɨde, na kɨya gɨ ɨŋ bee kuduronɨ cay bɔyɛ lɨbe gɨ da kalaŋ ga madɨrdaŋ gaŋ.”»

Gɨye-lɔɔ 24:25

Ama kɨɗɨn̰ ga Pol dor kɔl gɨ ojɨ cay gɨye-lɔɔ gɨ dan̰ durɔ ɗɨngar bɨ, ƴɔmɛ-gusɨn̰ cay hɨnga nɔm bɨ, cay bɔyɛ kɔl gɨ ba kɨya ɨrga bɨ na, hundɔrɔ le Peligɨs lee gɨ ban yey hɨn̰: «Haw kɛ na, dɨra gusɨn̰ gusɨnɨ coŋ. Hɨn̰ gɨ ɨŋ na waa gɨyəŋ na, ɨŋ kɨya togɨn̰ ƴee.»

Gɨye-lɔɔ 26:8

Kɨya wa ma, kalaŋ duroygɨŋ solge gɨ bɔyɛ gɨ Kumu boy kalaŋ ga madɨrdaŋ lɨbge le, na hɨnga ga ni bɔgɛ kudurɔ cay nee naŋ ga?»

Gɨye-lɔɔ 4:2

Kuduroyge say kɨya cay kɔl gɨ ka-gɨre-gɨye gɨlɨn̰ge kalaŋ bɨ, yen̰ge ye hɨn̰, hɨn̰ gɨ Jesu ba boy lɨbɨ le kalaŋ ga madɨrdaŋ kalɨn̰ ma na kɨya bɔyɛge lɨbe hɨn̰ wo̰ bɨ.

Gɨye-lɔɔ 6:6

Kan ɨrgan̰ danage tumoy ka-gɨre-gɨye. Kan olge Kumu bɨ, dɨbɨge kobɨge cayge kɨya dorge sige dan̰ cɨndɨge ojɨn̰ cay gɨye gɨ nee le bɨ.

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

1 Korɛ̰t 10:2

Lee gɨ kan nɔm bugoŋge pɨna dan̰ Moyis dan̰ gɨyəŋ gɨ da batɛm di bon̰ gɨrɨmbale gaŋ bɨ, bon̰ kuray gɨ gumu gɨŋ bɨ.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.

2 Timote 2:18

Kan cɨroŋge te gɨyəŋdi kɔl gɨ cɨndi yen̰ge hɨn̰: «Bɔyɛ lɨbe gɨ kalaŋ boyge lɨbɨ le, naa hɨnga ga na lee gusɨge ɨni.» Lee gɨ kalaŋ ga pɨna ɗege aye kudurɔ koge coŋ kol cayge.

Əbɨro 11:35

Na dan̰ gɨyəŋ gɨ da aye kudurɔ ma, kandɨ ga pɨna jɨga wayge kalaŋ kage ga madɨrdaŋge dan̰ gɨyəŋ gɨ da bɔyɛ lɨbe. Kan ga ɗaŋ kan ɗɨndɨrdɨge ɗege kɨbɨ tɨma dɨŋ bɨ. Kan kan̰ge gɨ kan na dɨrage daa kɨbɨ tɨma dɨŋ, ɗe hɨn̰ gɨ kan na mardɨrdaŋge na, kan na bɨya lɨbɨ bɨ, sɨman̰ dan̰ cɨndɨge sɔmɛ gɨ kuɗa ɗɨn̰ gɨ tumɔ.

Əbɨro 9:10

Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

2 Pɨyɛr 3:7

Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.