Əbɨro 6:19 - Gabri Maja

¹⁹ Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.

Əbɨro 6:19 ပူးပေါင်းရင်းမြစ်များ

Matɨyo 27:51

Bɨ ga ma badɨge ga kan bon̰ge te kɨɗɨn̰ ga woy dan̰ cɨndɨge a duroy ƴaa-di-da-Kumu dɨŋ le, sagaŋ duroy nee pɨraŋ kɨɗɨn̰ sɔɔ, daa bɨrɨŋ andaŋ dugo. Cay gɨsəŋ yɨbagdaŋ den̰ den̰ bɨ, garman̰əŋ kaydaŋ bɨ.

Gɨye-lɔɔ 23:6

Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

Gɨye-lɔɔ 27:29

Hɨn̰ gɨ kan ba hɨndar gɨ koburo gɨ gumu taa taa le na gɨ ɔrɛ jibe cayi cay garma gɨ pɨna wo̰ gɨŋ na, kan beege nare ga wodɨldəŋ poɗɨn̰ kardi gɨ ni ƴomii kɨɗɨn̰ pɨnaa bɨ, gamge pɛɗɛɗɛ gɨ kɨɗɨn̰ na wɨla haw bɨ.

Gɨye-lɔɔ 27:40

Na toy di hɨn̰ wo̰ ma, kan pɨndɨrdege gangɨ di kan saɗɨdege nare ga wodɨldəŋ kɨbɨ nee coŋ bɨ. Kɨɗɨn̰di ga nee gaŋ le bɨ, kan pɨndɨrdege kɨbɨ sɨya ga sɔɔ ga ni polɨn̰ kaŋ dorɨn̰ tumoy koburo gɨ gumu taa taa orɨn̰ daa le daa ban̰di nee bɨ. Kardi nee na, kan sogɨge kɨbɨ badge ga woy tumoy koburo gɨ gumu taa taa gɨŋ le daa. Ɗe gɨ kal na nɨngɨlan̰ koburo gɨ gumu taa taa le ɨran̰ jɨn̰ kɨbɨ kɨlay gɨŋ.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 4:18

Ko, hɨn̰ gɨ hɨnga ga ni bɔgɛ ɨrɨme cay nee na unɔ kalɨn̰ ma Abɨraham bee kuduroy a cay kɔl gɨ da Kumu bɨ, ɨrɨmedi gɨ ban bee a cay Kumu le woy osu bɨ. Lee gɨ ban bɨle mon̰ gɨ da te wɔɔ gɨ da kalaŋ ga dan̰ kondiige hɨn̰ gɨ tumɔ Kumu ba yeyi hɨn̰: «Kongɨn̰ɨn̰ kɨya bɨlege te kalaŋ ga dan̰ kondiige.»

Magtubu di Pol wal bɨn̰ kalaŋ ga Rɔm 5:4

Ɨni na, dɨbe-ɗugɔ kɨya dɔbɛ bandɨ kuduroyna. Hɨn̰ gɨ kuduroyna na waa bandɨ na, na kɨya ɨre osɨwa a cay ɨrɨmedɨna gɨŋ gɨ na bee a cay Kumu.

1 Korɛ̰t 13:13

Haw kɛ na, hɨnga ga woy dan̰ cɨndɨge yɔd le toyge won̰ na sɨbɨ: Na aye kudurɔ bɨ, bɔgɛ ɨrɨme a cay Kumu bɨ, wandɨ bɨ. Ama duroy kan ga sɨbɨ le, gɨ gumu ɗige nɔm na wandɨ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

Epɛs 2:6

Kumu boyna lɨbna te bugoŋ pɨna dan̰ Jesu-Kɨris bɨ, or ɗena pɨna danayi a gɨɗɨgɨ-Kumu gɨŋ daa nii.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 3:1

Hɨn̰ gɨ kan na bɨyagɨŋ lɨbgɨŋ pɨna dan̰ Kɨris ɨni na, kuɗa gɨ kɨŋ mala na hɨnga ga a gɨɗɨgɨ-Kumu gaŋ, ga na kɨɗɨn̰ ga Kɨris somɨn̰ nee a cay kobɨ Kumu gɨ bara gɨŋ.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

Əbɨro 4:16

Naa hɨn̰ wo̰ na, kuɗa gɨ na sɨye bongi kali-tɨrɨmbala di da ɗarwa dɨle hundɔrɔ coŋ bɨrɨŋ ɗe ban solɨn̰ cɨn̰-n̰age tonagɨŋ. Bɨ ana wan̰ ɗarwa di a gusii di kɨya jɨbe toyna a duroy hɨnga ga na or n̰agedɨge a boy tɨwado dɨŋ.

Əbɨro 9:3

Duroy gɨ ni cay sɔɔdi gɨ teeyige naa kɨɗɨn̰ ga woy dan̰ cɨndɨge ɗɨn̰ coŋ le, woy na a kardi badɨge ga boy duroy ƴaa-di-da-Kumu di leege dan̰ ɓala.

Əbɨro 9:7

Ama na mangɨl gɨ da ka-cay ka-bɔgɛ kɨbar ƴɔbɨ, ma na ba andaŋ a boy duroy ƴaa-ɓala gɨ sɔɔdi gɨŋ le. Ban andaŋ nee na cay pɨna duroy ɨlge pɨna, dan̰ kɨbar gɨ ni bɨn̰ Kumu kɨya cay ɨsɨna koyi ban gaŋ bɨ, kɨya cay ɨsɨna gɨ da te kalaŋ ga Ɨsɨrayɛl gɨ kan leege dan̰ kuduroy geye koge naŋ bɨ.

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.