Əbɨro 6:18 - Gabri Maja

¹⁸ Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

Əbɨro 6:18 ပူးပေါင်းရင်းမြစ်များ

Matɨyo 24:35

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Kɔl-gɨ-Ɗari gɨ Lug wal 2:25

Sɨlagɨŋ! Wɔlɛdi gɨ nee le, bara gɨ pɨna wo̰ som a cay ƴaa-di-gumu di Jerusalɛm dɨŋ gusondi na Simin̰o. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ. Ban som gam na jɨne hayi, ban gɨ Ba-jale ɗugɔ te wɨn̰je gɨ da Ɨsɨrayɛl. Turnɔ ɗe-kuduroy-bɛrɛ le baa dan̰ Simin̰o.

Magtubu di Pol wal bɨn̰ kalaŋ ga Rɔm 15:5

Kumu gɨ ba-bee haye-kudurɔ bɨ bandɨ bɨ, kuɗa gɨ ban bɨgɨŋ ɨrɨme gɨ ni somɨn̰ pɨna nɔm togɨŋ dɨŋ, agɨŋ kobɨn̰ gɨyəŋ gɨ da Jesu-Kɨris,

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 3:4

Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

Pilib 2:1

Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ kuduroy geye gɨ da Kumu gɨ Ba-poɗɨna bɨ, dan̰ kuduroy geye gɨ da Jesu-Kɨris gɨ na bee ɨrɨmedɨna cayi bɨ le.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

2 Timote 2:13

Hɨn̰ gɨ nana ɨr a cay te tumoynagɨŋ dɨŋ naŋ na, Ban na ɨre a cay te tumoyi dɨŋ, Kɨya wa ban ɓala lɔɔ hɨnga ga ɗaŋ, Ban̰di hɨnga ga andaŋ kɨbi le naŋ.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

Əbɨro 3:11

Kuduroy-hɔmɛ ləŋ lee gɨ ɨŋ ɓɨse gusɨnɨ ye hɨn̰: “Kan kɨya dɨbe tɨbayige, Kɨɗɨn̰ dɔrɛ gɨlale kange gaŋ naŋ bɨrɨŋ.”»

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 6:17

Na toy di hɨn̰ wo̰ ma, Kumu gey gɨ ka-wɔɔ hɨnga ga Kumu ye gɨ ɗi na kɨya bee le, na sɨlage duroy arɨn̰a gɨɗaŋ gɨ cay gasɨndi ga ban ay le, ɗi na kɨya bɨle naŋ. Na kɨya cay kɔl gɨ nee le ma, ban dɨɗɨ kɨbɨ hɨnga ga ban ye gɨ ɗi na kɨya bee le dan̰ ɓɨse gusi.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.

Əbɨro 7:21

Ama Jesu bɨləŋ ba-bɔgɛ kɨbar na dan̰ gɨyəŋ gɨ da ɓɨse gɨ Kumu ɓɨsɨ gusi, kɨɗɨn̰ ga ban ye hɨn̰: «Ba-gulɔŋ Kumu ɓɨsɨ gusi bɨ, Ban kɨya bɨle cay gasɨndi ɗaŋ naŋ bɨ: “Ji kɨya wɔyɛ na ba-bɔgɛ kɨbar dan̰ tumon̰.”»

1 Ja̰ 1:10

Hɨn̰ gɨ na na ya hɨn̰: «Na na laa ɨsɨna naŋ na», na lee Kumu leen̰ ba poy bɨ, kɔl koyi unɔ a kuduroynagɨŋ bɨ.

1 Ja̰ 5:10

Waŋ waŋ gɨ na bɨga kuduroy a cay Kurɨn̰-Kumu na, ƴom dan̰ tɨmon̰ di nee le a ɗugoyi. Ama waŋ waŋ gɨ na bɨga kuduroy cay Kumu naŋ na, lee Kumu leen̰ na ba-poy, kɨya wa ban kan̰ bɔgɛ kuduroyi a cay tɨmon̰ di Kumu lee a cay Kurondi le.