Əbɨro 6:10 - Gabri Maja

¹⁰ Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

Əbɨro 6:10 ပူးပေါင်းရင်းမြစ်များ

Matɨyo 10:42

Aŋ yəgɨŋ daa waŋ na cɨndi: Waŋ waŋ gɨ na bɨn̰ ungo duroy kalaŋ kange ga n̰en̰əŋ kɛ le, kaŋ ga jali dan̰ ungo di dḛḛ kɨya gɨ ban naa ba-aye-cay-tɨbanɨ na, kɨya wɔɔ hɨnga ga ni cay kobi.»

Matɨyo 20:7

Ɨni na, kan dɨbiige cay nee yeyige hɨn̰: Na kɨya gɨ ungo dɨnani gɨye gɨŋ naŋ.» Ɨni na, ban yege hɨn̰: «“Naa hɨn̰ wo̰ na, ɨragɨŋ lɔɔ gɨye duroy yagedi suru tɨnge dɨŋ.”

Matɨyo 25:17

Guyɔŋ gɨ orɨn̰ dan̰ gursu di ni lɔr aru sɔɔ le, lee na hɨn̰ gɨ mɨgayi ba leen̰ le wo̰ bɨ, wan̰ kaŋdo aru sɔɔ cay nee.

Marg 9:41

Aŋ yəgɨŋ daa waŋ na cɨndi: Waŋ waŋ gɨ na bɨgɨŋ kaŋ ga jali dan̰ ungo di dḛ, kɨya gɨ kɨŋ naa kalaŋ ga da Kɨris na, ban kɨya wɔɔ hɨnga ga ni cay kobi.»

Kɔl-gɨ-Ɗari gɨ Ja̰ wal 13:20

Jagɨŋ! Aŋ yəgɨŋ daa waŋ na cɨndi: «Waŋ waŋ gɨ na ƴɨma ban gɨ ɨŋ gɨyi kuɗa gusi na, ƴɔmɔŋ na ɨŋ-bandi gusi bɨ. Waŋ waŋ gɨ ƴɔmɔŋ kuɗa gusi le, ƴom na ban gɨ gɨyəŋ kuɗa gusi bɨ.»

Gɨye-lɔɔ 10:31

bɨ yəŋ hɨn̰: “Kɔrney, Kumu je ɔlɛ kon̰ bɨ, kuduroyi hala gɨybəŋ cay hɨnga ga ni bee ga ji bɨn̰ ka-n̰age le naŋ bɨ.

Gɨye-lɔɔ 10:4

Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ.

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Magtubu di Pol wal bɨn̰ kalaŋ ga Rɔm 12:13

Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

2 Korɛ̰t 9:1

Leen̰ cɨndi na, uja gɨ ɨŋ gɨ wale magtubu gɨyɨn̰ bɨgɨŋ ojɨn̰ cay hɨnga ga ni jɨbɨn̰ te karme ga ni ba gey orɨn̰ bɨn̰ ka-karme ga woyge dan̰ cɨndɨge ga a cay ƴaa-di-gumu di Jerusalɛm dɨŋ naŋ.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Kɔlɔs 3:17

Hɨnga ga ani ani ga kɨŋ kɨya lɔɔ, naa kɔl yɔdɨgɨŋ naŋ le gɨye-lɔɔdɨgɨŋ kalɨn̰ ma, laagɨŋ na dan̰ guson̰ Ba-gulɔŋ Jesu. Dan̰ gɨyəŋ gɨ da gusondi na laan̰gɨŋ Bayna Kumu ho’o.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Əbɨro 10:32

Kuɗa gɨ kuduroygɨŋ hɨn a cay hɨnga ga ləgɨŋ cay wase le. Kɨɗɨn̰ ga kɔl gɨ cɨndi gɨ da Kumu ba haŋgɨ cɨndɨgɨŋ le, a boy wɔlɛdi gɨ nee gɨŋ le, kɨŋ way tabɨ kondɨ kardi nee. Ama kɨŋ ɨre osu kɨbɨ kɨmbɨl gɨŋ le.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

1 Ja̰ 1:9

Kumu na ungo gɨ ɨre a cay gasɨndi gaŋ bɨ, na ungo gɨ dan̰ durɔ ɗɨngar bɨ. Hɨn̰ gɨ na na yagɨŋ te ɨsɨna konagɨŋ daa pɨraŋ na, ban kɨya ɗɔɔ kuduroy jalɨwa cay ɨsɨna konagɨŋ gɨŋ bɨ, kɨya dornagɨŋ mɨra te ɨsɨna konagɨŋ gɨŋ nɔm bɨ.