Əbɨro 6:1 - Gabri Maja

¹ Na toy di hɨn̰ wo̰ ma, kuɗa gɨ ana orgɨŋ dan̰ cɨndɨna tumɔ a te hɨnga ga ni gɨle ga ojɨ cay kalaŋ ga cɨndɨge nadɨrdaŋ a te Kɨris gaŋ bɨ. Kuɗa gɨ na sɔmdɛgɨŋ cay hɨnga ga ni gɨle ga cay wase gɨ ojɨ cay Kɨris le naŋ ɨni. Dɨle jɔgɛ tɨrabe hɨnga ga ni gɨle ga sayga toyge dɨŋ, hɨnga ga nee le ba kɛ: Ɗɔɔ kardi hɨnga ga kɨya orɨn̰ dan̰ kalaŋ tɨma dɨŋ bɨ, bɔgɛ kudurɔ cay Kumu bɨ,

Əbɨro 6:1 ပူးပေါင်းရင်းမြစ်များ

Matɨyo 21:29

Ɨni na, kurondi le, dɨbii cay nee yeyi hɨn̰: “Ɨŋ kɨya ɔrɛ naŋ.” Ama kardi nee lam na, cɨndi sagaŋ a cay hɨnga ga ɨsɨn ga ban lee gaŋ bɨ, bɨle ɨrɨmedi bɨ, say orɨn̰ yage gɨŋ le.

Matɨyo 21:32

Kɨya wa Ja̰ ɨrga gusɨgɨŋ gɨlgɨŋ gɨyəŋ gɨ dan̰ durɔ ɗɨngar, ama kɨŋ bɨga kuduroygɨŋ cayi naŋ, ama ka-hɔgɛ lambo bɨ, kandɨ ajɨban̰əŋ bɨ, beege kuduroyge cayi. Kɨŋ sol dan̰ cɨndɨgɨŋ hagɨŋ, ama kardi nee na, kɨŋ bɨl gɨye-lɔɔdɨgɨŋ naŋ, lee gɨ kɨŋ bɨga kuduroygɨŋ cay Ja̰ naŋ.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Matɨyo 7:25

Kumu ongɨ bɨ, kaŋdi kuray buyoŋ ƴee kardi ƴaa bɨ, kal ye dan̰ togii tɔgɨ cay ƴaa gɨŋ bɨ, ama ƴaa le ba naŋ, kɨya gɨ ɗege tɔɔ na cay garma gɨŋ.

Marg 1:1

Kɔl-gɨ-Ɗari gɨ da Jesu-Kɨris Kurɨn̰-Kumu ay toy na kɛ.

Marg 6:12

Ɨni na, kan sayge orge tɔgɛ bɛrnɛ yen̰ge hɨn̰: «Bɨlgɨŋ gɨye-lɔɔdɨgɨŋ.»

Kɔl-gɨ-Ɗari gɨ Lug wal 6:48

Ban gɨlɨn̰ na hɨn̰ ungo gɨ ba gaɗe ƴaa, ama pay umboŋ ɗe ɗɨge mɨrɨg bɨrɨŋ andaŋ cay garma gɨŋ pa dɨm ma ɗen̰ te ƴaa cay nee ƴee wo̰. Kɨɗɨn̰ ga kaŋdi kuray na buyoŋ ɨra te ƴaa di nee dɨŋ bɨ, tɨgaa paj paj bɨ, yɨbagdaa yɨbag yɨbag bɨ kalɨn̰ ma ƴaa le kɨya dusoŋ naŋ. Kɨya gɨ ungo le gaɗɨ ƴaa le kuɗa.

Kɔl-gɨ-Ɗari gɨ Ja̰ wal 12:44

Ama Jesu ye dan̰ tumoyi di daa pəŋ ye hɨn̰: «Waŋ waŋ gɨ na bɨga kuduroy canɨ na, ban bee kuduroyi na canɨ ɨŋ-bandi ƴɔbɨ naŋ, ama ban bee kuduroyi na cay Kumu gɨ gɨyigəŋ bɨ.

Kɔl-gɨ-Ɗari gɨ Ja̰ wal 14:1

Jesu yen̰ ka-aye-cay-tɨbayi hɨn̰: «Ɗɔɔgɨŋ ɗugoygɨŋ algɨŋ naŋ, bɨgagɨŋ kuduroygɨŋ cay Kumu bɨ, bɨgagɨŋ kuduroygɨŋ canɨ nee bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 17:30

Gɨye-lɔɔ gɨ da kalaŋ boy wɔlɛ gɨ jɨne gɨ kan sɨlan̰ Kumu naŋ ƴee le, Kumu ay cɨndi cay nee coŋ. Ama haw kɛ na, ban ay noyi bɨn̰ kalaŋ nɔm dan̰ kɨɗɨn̰ nɔm ɗe gɨ kan na bɨl gɨye-lɔɔdɨge.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

1 Korɛ̰t 13:10

Ama wɔlɛ gɨ hɨnga ga duroŋ cɨrɛɗ na bugoŋ na, hɨnga ga na hɨnga ga duroŋ cɨrɛɗ naŋ ba kɨya kaɗɨn̰e.

1 Korɛ̰t 2:6

Ama kɔl gɨ ni gɨlɨn̰ kalaŋ ga da Kɨris ga cɨndɨge na le na cɨn̰-muɗɔlɛ. Ama na cɨn̰-muɗɔlɛ di a cay gɨsəŋ gaŋ kɛ naŋ bɨ, na cɨn̰-muɗɔlɛ gɨ da kɨlma gɨ a cay gɨsəŋ gaŋ kɛ naŋ bɨ, ga woy kɨya mundoŋ coŋ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

2 Korɛ̰t 7:10

Kɨya wa ɨle gɨ da ungo gɨ Kumu ay leen̰ gɨye le, kɨya wɔɔ na hal gɨ bɨli gɨ kɨya orɨn̰ dan̰ ungo dobii kɨɗɨn̰ pɔɗɛ gaŋ bɨ, ungo gɨ ɨrɨmde koldi karu naŋ bɨ. Ama ɨle gɨ da ungo gɨ a cay gɨsəŋ gaŋ kɛ, gɨ sɔlɛ ba ɨrgan̰ le, wɔɔ na tɨma.

Epɛs 2:1

Jɨne, kɨŋ woy na hɨn̰ kalaŋ ga madɨrdaŋ kɨya cay hɨnga ga dan̰ gɨyəŋdɨge naŋ ga kɨŋ lee bɨ, kɨya cay ɨsɨna gɨ kɨŋ lee le bɨ. Ama haw kɛ na Kumu bɨgɨŋ sɔmɛ-bɨra.

Epɛs 2:5

Na toy di hɨn̰ wo̰ na-gandi ga na woy hɨn̰ kalaŋ ga madɨrdaŋ coŋ kɨya cay hɨnga ga dan̰ gɨyəŋdɨge naŋ ga na lee le, ban bɨna sɔmɛ-bɨra gɨ hɨrɨwa te bugoŋ gɨ na bugoŋ pɨna dan̰ Kɨris. Ho’o, na dan̰ gɨyəŋ gɨ da ɗarwa di da Kumu ƴɔbɨ ma magɨŋ poɗɨn̰.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Kɔlɔs 1:28

Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

Kɔlɔs 3:14

Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Timote 6:19

Na hɨn̰ wo̰ ma kan kɨya dayɨn̰ge cay hɨnga wɔɔ ga kuɗa bɨ, ga cɨndi bɨ pɨna kɨya cay wɔlɛ gɨ wan̰do bɨ ɗe kan wan̰ge sɔmɛ-bɨra gɨ dan̰ cɨndi.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

Əbɨro 11:6

Dɨle aye kudurɔ na, ungo kɨya ɓale ƴɔɔ cɨn̰ Kumu naŋ. Kɨya wa waŋ waŋ gɨ na sɨy gusi Kumu na, ojɨ gɨ ban bɨga kuduroyi cay Kumu gɨ Kumu na woy nee bɨ, gɨ ban naa ba bɨn̰ kalaŋ ga maliige le, cay kobɨge bɨ.

Əbɨro 12:13

Kɨŋ ɨra a te gɨyəŋ gɨ dan̰ durɔ ɗɨngar ɗe tɨbaygɨŋ di lee modo le n̰uroŋ naŋ, ama ɗe poɗɨ dɨm.

Əbɨro 7:11

Gɨye-lɔɔ gɨ da ka-bɔgɛ kɨbar gɨ a te wɨn̰je gɨ da Lebi gɨŋ le, ban ma na te gasɨn̰-kɔl gɨ Kumu bɨn̰ te kalaŋ ga ni Ɨsɨrayɛl. Ama hɨn̰ gɨ kalaŋ ni na ɓalage bɨləŋ kalaŋ ga kuɗudaŋ duroŋ cɨrɛɗ dan̰ gɨyəŋ gɨ da gɨye-lɔɔ gɨ da ka-bɔgɛ kɨbar ga a te wɨn̰je gɨ da Lebi gɨŋ na, kɛ na kɨya wa ma Kumu kɨya lɔɔ gɨ caga gɨ da ba-bɔgɛ kɨbar gɨ ɗaŋ dan̰ gɨyəŋ gɨ da Mɛlgisedɛg gɨ wɔyɛ nee coŋ ga? Ama ban na ba-bɔgɛ kɨbar gɨ a te wɨn̰je gɨ da Aro̰ gɨŋ hɨn̰ gɨ da Lebi wo̰ naŋ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jag wal 1:4

Ama naa wa wa kalɨn̰ ma, ɗagɨŋ gɨ haye-kudurɔ kogɨŋ le, ɗe duroŋ cɨrɛɗ, agɨŋ bɨləŋ kalaŋ ga masadɨge unɔ bɨ, ga nage cḛḛ bɨ, ga hɨnga pɨna wɨyge naŋ bɨ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

1 Ja̰ 4:12

Ungo pɨna wo̰ sɨla Kumu dan̰ tɨdi naŋ bɨrɨŋ. Hɨn̰ gɨ nana gey gusɨnagɨŋ na, Kumu bugoŋ pɨna dananagɨŋ bɨ, geye koyi gɨ woy kuduroynagɨŋ le duroŋ cɨrɛɗ bɨ.